Isaya 37:2 - KITABU KITAKATIFU

² Na ya tuma Eliakim, munene wenyumba yeye, na Shebina mung'odi, na vakulundu va vasalisi, vivika magunia, va tsie ku Isaya muprefeti mwana wa Amozu.

Isaya 37:2 ပူးပေါင်းရင်းမြစ်များ

2 Avami 18:18

Navo lwa va mala kulanga mwami, Eliakim mwana wa Hilikia, wa li musingeriri wenyumba, na Shebina mung'odi, na Joa mwana wa Asafu mung'odi wetsinyinga, va twula kutsia kuvo.

2 Avami 19:2

Na ya tuma Eliakim, wa li musingeriri wenyumba yeye, na Shebina mung'odi, navakulundu vavasalisi, ni viviki magunia, va tsie ku Isaya mprofeti, mwana wa Amozu.

2 Kyetsinyinga 20:20

Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.

Esther 4:1

Mordekai lwa ya manya gosi ga kolwa, Mordekai ya tandula tsi ngubo tsitsye, ni yevika magunia neligoke, na a twula na a tsia hagati helidala, na a lira lilira linene lyobu lulu;

Isaya 1:1

Yaga na malola ga Isaya mwana wa Amozu, ya lola ku makuva ga Yuda na Yerusalemi, mmadiku ga Uzia, na Jotham, na Ahazu, na Hezekia, avami va Vayuda.

Isaya 20:2

inyinga yeyo Yahova ya vola nomunwa gwa Isaya mwana wa Amozu, na a vola, Tsia, u navule ingubo yeligunia kutwula mu kikenge kikyo, na u twulidze kilatu kikyo ku kirenge kikyo. Na ya kola ndiyo, na ya genda kyahonyo nevirenge vyere.

Isaya 22:12

Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:

Isaya 22:15

Yahova a vola, Yahova wa mahe ndi, U tsie, ku uyu u lindanga ubutugi, livola li veye, ku Shebina, u veye igulu ku inyumba, mmu volere,

Isaya 22:20

Ga la va mu lidiku yilyo, nda langa mutu mekiri wange Eliakim mwana wa Hilikia:

Isaya 36:3

Ma Eliakim mwana wa Hilikia, wa li munene mu inyumba, na Shebina mung'odi, na Joa, mwana wa Asafu mu validzi wetsinyinga, va loleka kuye.

Isaya 37:14

Na Hezekia ya vugula ibaruwa mmukono gwavatumwa, na a gi soma; na Hezekia yanegira mu inyumba ya Yahova, na vambuula ibaruwa imbiri wa Yahova.

Isaya 37:21

Hene yaho Isaya mwana wa Amozu ya tuma mundu ku Hezekia, kumuvolera, Yahova Nyasaye wa Israeli, a ku volera, Kigira ive u saaye inze kigira Senakeribu, mwami wa Asuria,

Isaya 38:1

Mmadiku yago Hezekia ya lwala kuduka ku likudza. Na Isaya muprofeti mwana wa Amozu ya tsia ku mwami, na a mu volera, Yahova a ku volera, U lohidze vindu vyosi vyenyumba yoyo; kigira u la kudza, si u la va mwoyo mba.

Joeli 1:13

Mwebohe na magunia, mu syome mwinye avasalisi; mu kupe tsikwili, mwinye ava tumikanga ku bwali; mudze, mu gone ubudiku bwosi mu magunia, mwinye avatumekiri va Nyasaye wange: kigira kihaanwa kyobusie na kihaanwa kyokunwa vigaliywi vi ta va mu inyumba ya Nyasaye wenyu.