Isaya 36:16 - KITABU KITAKATIFU

¹⁶ Mu ta hulira Hezekia mba: kigira mwami wa Asuria a vola, Mu kole ninze mirembe, mu twule mudze ku inze; na mu lie sa mulala muzabibu gwigwe, na sa mulala amakuyu gege, na mu nwe sa mulala amadzi ga isiongo yeye mwene:

Isaya 36:16 ပူးပေါင်းရင်းမြစ်များ

Litanga 32:20

Na mu la vola, Kandi, henza, mutugwa wowo Yakobo a veye inyima wetu. Kigira ya vola, Nda mu yanzidza nekihaanwa kyemirira kutsia imbiri wange, na inyima nda mu lola mumoni mwimwe; mbula a la nyanza

Litanga 33:11

Mwadza, u vugule kihaanwa kyange kya u leteywi; kigira Nyasaye u nkoleye tsimbabasi tsinyingi, kandi kigira mbeye navyo vi duki. Naye ya mu goonya, na ya vugula.

2 Samweli 8:6

Hene yaho Daudi ya vika avaskari vo kulinda mu Siria nomu Damasko; na Vasiria va gwa avatumekiri va Daudi, ni va leta vihaanwa. Na Yahova ya ha Daudi liguuta hosi ha ya tsia.

1 Avami 4:20

Yuda na Israeli va veye ava nyingi ligali kuli muyeke gu veye ku luginga lwenyanza ku bunyingi bwavo, va lia ni va nwa na va sangala.

1 Avami 4:25

Na Yuda na Israeli va menya bulahi, sa mulala isi womuzabibu gwigwe na isi womukuyu gwigwe, kutwula Dan kuduka Beersheba, madiku gosi ga Solomoni.

2 Avami 18:31

Mu ta hulira Hezekia mba: kigira mwami wa Asuria a vola, Mu manyane ninze, na mu twule mudze ku inze; na mu lie sa mulala mazabibu gege, na sa mulala makuya gege, na mu nwe sa mulala amadzi gesiyongo yeye;

2 Avami 5:15

Yirana ku mundu wa Nyasaye uyu, nekiganda kikye kyosi, vadza, ni va singira imbiri wewe: na a vola, Henza kalunu, manya si ha veye na Nyasaye mu lirova lyosi, navutswa mu Israeli: kunangwa kalunu, mwadza, u vugule ubugasu ku mukono gwomutumekiri wowo.

Tsing'ano 27:18

Ku vosi uyu u lindanga mukuyu a la lia makuyu gagwo; Na uyu u lindanga munene wewe a lidzominywa.

Tsing'ano 5:15

U nwe amadzi mu isiongo yoyo mwene, Na amadzi ga senukanga mu kidaho kikyo.

Isaya 36:17

kuduka lwa nduka ku muhila mu kivala ki veye kuli kivala kyenyu avene, ni kivala kyobuswage newaini, nekivala kyevyokulia nemi limi gyemizabibu.

Mika 4:4

Navutswa va likala sa mulala isi womuzabibu gwigwe kinga isi womukuyu gwigwe; si ha veye nomu ndu kali mulala u va tihidza mba: kigira munwa gwa Yahova wa mahe gu voye yaga.

Zekaria 3:10

Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.

2 Vakorintho 9:5

Kunangwa nda lola nobulahi ng'oonye avamitu, va tange kuudza ku mwinye, ya lombe imbiri kihaanwa kyenyu kya lagwa lwambiri, kihaanwa zana kyetegeke kuli ga vedzanga ku kihaanwa, ga ta va kuli kunigwa.

1 Samweli 11:3

Navakulundu va Jabesh va mu volera, U ku he ubwiyangu madiku gatano na gaviri, ku duke kutuma avatumwa va tsie mu tsinzako tsyosi tsya Israeli; kunangwa, ni ha vula kuva nomundu u nyala kukuhonnya, ku la twula kudza ku ive.

1 Samweli 25:27

Na kalunu kihaanwa yiki kyomutumekiri wowo nku leteye ive, munene wange, va hebwe yavo avasoleli ava ku londanga, munene wange.