Isaya 38:16 - KITABU KITAKATIFU

¹⁶ O Yahova, ku vindu yivi avandu va veye mwoyo; Na livamwoyo lya roho gwange li veye mu vindu yivi ligali: Kigira yaga u mbonnye, u nkole mbe mwoyo.

Isaya 38:16 ပူးပေါင်းရင်းမြစ်များ

Zaburi 119:25

Mwoyo gwange gu hambana nolugukyi: U mbukidze kuli likuva lilyo.

Zaburi 119:71

Ga veye malahi ku inze kusaliridzwa; Nduke kwegidzwa amalago gogo.

Zaburi 119:75

Mmanya, O Yahova, likalaga lilyo li veye lilungi, Na u nsaliridzi mu busuuvirifu.

Zaburi 30:3

O Yahova, u twulidzi mwoyo gwange mu Kihadisi; U lindi livamwoyo lyange, mbule kutsia mbogo.

Zaburi 39:13

U ndeke, nduke kunyola tsingulu, Ni nkikiri kutwula hano, nokuvula kuva ho.

Zaburi 71:20

Ive u ku mannyi kivi kinyingi na budamano, U la ku singeridza kandi, Nokukutwulidza kandi mu ng'ani.

Isaya 64:5

Ive u vugananga na uyu u sangalanga nokukola ubuhmgi, yavo avidzulitsanga ive mu tsinzira tsitsyo: henza, wa li nobutima, na kwinye kwa kola ubwoni: kwa li mubwo tsinyinga tsinyingi; ku la honywa?

Matayo 4:4

Navutswa ya tivula na a vola, Ga ng'odeywi, Avandu si va nyala kuva mwoyo nobukima bweng'ine, navutswa namakuva gosi aga twula mmunwa gwa Nyasaye.

1 Vakorintho 11:32

Navutswa lwa ku kalagirwa, Mwami a ku hedzanga amageri, ku la vula kukalagirwa kivi halala navomulirova.

2 Vakorintho 4:17

Kigira lidambidzwa lyetu lyangu li veye lyenyinga inkekeke vutswa, li ku kiridzira ligali ligali musigo gwobukumi gwemihiga nemihiga;

Kwidzulitsa 8:3

Na a ku kola kwegehidza, ya ku leka nenzala, ya ku lageridza maana, kindu kya wa vula kumanya, kinga vaguga vovo si va ki manya; a duke kukumannya, mundu si a nyala kuva mwoyo nobukima bweng'ine, navutswa ku makuva gosi ga twula mmunwa gwa Yahova mundu a veye mwoyo.

Vahebraina 12:9

Na kandi kwa li navadada avemibiri gyetu kukuha amageli, na kwinye kwa va hulira: nasindi uyu Dada wa roho si ku legehidza ligali kuye nokuva mwoyo?