Isaya 39:2 - KITABU KITAKATIFU

² Na Hezekia ya sangala ku vatumwa yavo, na ya va mannya ubutugi bwevindu vivye vyobuguli budinyu, ifetha, nethahabu, na vi funyanga mwayu, na maguta gobuguli budinyu, nenyumba yosi yevyuma vivye, na vyosi vi loleka mu butugi bwibwe: si ha li nekindu mu inyumba yeye, kinga mu bwami bwibwe bwosi, kya Hezekia ya vula kuvamannya.

Isaya 39:2 ပူးပေါင်းရင်းမြစ်များ

1 Avami 10:10

Naye ya ha mwami tsitalenta mia namakumi gaviri tsyethahabu, neviseve vyevifunyanga mwayu vinyingi ligali na magina gobuguli budinyu: vya vula kuletwa kandi ubunyingi bwe vifunyanga mwayu ku lugano yilwo kuli ku vyo mwami wekikali wa Sheba ya ha mwami Solomoni.

1 Avami 10:15

bugira yeyo yavagulidzani va leta, na yelikiranya ya vakiranyi, ne ya avami vosi Avarabia, na avagovernor vekivala.

1 Avami 10:2

Ya duka Yerusalemi noluvaso lunene, tsing'amia tsya ginga viseve vyevifunyanga mwayu, nethahabu inyingi ligali, na magina gobugali budinyu; na lwa ya duka ku Solomoni, ya volerana naye gosi ku aga ya li nago mu mwoyo gwigwe.

1 Avami 10:25

Navo va leta vihaanwa sa mulala, viju vyefetha, neviju vyethahabu, netsingubo, nevyuma vyelihe, neviseveve vyevifunyanga mwayu, netsiparasi, netsinyumbu, visolola muhiga nomu higa.

2 Avami 20:13

Na Hezekia ya va hulira, nokuvamannya vindu vivye vyobuguli budinyu mu inyumba yosi, ifetha, nethahabu, munyovo, na maguta gobuguli budinyu, nenyumba yeviyuma vivye vyobulwani, na vyosi vya nyoleka mu butugi bwibwe: si ha li nekindu mu inyumba yeye, kinga mu lyameha lilye lyosi, kya Hezekia ya vula kuvamannya.

2 Kyetsinyinga 32:25

Navutswa Hezekia si ya kola kandi kuli ubulahi bwa ya kolerwa; kigira mwoyo gwigwe gwe ginga: kigira yaga ubutima bwa li kuye, noku Yuda na Yerusalemi.

2 Kyetsinyinga 32:27

Hezekia ya li nobutugi bunyingi ligali nelidzominywa: na yelombera amagungi gefetha, nethahabu, nama gina gobuguli budinyu, na vya tsukanywa manamana, netsingavo, noku viju vyosi vyobuguli budinyu;

2 Kyetsinyinga 32:31

Navutswa mu makuva yavatumwa vavanene va Babuloni va tuma kuye ku liteva lyekyokugenya kya kolwa mu kivala, Nyasaye ya mu leka, a geridzwe, a duke kumanya gosi ga veye mmwoyo gwigwe.

2 Kyetsinyinga 9:1

Kandi mwami wekivala kya Sheba lwa ya hulira luyaali lwa Solo moni, yadza ha Yerusalemi kugeridza Solomoni na mateva madinyu, ya li nekiduma kinene ligali, netsing'amia tsya ginga viseve vi funya mwayu nobunyingi bwethahabu, na magina gobuguli budinyu: lwa ya duka ku Solomoni, ya volerana naye gosi aga li mu mwoyo gwigwe.

2 Kyetsinyinga 9:9

Naye ya ha mwami tsitalenta mia na makumi gaviri tsyethahabu neviseve vyevifunyanga mwayu vi nyingi ligali, na magina gobuguli budinyu: na si ha li ho nevifunyanga mwayu ku lugano lwa yivi vyomwami wekikali wa Sheba ya ha mwami Solomoni.

Ayubu 31:25

Ni mba ni nsangali kigira miyandu gyange gyi veye minyingi, Na kigira mukono gwange gu nyoye vindu vinyingi;

Tsing'ano 4:23

U linde mwoyo gugwo netsingulu tsyosi Kigira vyosi vyelivamwoyo vi twula kugwo.

Kohelethu 7:20

Ligali si ha veye nomundu wobu geeri mulala ku lirova, u kolanga bulahi, nokuvula kukola ubwoni.

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

2 Vakorintho 12:7

Kandi kigira ubunene bwelilang'aminywa yilyo gase nda nenehidzwa kuvita kigero kyange, nda hebwa lifwa mu mubiri, mutumwa wa Setani a duke kunkupidza kivi, mbula kunenehidzwa kuvita kigero.

1 Yohana 1:8

Ni ku vola si ku veye nobwoni, kwigadidza, nageligali si ga veye mu kwinye.