Isaya 4:2 - KITABU KITAKATIFU

² Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 4:2 ပူးပေါင်းရင်းမြစ်များ

Zaburi 67:6

Eunangwa lirova li lyama ubunyingi bwalyo: Nyasaye, uyu Nyasaye wetu, a la ku gasidza.

Zaburi 72:16

Ha la va nobuswage bunyingi mu lirova ku isonga ye vigulu; Makuyu galyo ga la dengeya kuli Lebanon: Na yavo avelidala va la gasidzwa kuli bunyasi bwelirova.

Kutwula 28:2

Na u la lombera amwavo wowo Haruni tsingubo tsintakatifu, tsyobukumi nobulahi.

Isaya 11:4

navutswa a la kalagira avadaka nageligali, navegehidzi velirova a la va kalagira nobulungi; na a la kuya lirova nempi mbo yomunwa gwigwe; nokwiita avadamano nomwika gwomu minwa gyigye.

Isaya 26:1

Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 27:6

Mu madiku gadzanga Yakobo a likidza imiri; na Israeli a la lavidza kimuli nokusibuka: na va lizulitsa mmoni mwelirova makuyu.

Isaya 30:23

Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Isaya 45:8

Mu tonyatonya mwinye ligulu kutwula igulu, namalesi ga tsuke ubulungi hasi: kivala kyalame ki duke kuleta ubuhonnyi, na ki mere ubulungi halala; inze, Yahova, nda ki lomba.

Isaya 53:2

Kigira ya viruka imbiri wewe kuli kya simikwa kidoto, na kuli imiri gi sibukanga mu kivala kyumu: si a veye neligondo kinga bulahi; na lwa ku mu lola, si a veye nobulahi kwinye ku duke kumukayirwa.

Isaya 60:15

Kuli wa lekwa nokudunyirwa, kuduka ni ha vula kuva nomundu wa vita hagati hoho, nda ku kola u ve ubunene bwemihiga nemihiga, ubusangali bwa makula manyingi.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 61:11

Kigira kuli lirova li sebukanga musoga gwekimuli, na kuli mulimi gu virukidzanga vindu vya tagwa mu; ni ndiyo Mwami Nyasaye a li virukidza ubulungi nelidzominywa kuviruka imbiri wetsihiri tsyosi.

Jeremia 23:5

Henze, madiku gadzanga, Yahova a vola, mugo nda singeridzira Daudi Kisibu kyobulungi, naye a lameha mwami na a la kola nobugeeri, na a la kola likalaga nobulungi mu kivala.

Jeremia 33:15

Mmadiku yago, nenyinga yeyo, nda sebukidzira Daudi Kisibu kyobulungi; naye a la kola likalaga nobulungi mu kivala yiki.

Jeremia 44:14

kali mu yavo avatigala mu Yuda, ava tsia mu kivala kya Egepeti va duke kumenya yo avageni, si ha veye nomundu kali mulala u li hona, kinga u li tigala, va luhe virane mu kivala kya Yuda, kivala kya va kayirangwa virane mukyo nokumenya mu: kigira si ha veye nomundu kali mulala u li duka kwirana ni va ta li yava ava li hona.

Jeremia 44:28

Na yavo ava li hona ku kivavi va lirana kutwula mu kivala kya Egepeti, vingire mu kivala kya Yuda, va la va avakekeke ligali mu livalidzwa lyavo; na yavo ava tigala va Yuda vosi avingira mu kivala kya Egepeti kumenya yo avageni, va la manya nelikuva ki li la singira, likuva lyange, naho likuva lyavo.

Ezekieli 34:29

Na nda va singeridzira vyokumera vyelidzominywa, na inzala si i la va dividza kandi mu kivala, kandi si va la ginga tsisoni tsyavetsihiri ka ndi mba.

Ezekieli 36:8

Navutswa mwinye, O vigulu vya Israeli, mu la sibuka tsisya tsyenyu, nokuha avandu vange Israeli amakuyu genyu; kigira va veye himbi kuudza.

Ezekieli 7:16

Navutswa ku yavo ava li hona va la hona, na va la va mu vigulu kuli makuulu go mmavona, vosi va la va ni va liranga, sa mulala ku budamano bwibwe.

Joeli 2:32

Na ga la va, ku vosi u lyanira ku lieta lya Yahova a la honnywa: kigira mu kigulu kya Zioni, na mu Yerusalemi, va la va ho yavo avalala ava hona, kuli Ya hova ya vola, na mu yava ava tigaye va la va ho ava Yahova a langa.

Joeli 3:18

Kunangwa mu madiku yago vigulu vi la tonyatonya iwaini inulu na tugulu tu la ganguluka amaveere, na migera gyosi gye Buyuda gyi lizula amadzi; na kisenukiru kya amadzi ki la senuka mu inyumba ya Yahova, na ki la sama mwivona lya Shitim.

Obadia 1:17

Navutswa mu kigulu kya Zioni va la va ho ava honanga, na ki la va kitakatifu; na inyumba ya Yakobo va la vugula miyandu gyavo.

Zekaria 3:8

Hulira kalunu, O Joshua musalisi mu nene, ive na avakyo avikala imbiri wowo; kigira va li avandu ava li kyokumanyira: kigira, henza, nda leta mutumekiri wange u langwa Kisibu.

Zekaria 6:12

mu voierane, na u vole, Yahova wa mahe a ku voleranga makuva yaga, na a vola, Henza, umundu u langwa lieta lilye Kisibu: a la sibuka ho bugono bwibwe; na a lombaka litempeli lya Yahova;

Zekaria 9:17

Bu duka kuli ndi ubunene bwobugasu bwibwe na bu duka kuli ndi ubulahi bwibwe ubuswage bu la gasidza avayai, na iwaini impya i la gasidza avakana.

Malaki 3:17

Navo va la va avange, Yahova wa mahe a vola, mu lidiku yilyo, lya ntovola miyandu gyange; na nda va vererera, kuli mundu a verereranga mwana wewe u mu tume kiranga.

Matayo 24:22

Madiku yago ni ga vula kwimbihidzwa mibiri gyosi si gyi li nyala kuhona: navutswa madiku yago ga limbihidzwa kigira avatovoleywi.

Luka 21:36

Navutswa mwinye mu linde kazozo, mu saale, mu duke kunyola tsingulu kuhona mu vindu yivi vyosi vi li duka, nokusingira imbiri wo Mwana wa Adamu.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

2 Petro 1:16

Kigira si kwa londa tsing'ano tsya lombwa nobugeeri, inyinga kwa mu mannya tsingulu tsyelidza lyo Mwami wetu Yesu Kristo, navutswa kwa li avaloli vobunyale bwibwe.