Isaya 4:5 - KITABU KITAKATIFU

⁵ Kandi igulu wohokumenya hosi mu kigulu kya Zioni, na igulu wa mavugano gakyo, Yahova a la lomba lilesi nomwoki inyinga yombasu, nobung'ering'anu bwomuliru gwolumemo inyinga yobudiku; kigira kyokukunika ki la kunika ubukumi bwosi.

Isaya 4:5 ပူးပေါင်းရင်းမြစ်များ

Nehemia 9:12

Kandi wa vimirira mu munara gwelilesi inyinga yombasu; kandi mu munara gwomuliru inyinga yobudiku, kuvaha ubulavu ku inzira ya ga va dukira kutsia kuyo.

Zaburi 105:39

Ya leta lilesi kuvakunika, Na muliru kuvaha ubulavu mbudiku.

Zaburi 111:1

Mwidzominye Yahova. Inze nda santidza Yahova nomwoyo gwange gwosi Mu kyina kya valungi, na mu livugana.

Zaburi 78:14

Kandi ya vimirira nelilesi mbasu, Na ubudiku bei ya rimirira nobulavu bwomuliru

Zaburi 85:9

Ligali ubuhonyi bwibwe bu veye himbi kuvo ava mu tidzanga, Ubukumi bu duke kumenya mu kivala kyetu.

Zaburi 89:7

Nyasaye welitihidza mu livugana lyavatakatifu, Nokutibwa kuvita yavo vosi ava mu kumbiridza?

Kutwula 14:24

Kunangwa mu lilinda lya mugamba, Yahova, mmunara gwomuliru na lilesi, ya henza na a lolera lihe lya Avaegepeti, na a dambidza lihe lya Avaegepeti.

Kutwula 24:16

Na ubukumi bwa Yahova bwikala ku kigulu kya Sinai, na lilesi lya ki kinga madiku gatano na lilala: na lidiku lya gatano na gaviri ya langa Musa nomwoyo gwa twula mu lilesi.

Kutwula 26:1

Kandi u la lomba lihema li ve netsingubo tsyokukinga likumiu tsi lombe ku ingubo yekatani indahi, na yeligondo lya iblue, na kiforosadi, na inzakanyu, halala na vakerubi vemiyinzi gyomusidza ligali.

Kutwula 26:7

Kandi u la lomba tsingubo tsyo ubwoya bwetsimbuli tsi ve lihema igulu welihema lya ikatani: u la lomba tsingubo likumi na indala:

Isaya 32:18

Navandu vange va la menya mu bumenyo bwemirembe, na homugidzi gwaliga, nomu lyelemeridza ha ta li nekivihiri

Isaya 33:20

Henza Zioni, lidala lyamalia getu: tsimoni tsitsyo tsi la lola Yerusalemi kuva ubu menyo bwobusosi, lihema li la vula kutwulidzwa, lyevivambo vyalyo vi la vula kwifwa, kandi migoye gyalyo si ha veye nomulala ugwa kalika.

Isaya 37:35

Kigira inze nda sola lidala yili kulihonnya, kigira inze mwene, na kigira Daudi, mutumekiri wange.

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 60:1

Yuka, u ng'ereng'ane; kigira vv ubulavu bubwo bu duki, nobukumi bwa Yahova bu kyeye ku ive.

Isaya 60:2

Kigira, henza, kisundi ki la kunika lirova, nekisundi kinene ki la kunika avetsihiri: navutswa Yahova a la kya ku ive, nobukumi bwibwe bu la loleka ku ive.

Matayo 18:20

Kigira ha vaviri va vugani kinga vavaka ku lieta lyange, inze mbeye hagati havo.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.