Isaya 37:4 - KITABU KITAKATIFU

⁴ Namusia Yahova Nyasaye wowo a la hulira makuva ga Rabi shake, womwami wa Asuria munene wewe ya tuma a duke kunyega Nyasaye u veye mwoyo, nokugondokira amakuva aga Yahova Nyasaye wowo u huliye: kunangwa, kigira yaga u gingire avatigaye lisaala lilyo.

Isaya 37:4 ပူးပေါင်းရင်းမြစ်များ

2 Samweli 16:12

Namusia Yahova a la henza ubudamano yibu bwa nkola ngwa, namusia Yahova a la ntunga ubulahi kigira linyega lilye lero.

2 Avami 17:18

Kigira yaga Yahova ya vihirirwa Israeli ligali, na a va twulidza va vule kuva imbiri wewe: si ha li no wa tigala navutswa ihiri ya Yuda yeng'ine.

2 Avami 19:4

Namusya Yahova Nyasaye wowo a la hulira makuva yaga gosi aga Rabishake, wa mwami wa Asuria munene wewe a tumi kulega Nyasaye u veye mwoyo, namsya Nyasaye a la gondokira amakuva aga Yahova Nyasaye wowo a huliranga: kigira yaga ginga lisaala lilyo kigira litigala lya yavo avatigala.

2 Kyetsinyinga 28:19

Kigira Yahova ya gehidza Yuda kigira Ahazu mwami wa Israeli; kigira ya sula kwegaya mu Yuda, na a hyola ku Yahova ligali.

2 Kyetsinyinga 34:21

Mu tsie, kuntevera Yahova, inze na vatigala vosi va Israeli na Yuda, ku makuva gekitabu kya nyoleka; kigira ubutima bwa Yahova bwa tsukwa ku kwinye bu veye bunene, kigira avaguga vetu va vula kugu mira likuva lya Yahova, kuduka kukola gosi ga ng'odwa mu kitabu yiki.

Zaburi 106:23

Kunangwa ya vola a la va dividza Na a ta li Musa mutovole wewe ya singira ha huduka imbiri wewe, Kugirunkannya ubutima bwibwe gase a la ra dividza.

Zaburi 50:21

Vindu yivi u koli, navutswa nda kiring'ana; Ive wa ganagana inze mbeye kuli ive: Navutswa nda ku ha amageli, na nda ku lohidzira imbiri wetsimoni tsitsyo.

Isaya 1:8

Na mukana wa Zioni u lekeywi kuli kidioli mu mulimi gwamazabibu, kuli lidiri lyo kugona mmulimi gwamahondo, kuli lidala lya kumbiridzwa navasigu.

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 10:20

Mu lidiku yilyo ga la va, avatigala va Israeli, na va hona avenyumba ya Yakobo, si va lesedema kandi ku uyu wa va kuya, navutswa va lesedema ku Yahova, Mutakatifu wa Israeli, mu ageligali.

Isaya 10:22

Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 36:13

Hene yaho Rabishake ya singira, na hanzuka nomwoyo munene mu lulimi lwe Kiyuda, na a vola, Mwinye mu hulire amakuva gomwami munene, mwami wa Asuria.

Isaya 36:18

Mu gelihe, gase Hezekia a la mu girunkannya, nokuvola, Yahova a la ku honnya. A veye ho munyasaye mulala mu vanyasaye vetsihiri wa honnya kivala kikye ku mukono gwomwami wa Asuria?

Isaya 36:20

Ni vanga bwaha mu vanyasaye yavo vosi avevivala yivyo, ava honnya kivala kyavo ku mukono gwange, Yahova a duke kuhonnya Yerusalemi ku mukono gwange?

Isaya 37:17

U tegidze gutu gugwo, O Yahova, u hulire; u kunule tsimoni tsitsyo, O Yahova, u lole; u hulire makuva yaga gosi aga Senakeribu, wa tuma avatumwa kunyega Nyasaye u veye mwoyo.

