Isaya 37:19 - KITABU KITAKATIFU

¹⁹ nokusyuva vanyasaye vavo mmuliru: kigira si va veye avanyasaye, navutswa va veye miyinzi gya makono gavandu, misala na magina; kigira yaga va va dividzi.

Isaya 37:19 ပူးပေါင်းရင်းမြစ်များ

2 Samweli 5:21

Navo va leka ho vifwananyi vyavo; na Daudi navandu veve va vi vugula ni va vi samba.

Kutwula 32:20

Naye ya vugula kimoli kya va lomba, nokukisamba nomuliru, nokukisia kuduka kuva ubusie, nokutsuka mmadzi, nokuniga avana va Israeli va nwe.

Isaya 10:7

Navutswa mwene si ya saavira ndiyo, nomwoyo gwigwe si gu gana gana ndiyo; navutswa mu mwoyo gwigwe a saavira kwononnya, nokuheridza tsihiri tsinyingi.

Isaya 17:8

Navo si va la henza ubwali, miyinzi gyamakono gavo; kandi si va la lola aga va kola nevidete vyavo, misala gyemiluka, kinga vifwananyi vyeliuva.

Isaya 2:8

Kivala kyavo kizuye vifwananyi vyokusiga mirwa; va sigamiranga miyinzi gyamakono gavo avene, vindu vyevidete vyavo vi lombi avene.

Isaya 26:14

Yavo va kudzi, si va la va mwoyo; va kudzi, si va la vuka kandi: kigira yaga ive wa duka kuvo nokuvononnya nelidzulitswa lyavo lyosi u mali kulidividza.

Isaya 41:24

Henza, mu veye vya vutswa; nemiyinzi gyenyu ni gya vutswa; u tovolanga mwinye a veye livihiriridza.

Isaya 41:29

Henza yavo vosi, miyi nzi gyavo gyi veye mwika vutswa, na gyavutswa; vifwananyi vyavo vyokwelonga vi veye imbuudza neligenya.

Isaya 41:7

Ma muvadzi a tsuva umutuuli wethahabu, na uyu wemiyinzi gyigye gyi veye kunihidza nenyundu a tsuva umwungi, na a vola ku makuva gekyongu kyobuduha, Ki veye kyongu kilahi; na a ki boha nemisumali, gyi vule kudendeya.

Isaya 44:17

Na kidonye ki tigaye a ki lomba kuva mu nyasaye; ki veye kifwananyi kikye kya vadzwa; a gwidzanga imbiri wakyo nokusigamira, a ki saalanga, nokuvola, Konya inze; kigira ive u veye munyasaye wange.

Jeremia 1:16

Na inze nda vola likalaga lyange lyosi kuvo ku makuva gobukyamu bwavo bwosi, kigira va ndeki, na va vuyidza vimuli ku vanyasaye vandi, nokusigamira miyi nzi gyamakono gavo avene.

Jeremia 10:11

Mu la va volera yaga, Avanyasaye ava vula kulomba ligulu na lirova, yava va la diva va twule mu kivala, va twule isi weligulu.

Jeremia 16:20

Mundu a lelombera avanyasaye mwene, ava ta li avanyasaye?

Jeremia 2:11

Ihiri ya girunkannyaa avanyasaye vavo, ava ta veye avanyasaye? Navutswa ava ndu vange va girunkannya ubukumi bwavo ku kya vutswa.

Danyeli 11:8

Kandi avanyasaye vavo, na vifwananyi vyavo, vyelisalulwa, na viju vilahi vyavo vyefetha nevyethahabu, a la vi lanya nokuvihila mu Egepeti; kandi mihiga gyi duki, a legaya ku mwami wa kasikasini.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Hosea 8:6

Kigira kali mu Israeli inkuva yiyi i twulanga kuye; musidza ya ki lomba, si ki veye Nyasaye mba; yee, kimoli kya Samaria ki la vunannywa vidonye.

Vagalatia 4:8

Navutswa inyinga yeyo, kigira si mwa manya Nyasaye, mwa li ni mu veye avatugwa va yavo aveliva lyavo li ta li lyavanyasaye: