Isaya 37:23 - KITABU KITAKATIFU

²³ Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 37:23 ပူးပေါင်းရင်းမြစ်များ

2 Avami 19:22

Ni bwaha wa u legeridzi nokumunyega? Na wa ginga mwoyo gugwo nokuginga tsimoni tsitsyo ku bwaha? Ku uyu Mulala Mutakatifu wa Israeli.

2 Avami 19:4

Namusya Yahova Nyasaye wowo a la hulira makuva yaga gosi aga Rabishake, wa mwami wa Asuria munene wewe a tumi kulega Nyasaye u veye mwoyo, namsya Nyasaye a la gondokira amakuva aga Yahova Nyasaye wowo a huliranga: kigira yaga ginga lisaala lilyo kigira litigala lya yavo avatigala.

2 Kyetsinyinga 32:17

Na ya ng'oda tsibaruwa tsyokukola kihe nyahenyi ku Yahova, Nyasaye wa Israeli, nokumutala budamano, na a vola Kuli avanyasaye vetsihiri tsye vivaia, va vula kuhonnya avandu vavo mmukono gwange, na ndiyo kandi Nyasaye wa Hezekia a la vula kuhonnya avandu veve mmukono gwange.

Zaburi 44:16

Kigira mwoyo gwowekihenyahenye na gwowobunyegi, Na kigira musigu na wokuvanza kisalya.

Zaburi 73:9

Va viki munwa gwavo migulu, Na ululimi lwavo lu gendanga mu lirova.

Zaburi 74:10

O Nyasaye, mudambidzi a la nyega kuduka inyinga ki? Musigu a la lega lieta lilyo mihiga nemihiga?

Zaburi 74:18

Widzulitse yaga, musigu u nyegi ive, O Yahova, Na avandu vobusiru va legi lieta lilyo.

Zaburi 74:23

U tivirira mwoyo gwavasigu vovo: Liyoga lya yavo ava twuliranga ive, li ninanga igulu kazozo.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Kutwula 9:17

Kali kalumu wegingira ku avandu vange, na u suye kuvalakula va tsie?

Tsing'ano 30:13

Ha veye nelikula, lyeginga lyetsimoni tsyavo li duka ndi Na vigohe vyavo vya gingwa.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 10:17

Na ubulavu bwa Israeli bu la va muliru na Mutakatifu a la va lumemo lwomuiiru; nalwo lu laaka nokusamba amafwa gege nolutavati lwilwe mu lidiku lilala.

Isaya 10:20

Mu lidiku yilyo ga la va, avatigala va Israeli, na va hona avenyumba ya Yakobo, si va lesedema kandi ku uyu wa va kuya, navutswa va lesedema ku Yahova, Mutakatifu wa Israeli, mu ageligali.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 17:7

Mu lidiku yilyo avandu va la henza Mulombi wavo, netsimoni tsyavo tsi la lola Mutakatifu wa Israeli.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 37:4

Namusia Yahova Nyasaye wowo a la hulira makuva ga Rabi shake, womwami wa Asuria munene wewe ya tuma a duke kunyega Nyasaye u veye mwoyo, nokugondokira amakuva aga Yahova Nyasaye wowo u huliye: kunangwa, kigira yaga u gingire avatigaye lisaala lilyo.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 43:14

Yahova, Mutungiri wenyu, Mutakatifu wa Israeli, a vola ndi: Kigira mwinye nda tuma mutumwa Babuloni, na ndikidza vosi kuli avakungi, kali Vakalidei, mu bwato bwelisangala lyavo.

Isaya 43:3

Kigira inze mbeye Yahova Nyasaye wowo, Mutakatifu wa Israeli, Muhonnyi wowo; mmali kuhaana Egepeti kuva umutungu gugwo, mbaani Ethiopia na Seba kigira ive.

Isaya 5:15

Na uyu munyaviru yinaminyangwa hasi, na munene a gehidzangwa, netsimoni tsyavadiguluku tsyeyondidza:

Isaya 5:21

Ubuda mano bu ve ku yavo ava veye nobugeeri mu tsimoni tsyavo avene, navelimanya mu tsiganagani tsyavo

Jeremia 48:42

Moabu a la dividzwa ihiri i vule kuva yo kandi, kigira yekuminya ku Nyasaye.

Ezekieli 28:2

Ive mwana womundu, u volere munene wa Turo, Mwami Nyasaye a vola ndi: Kigira mwoyo gugwo gwegingi, na wa vola, Inze mbeye munyasaye, nzikaye ku intebe ya Nyasaye, hagati hetsinyanza; navutswa u veye mu ndu, si u veye Nyasaye mba, kali ni wa vika mwoyo gugwo kuli mwoyo gwa Nyasaye;

Ezekieli 28:9

Kuduka kalunu u la vola imbiri wa uyu wiitanga ive, Inze mbe ye Nyasaye? Navutswa u veye mundu, si u veye Nyasaye, mmukono gwa uyu u kwata tsing'oma.

Ezekieli 35:13

Mwinye mwiidzominyi avene ku inze neminwa gyenyu, nokumeda makuva genyu ku inze: nga huliye.

Ezekieli 39:7

Na nda mannya lieta lyange litakatifu mu avandu vange Israeli; kandi si nda bugirira lieta lyange litakatifu lyononnywe kandi mba: na tsihiri tsi la manya inze mbeye Yahova, Mutakatifu wa Israeli.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 8:11

Yee, lwenenehidza kuduka ku munene welihe; na lwa mu nyaga kihaanua kyokusambwa kya kazozo, na hatakatifu hehe ha tsomwa hasi.

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:36

Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.