Isaya 38:5 - KITABU KITAKATIFU

⁵ Tsia ku Hezekia, u mu volere, Yahova Nyasaye wa Daudi guga wowo, a ku volera, Inze mbuliye lisaala lilyo, ndoli amaliga gogo: henza, nda ku meda ku madiku gogo mihiga likumi nagyitano.

Isaya 38:5 ပူးပေါင်းရင်းမြစ်များ

1 Avami 15:4

Navutswa Yahova Nya saye wewe ya mu ha itaya mu Yerusalemi, kigira Daudi, kuvika mwana wewe lwenyima kuye, nokusingeridza Yerusalemi;

1 Avami 8:25

Kuna ngwa kalunu, O Yahova, Nyasaye wa Israeli, u dukidzire mutumekiri wowo Daudi dada wange aga wa mu laga, lwa wa vola, Si u la gehera mundu musatsa mu tsimoni tsyange wokwi kala ku intebe yobwami ya Israeli avana vovo ni va va ni va linda inzira yavo, yaga geng'ine, kugenda imbiri wange kuli ive wa genda imbiri wange.

2 Avami 18:13

Kunangwa ku muhiga gwa kola likumi na gyine gwelyameha lya Hezekia, Senakeribu mwami wa Asuria yanegira kulwana namadala gosi ga Yuda agetsingaga, nokugavugula.

2 Avami 18:2

Ya li nemihiga makumi gaviri na gyitano lwa ya tanga kwameha; na yameha mihiga makumi gaviri na gyitano na gyine ha Yerusalemi: na lieta lya mama wewe lya li Abi mwana wa Zekaria.

2 Avami 19:20

Hene yaho Isaya mwana wa Amozu ya tuma mutumwa ku Hezekia, na a vola, Yahova, Nyasaye wa Israeli a vola, Kigira ive u mala kusaala inze ku Senakeribu mwami wa Asuria, mmali kukuhulira.

2 Kyetsinyinga 34:3

Kigira ku muhiga gwegyi tano na gyivaka gwelyameha lilye, lwa ya li na a kikiri muyai, ya tanga kwenya Nyasaye wa guga wewe Daudi; noku muhiga gwelikumi na gyiviri ya tanga kutakasa Yuda na Yerusalemi, kutwulidza hadiguluku, nemisala gyamisambwa, nevifwananyi vya vadzwa, nevifwananyi vyo kwelonga.

Ayubu 14:5

Kigira madiku gege ga lageywi, Livalidzwa lyemyeli gyigye li veye halala nive, Na ive u viki tsinzako tsitsye tsya a ta nyala kuvita;

Zaburi 116:15

Likudza lyavatakatifu veve Li veye nobukumi mmoni mwa Yahova.

Zaburi 147:3

A honnyanga avemyoyo gya vunika, Na a boha tsing'oma tsyavo.

Zaburi 39:12

U hulire lisaala lyange, O Yahova, u hulire lilira lyange U ta kirang'ana ku maliga gange: Kigira mbeye ku ive mugeni, Na mumenya kuli avaguga vange vosi.

Zaburi 56:8

Ive u validza livoyavoya lyange: U vike maliga gange mu ichupa yoyo; Si ga veve mu kitabu kikyo?

Zaburi 6:9

Yahova u huliye lisaala lyange; Yahova a la bugirira lisaala lyange.

Kohelethu 3:3

inyi nga yokwiita, nenyinga yokuhonnya; inyinga yokusambula, nenyinga yo kwombaka;

Isaya 37:21

Hene yaho Isaya mwana wa Amozu ya tuma mundu ku Hezekia, kumuvolera, Yahova Nyasaye wa Israeli, a ku volera, Kigira ive u saaye inze kigira Senakeribu, mwami wa Asuria,

Isaya 38:4

Ma likuva lya Yahova lya duka ku Isaya, kuvola,

Lisyoma lya Jeremia 3:56

Wa hulira mwoyo gwange; u ta visa ugutu gugwo ku miyika gyange, ku lilira lyange.

Matayo 22:32

Inze ni Nyasaye wa Ahrahamu, ni Nyasaye wa Isaka, ni Nyasaye wa Yakobo? Nyasaye si a li Nyasaye wavakudzi navutswa wa va veye mwoyo.

Luka 1:13

Navutswa ingelosi ya mu volera, U ta tia, Zekaria: kigira lisaala lilyo li huleywi, kandi mukali wowo Elisabeti a la kwivulira mwana muyai, lieta lilye, u la mu gulika Yohana.

Vikolwa 27:24

na a vola U ta tia, Paulo; ga ku dukira kusingira imbiri wa Kaisari: kandi henza Nyasaye u mali kukuha yava vosi ava genda halala nive.

2 Vakorintho 7:6

Halala na yaga, Nyasaye u lemi nyanga avadedekere myoyo, ya ku leminya myoyo ku lileta Tito ku kwinye;

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.