Isaya 40:11 - KITABU KITAKATIFU

¹¹ A laya kyayo kikye kuli mwayi, a la gumira avana vamagondi mmukono gwigwe, na a la va ginga ku kiritu kikye, na va nunanga a la vendereridza.

Isaya 40:11 ပူးပေါင်းရင်းမြစ်များ

Litanga 33:13

Naye ya mu volera, Mwami wange a manya avana va veye vadoto, na magondi netsing'ombe tsya mbeye natsyo tsi nyunya, ni va tsi gendidza kuvita kali ga dukanga lidiku lilala, vyayo vyosi vi la hera.

Litanga 49:24

Navutswa buta bwibwe bwa menya netsingulu, Na tsimbamba tsyamakono gege tsya vikwa tsingulu, Namakono ga Wetsingulu wa Yakobo, (Mwayi ya twula yo, u veye a Lwanda lwa Israeli,)

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Zaburi 27:10

Lwa dada wange na mama wange va ndeka, Hene yaho Yahova a la ndola.

Zaburi 28:9

U honnye avandu vovo, na u gasidze miyandu gyigyo: Kandi u ve mwayi wavo, na u va ginge kazozo.

Zaburi 37:3

U suuvire Yahova, na u kole bu lahi; U menye mu kivala, na u lie ubusuuvirifu bwibwe.

Zaburi 80:1

U hulire, O Mwayi wa Israeli, Ive wimiranga Yosefa kuli kyayo kva magondi; Ive wikalanga igulu wa vakerubi u ng'ereng'ane.

Isaya 42:3

Kidundu kya minika si a la ki vunanya mba, na ikatani ki vuyanga mwoki si a la siminya mba: a la leta likalaga mu ageligali.

Isaya 63:11

Hene yaho lwa yidzulitsa madiku ga kale, Musa navandu veve, ya vola, A veye haliha uyu wa vanegeridza kutwula mu inyanza halala na avayi ve kyayo kikye? A veye haliha uyu wa vika Roho Mutakatifu wewe hagati havo?

Jeremia 31:10

Mu hulire likuva lya Yahova O mwinye avetsihiri tsyosi, nokulilandidza mu visulu vye ihale; mu vole, Uyu wa salannya Israeli a la mu vungidza, nokumulinda, kuli mwayi a lindanga kyayo kikye.

Jeremia 31:8

Henza, nda va leta kutwula mu kivala kya kasikasini nokuvavungidza kutwula ku tsintulu tsyelirova, na halala navo avaboku navalema, nomukali u veye inda, na uyu a lumangwa, vosi halala: va la va kiduma kinene ava lirana yino.

Ezekieli 34:15

Inze mwene nda va mwayi wamagondi gange, na nda ga kola ga gone hasi, Mwami Nyasaye a vola.

Ezekieli 34:16

Ndenya lya gota, nokuleta kandi lya kungwa, nokuboherera lya vunika, nokuha tsingulu lya kenya, na manetu na getsingulu nda ga dividza; nda ga lihidza mu likalaga.

Ezekieli 34:2

Ivemwana womundu, profeta ku avayi va Israeli profeta, u va volere, kali ku avayi Mwami Nyasaye a vola ndi, O bayaye ku avayi va Israeli aveyayanga avene si ga dukiranga avayi kwaya magondi?

Ezekieli 34:23

Na nda singeridza kuvo mwayi mulala, naye a la gaya, uyu a veye mutumekiri wange Daudi, uyu a la gaya, na a la va mwayi wago.

Ezekieli 34:31

Na mwinye amagondi gange, amagondi gekyayiru kyange, mu veye avandu, na inze mbeye Nyasaye wenyu, Mwami Nyasaye a vola.

Ezekieli 37:24

Na mutumekiri wange Daudi a la va mwami kuvo; na vosi va la va nomwayi mulala: kandi va la genda mu miima gyange, na va la gumira amalago gange ku ga kola.

Mika 5:4

Na a la singira nokwaya kyayo kikye netsingulu tsya Yahova, nobunene bwelieta lya Yahova Nyasaye wewe: na va la menya; kigira kalunu a la va munene kuduka ku viheri vyelirova.

Mika 7:14

U lihidze avandu vovo nempimbo yoyo, kyayo kyemiyandu gyigyo, yavo ava menyanga veng'ine, mu mulitu gu veye hagati ha Karimeli: vaye mu Bashan na Gileadi, kuli vaya mu madiku ga kale.

Zekaria 11:7

Kuna ngwa ndaya kyayo kyokwiitwa, ligali avang'afu vekyayo. Na ndenyolera tsimpimbo tsiviri; indala nda gi gulika Ubulahi, neyindi nda gi gulika Viboheru; na ndaya kyayo.

Zekaria 13:7

U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

1 Petro 2:25

Kigira mwa li mwa gota kuli magondi; navutswa kalunu mwirani ku Mwayi no Muhenzi wemyoyo gyenyu.

1 Petro 5:4

Kandi Mwayi munene lwa a lang'aminywa, mu la vugula itaji yobukumi i ta kamuluka.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.