Isaya 37:21 - KITABU KITAKATIFU

²¹ Hene yaho Isaya mwana wa Amozu ya tuma mundu ku Hezekia, kumuvolera, Yahova Nyasaye wa Israeli, a ku volera, Kigira ive u saaye inze kigira Senakeribu, mwami wa Asuria,

Isaya 37:21 ပူးပေါင်းရင်းမြစ်များ

2 Samweli 15:31

Nomundu mulala ya volera Daudi, na a vola, Ahithofeli a veye mu lihambana lyetsimbemba halala na Abisalom. Na Daudi ya vola, O Yahova, nku goonya, livola lya Ahithofeli, u li girunkannye li gwe ubusiru.

2 Samweli 17:23

Na Ahithofeli lwa ya lola livola lilye li vuli kulondwa, ya boha isukiri yeye, na a singira, na a tsia mu inyumba yeye, mu lidala lilye, na ya lomba makuva genyumba yeye, ni yesunga; na a kudza, na ya tebwa mu kilindwa kya dada wewe.

2 Avami 18:13

Kunangwa ku muhiga gwa kola likumi na gyine gwelyameha lya Hezekia, Senakeribu mwami wa Asuria yanegira kulwana namadala gosi ga Yuda agetsingaga, nokugavugula.

Ayubu 22:27

U la saala naye a la hulira lisaala lilyo; Na u la tunga malagano gogo.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Isaya 37:2

Na ya tuma Eliakim, munene wenyumba yeye, na Shebina mung'odi, na vakulundu va vasalisi, vivika magunia, va tsie ku Isaya muprefeti mwana wa Amozu.

Isaya 58:9

Kunangwa u lanira, na Yahova a la bugirira; u la kupa lwanga, naye a la vola, Mbeye hano. Nu u va nu u twulidza hagati hoho inira, neligeragera kidete, nelivola lyobudamano;

Isaya 65:24

Na ga la duka kuva, ni va kikiri kunanga, nda bugirirana lwa va veye mu livola, nda hulira.

Vikolwa 4:31

Lwa va mala kusaala, ha va vuganira ha degeridzwa; navo vizula Roho Mutakatifu vosi, ni va vola likuva lya Nyasaye nobuluviriri.