Isaya 37:31

Na va tigala ava hona venyumba ya Yuda va likidza tsimiri hasi, nokwama ma kuyu.

Isaya 37:32

Kigira li la va ho litigala li twula Yerusalemi, na va hona kutwula kigulu kya Zioni: Lididikana lya Yahova wa mahe li la kola yaga.

Isaya 37:5

Ma avatumwa vomwami Hezekia va duka ku Isaya.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 46:3

Mu hulire inze, mwinye inyumba ya Yakobo, na va tigala vosi avenyumba ya Israeli, ava nda vugula kutwula mu livulwa lyavo, ava gingwa kutwula munda;

Jeremia 26:19

Hezekia mwami wa Yuda na Yuda vosi viita uyu Mika? Hezekia si ya tia Yahova, nokusaala tsimbabasi tsya Yahova na Yahova yeganira ku budamano bwa ya li na a voye kuvo? Na ndiyo ku va kuiiii Jeremia nkano ku koli ubudamano ubunene ku myoyo gyetu avene.

Jeremia 42:2

ni va volera Jeremia mu profeti, Mwadza, lisaala lyetu li bugirirwe imbiri wowo, na ive u ku saavire ku Yahova Nyasaye wowo, livola li veye ku yavo vosi avatigala: kigira ku tigala vakekeke mu va li avanyingi, kuli tsimoni tsitsyo tsi lolanga kwinye,

Danyeli 2:18

va saale ku Nyasaye womigulu, tsimbabasi ku likuva yili li viseywi, Danyeli na avakye veve va vule kudividzwa halala na avandi avandu avageeri va Babuloni.

Joeli 2:17

Avasalisi, avatumekiri wa Yahova, va lire hagati holusimbu na ubwali, na va vole, U verere avandu vovo, O Yahova, na u ta haana miyandu gyigyo kunyegwa, avetsihiri va duke kwameha kuvo: kigira ki va nyala kuvola hagati hetsihiri, Nyasaye wavo a veye haliha?

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Amosi 7:2

Na ga duka, lwa tsya mala kulia bunyasi bwekivala, hene yaho nda vola, O Mwami Nyasaye, nku saala ligali, u samehe: Yakobo a la singira ndi? Kigira a veye muke.

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Yakobo 5:16

Mweyamirane ubwoni bwenyu avene navene, mu saalirane avene navene mu duke kuhonnywa. Lisaala lyomundu mulungi li konya ligali mu likola lyalyo.

Joshua 14:12

Kunangwa kalunu u mbe kivala kyekigulu, kya Yahova ya vola kukyo ku lidiku yilyo; kigira ive wa hulira lidiku yilyo kuli Vaanaki va veyo, na madala manene na getsingaga: namusia Yahova a la va halala na inze, na nda va kunga va twule, kuli Yahova ya vola.

1 Samweli 12:19

Navandu vosi va volera Samweli, U saalire kwinye avatumekiri vovo ku Yahova Nyasaye wowo, ku vule kukudza; kigira ku medi ku bwoni bwetu bwosi, ubudamano yibu, bwokweyenyera kwinye avane, umwami.

1 Samweli 12:23

Halala na yaga, ga ta va ku inze kukolera Yahova ubwoni ku lileka kusaalira mwinye: navutswa nda mwegidza mu inzira indahi nenungi.

1 Samweli 14:6

Na Jonathan ya volera musolele uyu wa ginga vyuma vivye, Genda, kwambuke kuduka ku lugaga lwavasindi: namusia Yahova a la ku lwanira; kigira Yahova si a veye nekyokumigalira kuhonnya ku vanyingi kinga ku vakekeke.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:36

Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.

1 Samweli 7:8

Navana va Israeli va volera Samweli, U ta leka kwanira Yahova Nyasaye wetu kigira kwinye, a duke kukuhonnya ku makono ga Vafilisiti.