Isaya 38:1 - KITABU KITAKATIFU

¹ Mmadiku yago Hezekia ya lwala kuduka ku likudza. Na Isaya muprofeti mwana wa Amozu ya tsia ku mwami, na a mu volera, Yahova a ku volera, U lohidze vindu vyosi vyenyumba yoyo; kigira u la kudza, si u la va mwoyo mba.

Isaya 38:1 ပူးပေါင်းရင်းမြစ်များ

2 Samweli 12:22

Naye ya va volera, Lwa mwana ya li na a kikiri mwoyo, nda honga lilia nokusyoma: kigira nda vola, Ni bwaha u manya Yahova a la mbererera, ku mwana a hone?

2 Samweli 17:23

Na Ahithofeli lwa ya lola livola lilye li vuli kulondwa, ya boha isukiri yeye, na a singira, na a tsia mu inyumba yeye, mu lidala lilye, na ya lomba makuva genyumba yeye, ni yesunga; na a kudza, na ya tebwa mu kilindwa kya dada wewe.

2 Kyetsinyinga 32:24

Mmadiku yago Hezekia ya lwala na a vuyika: na a saala Yahova; na a mu volera, na a mu ha kilole kidzu.

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Isaya 1:1

Yaga na malola ga Isaya mwana wa Amozu, ya lola ku makuva ga Yuda na Yerusalemi, mmadiku ga Uzia, na Jotham, na Ahazu, na Hezekia, avami va Vayuda.

Isaya 37:2

Na ya tuma Eliakim, munene wenyumba yeye, na Shebina mung'odi, na vakulundu va vasalisi, vivika magunia, va tsie ku Isaya muprefeti mwana wa Amozu.

Isaya 37:21

Hene yaho Isaya mwana wa Amozu ya tuma mundu ku Hezekia, kumuvolera, Yahova Nyasaye wa Israeli, a ku volera, Kigira ive u saaye inze kigira Senakeribu, mwami wa Asuria,

Jona 3:10

Na Nyasaye ya lola likola lyavo, kuli va girunkana nokuleka inzira yavo indamano; na Nyasaye yeganira ku kivi kya ya vola a la va kolera; na si ya ki kola mba.

Jona 3:4

Na Yona ya tanga kwingira mu lidala lugendo lwelidiku lilala, na ya hanzuka, na a vola, Inyima wamadiku makumi gane Nineve li la tung'aminywa.

Vikolwa 9:37

Mu madiku yago ya manya na a gumirwa nolukudzo na a kudza: lwa va mala kumwogidza va mwalira mu inyumba yigulu.