Isaya 4:3 - KITABU KITAKATIFU

³ Na ga la duka, uyu wa lekwa mu Zioni, na uyu wa tigala mu Yerusalemi, a la langwa mutakatifu, kali sa mulala wa ng'odwa mu yavo ava veye mwoyo mu Yerusalemi:

Isaya 4:3 ပူးပေါင်းရင်းမြစ်များ

Zaburi 69:28

Veywe kutwulidzwa mu kitabu kyelivamwoyo, Va vule kwng'odwa halala na ayalungi.

Zaburi 87:6

Yahova lwa a ng'oda avetsihiri, a la validza Uyu yivulwa yo. [Selaha

Isaya 1:27

Zioni li la bohololwa nelikalaga, na avirani valyo va la bohololwa nobulungi.

Isaya 28:5

Mu lidiku yilyo Yahova u a mahe a la va itaji yobukumi, negudwa yobulahi, ku vatigala aveve;

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Isaya 46:3

Mu hulire inze, mwinye inyumba ya Yakobo, na va tigala vosi avenyumba ya Israeli, ava nda vugula kutwula mu livulwa lyavo, ava gingwa kutwula munda;

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Isaya 6:13

Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Ezekieli 13:9

Mukono gwange gu la va ku vaprofeti va lolanga vindu vya vutswa, ava segetiranga ububehi: si va la va mu makuva gavandu vange, kandi si va la ng'odwa mu mang'oda genyumba ya Israeli, kandi si va lingira mu kivala kya Israeli, na mu la manya inze mbeye Mwami Nya saye.

Ezekieli 43:12

Yili ni lilaga lyenyumba: kwisonga ye kigulu, ku lwako lwakyo hosi ha la va hatakatifu ligali. Henza, yili ni lilaga lyenyumba.

Joeli 3:17

Kunangwa mu la manya inze mbeye Yahova Nyasaye wenvu, u menyanga mu Zioni kigulu kyange kitakatifu: ma Yerusalemi li la va litakatifu, na avageni si va la vita hagati halyo kandi mba.

Obadia 1:17

Navutswa mu kigulu kya Zioni va la va ho ava honanga, na ki la va kitakatifu; na inyumba ya Yakobo va la vugula miyandu gyavo.

Zekaria 14:2

Kigira nda vungidza tsihiri tsyosi ku Yerusalemi kulwana; na lidala li la vugulwa na tsinyumba tsyalyo tsi la fuulwa na vakali va lononnywa; na lidala ku luvega lulala li la tsia mbutugwa, na avandu va tigala si va la twulidzwa mu lidala mba.

Malaki 3:16

Kunangwa avatidzanga Yahova va volerana avene na avene. Na Yahova ya tegidza gutu, na a hulira, kandi kitabu kyelidzulitsa kya ng'oderwa imbiri wewe, kya yavo avatidzanga Yahova, nokuganagana lieta lilye.

Luka 10:20

Navutswa mu ta yanza kigira roho gyegehidza ku mwinye, navutswa mu yanze kigira ameta genyu ga ng'odeywi migulu.

Vikolwa 13:48

Avetshihri lwa va hulira yaga va tsantsalika ni vidzominya likuva lya Nyasaye: ni va suuvira vosi ava vikwa ku livamwoyo li ta hera mba.

Varumi 11:4

Navutswa litivula lya Nyasaye lya mbolera ki? Lya mu rolera, Ntigaye navandu tsieliu tsitano natsiviri ava vula kusigamira Baal.

Varumi 11:5

Kunangwa na ndiyo kandi inyinga ya kalunu va veho avatigaye mulitovola lyetsimbabasi.

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Vafilipi 4:3

Nyee, nyenya ive kandi, musangi wange weligali, u konye avakali yava, kigira va linda ivangeli halala na inze, kandi Kilementi, kandi avandi ava kola miyinzi halala na inze, avameta gavo ga veye mu kitabu kyelivamwoyo.

Vakolosai 3:12

Kunangwa mu kole kuli avatovole va Nyasaye, ava veye avatakatifu navayanzwa, mwivike mwoyo gwetsimbabasi, nelikola lilahi, nelyegehidza, nobuhooma, nobwikudziri;

Vahebraina 12:14

Navutswa mwenye kuva nemirembe ku vandu vosi, kandi mwenye ubutakatifu, mundu na a vula kuva nabwo, si a li lola Mwami mba:

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.

Likunula 20:15

Kandi ku vowa vula kung'odwa mu kitabu kyelivamwoyo, ya tebwa mu inyanza yomuliru.

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.

Likunula 3:5

Uyu u guutanga a la vikwa ndi tsingubo tsindavu; na inze si ndeya lieta lilye mba mu kitabu kyelivamwoyo, kandi ndeyama lieta lilye imbiri wa Dada wange, kandi imbiri wetsingelosi veve.