Isaya 35:9 - KITABU KITAKATIFU

⁹ King'ang'a ki la vula kuva ho, na tsinyama tsindulu tsi la vula kwanegira kuyo, tsi la vula kuloleka yo; navutswa avahonnywa va la genda yo:

Isaya 35:9 ပူးပေါင်းရင်းမြစ်များ

Zaburi 107:2

Ava nanulwa va Yahova, va vole ndiyo, Ava u nanuye mu makono gomusigu,

Kutwula 15:13

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Isaya 1:27

Zioni li la bohololwa nelikalaga, na avirani valyo va la bohololwa nobulungi.

Isaya 30:21

amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Isaya 43:19

Henza, nda kola kindu kihya; ki la sebuka kalunu ndi; mwinye si mu la ki manya? Nda lomba inzira mu kyanga langwi, na migera migendanyama.

Isaya 5:29

lihuma lyavo li la va kuli lifwuma lyeking'ang'a, va la fwuma kuli ving'ang'a visoleli; yee, va la fwuma noku gumira vilanye, nokuvivugula va tsie navyo bulahi, na si ha la va nomundu kuvahonnya.

Isaya 51:10

Si a li ive wa kaminya inyanza, amadzi goluliva lunene; kya kola ululiva lwenyanza kuva inzira yavatungirwa va vite kuyo?

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Isaya 63:4

Kigira nda li nelidiku lyekisalya mu mwoyo gwa nge, na muhiga gwa vatungirwa vange gu duki.

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Ezekieli 34:27

Na musala gwomulimi gu lama makuyu gagwo, nekivala ki lama limedeka lyakyo, na va la menya nemirembe mu kivala kyavo; na va la manya inze mbeye Yahova, lwa mbunannya miluguyu gyenira yavo, na nda va honnya va twule mmukono gwa yavo ava va tuga.

Hosea 2:18

Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Kyavalevi 26:6

Na nda mu ha mirembe mu kivala, na mu la gona, kandi si ha la va no nyala kumutihidza: na nda heridza tsinyama tsindamano mu kivala kyenyu, kandi kivavi si ki la vita mu kivala kyenyu.

Vagalatia 3:13

Kristo ya ku honnya mu vilaamu vyelilaga inyinga ya laamwa kigira kwinye; kigira ga ng'odwa, Ku vosi u sungangwa ku musala u laameywi:

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

1 Petro 1:18

kigira mu manya mwa honnywa, si bwa li ku vindu vyonekanga kuli ifetha kinga ithahabu, kutwula ku limenya lyenyu lya vutswa lya mwa nyola ku vaguga venyu;

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,