Isaya 40:24 - KITABU KITAKATIFU

²⁴ Yee, va vula kusimikwa; yee, va vula kumidzwa; yee, kitinya kyavo si ki hili imiri hasi: halala na yaga a va herera mwika, navo va nialanga, nekihudzudzi ki va twulidzanga kuli luvuva.

Isaya 40:24 ပူးပေါင်းရင်းမြစ်များ

2 Samweli 22:16

Tsinzira tsyenyanza tsya loleka, Mise gyelirova gya kunulwa, Neligondoka lya Yahova, Ku lihuudza lyemyika gyamolo gege.

2 Avami 10:11

Ma Jehu ya kuya vosi ava tigala venyumba ya Ahabu mu Jezireeli, navandu avanene vosi, navalina veve navasalisi veve, kuduka si ya leka mundu kali mulala.

Ayubu 21:18

Na va veye kuli amavululi imbiri wembuudza Na kuli mukudzi gu hilangwa nekihudzudzi?

Ayubu 4:9

Va divanga ku mwika gwa Nyasaye Na va gotanga ku lifuuma lyobutima bwibwe.

Ayubu 8:17

Nemiri gyigye gyi nazira kitumi kyamagina, Na a henza ha magina ga veye.

Zaburi 58:9

Lwa vifuria vyenyu vi kikiri kuhulira uluva lwa mafwa A la ga hila nekihudzudzi, vivisi na vyumu halala.

Zaburi 83:13

O Nyasaye wange, u va kole va ve kuli ulugukyi mu kihudzu dzi Na kuli mavivi imbiri wembuudza.

Tsing'ano 1:27

Lwa ubutii bwenyu bu duka kuli kihi, Na kivi kyenyu kidzanga kuli kihudzudzi, Na lidambidzwa lyenyu na ubusaliri bwenyu vi duka ku mwinye.

Isaya 11:4

navutswa a la kalagira avadaka nageligali, navegehidzi velirova a la va kalagira nobulungi; na a la kuya lirova nempi mbo yomunwa gwigwe; nokwiita avadamano nomwika gwomu minwa gyigye.

Isaya 17:11

Mu lidiku yilyo lya wa simika wa kumbiridza nolwevo, na mugamba wa lomba bugutsa bubwo bu lavidze vimuli; navutswa ligesa liruka mu lidiku lyobuvereri nelyobusaliri ubunene.

Isaya 17:13

Tsihiri tsi la salama kuli lisalama lyamadzi manene: navutswa uyu a la va gondokera, navo va liruka kutsia ihale, na va la kungwa kuli mukuudzi gwirukidzangwa mu vigulu imbiri wembuudza, na kuli lugukyi lu duminywa mu kihudzudzi.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 37:7

Henza, nda vika roho muye, na a la hulira lusuma, na a lirana mu kivala kikye mwene; na nda kola a duke kugwa ku kivavi mu kivala kikye mwene.

Isaya 40:7

Bunyasi bu nialanga, nekimuli ki kamanga, kigira mwika gwa Yahova gwa heera kuvyo; ligali avandu va veye bunyasi.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 41:2

Ni bwaha ya vukidza mulala kutwula ivugwe, wa a langanga nobulungi ha virenge vivye?A lete tsihiri imbiri wewe, nokumwamehidza ku avami; a va kola kuva kuli lugukyi ku kivavi kikye, kuli luvuva lu hilangwa va duke ku buta bwibwe.

Jeremia 22:30

Yahova a vola, Mu ng'ode mundu uyu u ta veye navana, mundu u vula kuvasidzwa mmadiku gege: kigira si ha veye nomundu ku vosi mu kisukululwi kikye u gasidzwa, kali wikala ku intebe yobwami ya Daudi, nokwameha mu Yuda.

Jeremia 23:19

Henza, kihi kya Yahova, ki veye ubutima bwibwe bwomuliru, bu twuli, yee, ki veye kihi kyekihudzudzi: ki la hudukira ku mitwe gyavadamano.

Hosea 13:15

Kali na a veye wivulanga ligali mu vamwavo veve, imbuudza yevugwe i ladza, mwika gwa Yahova gu twulanga migendanyama; kisenukiru kikye kyamadzi ki la kama, nekidaho kikye ki la kama: kandi a la lanya akiba yosi yeviju vi yanzidzanga vyosi.

Hosea 13:3

Kigira yaga va la va kuli lilesi lyomugamba, na kuli lime li ka manga mabwebwe, kuli mukuudzi gwekihudzudzi ki hilanga ku lodze lwokuhuula ubuswage, na kuli mwoki mu butwuliru bwagwo.

Nahum 1:14

Na Yahova u lagi ku ive, ha ta simikwa kandi kali mulala welieta lilyo: nda twulidza kifwananyi kyokuvadzwa nekifwananyi kyokwelongwa vi twule mu inyumba yavanyasaye vovo; nda ku yavira kilindwa kikyo, kigira ive u legangwa ligali.

Haggai 1:9

Mwinye mwa he nzerera vinyingi, na, henza, vya leta vikekeke vutswa; kandi lwa mwa vi leta mu nyumba, nda vi huudza. Kigira ki? Yahova wa mahe a teva. Ga veye kigira inyumba yange ya lekwa vutswa, lwa mwinye sa mulala a nyagula kutsia kunyumba yeye.

Zekaria 7:14

navutswa nda va salannya nembuudza yekihudzudzi hagati hetsihiri tsyosi tsya va vula kumanya. Ni ndiyo kivala yikyo kya li hatswa inyima wavo, kya duka kuva bugira mundu kali mulala wa vita hagati hakyo kinga wirana: kigira va kola hatswa kivala kya yanzidzangwa ligali.

Zekaria 9:14

Na Yahova a la loleka kuva igulu kuvo: na mbano gwigwe gu la tsia kuli luheni; na Mwami Yahova a la kupa kisiliva, na a la tsia halala nekihudzu dzi kya kusini.