Isaya 34:9 - KITABU KITAKATIFU

⁹ Na migera gyakyo gyi la girunkanywa kuva ubusandu, nolugukyi lwakyo lu la girunkanywa kuva kibiridi, nelirova lyakyo li la gwa busandu bu sambanga.

Isaya 34:9 ပူးပေါင်းရင်းမြစ်များ

Litanga 19:28

na ya henza ku luvega lwa Sodoma na Gomora, noku luvega lwekivala kyosi kye Kereremu, na a lola, na, henza, mwoki gwekivala gu vuya kuli mwoki gwekisambiru kinene.

Ayubu 18:15

Yikyo ki ta veye kikye ki la menya mu lihema lilye: Kibiridi ki la tsukwa ku bumenyo bwibwe.

Zaburi 11:6

Ku vadamano a la vikidzira mitego; Muliru, na kibiridi, na kihudzudzi kyomuliru ki sambanga vi la va kidieli mu kikombe kyavo.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Jeremia 49:13

Kigira mmali kwisuha ku inze mwene, Yahova a vola, Bozra li la va ligenya, na manyego, nekyanyi, nelilaama; na madala gosi galyo ga la va vyanyi vya kazozo.

Luka 17:29

navutswa ku lidiku lya Loti ya twula mu Sodoma ya kupa imbula yo muliru neyekibiridi ya twula migulu, na ya mala vosi.

Kwidzulitsa 29:23

na kuli kivala kyosi ki veye kibiridi, nomunyu, nalisamba, ki vule kutagangwa, kinga kwama, kinga ubulimu bu meranga mu mba, kuli li tung'aminywa lya Sodoma na Gomora, Adima na Zeboim, ga Yahova ya tung'aminya nobutima bwibwe, nelivihirirwa lilye

Yudasi 1:7

Kuli Sodoma na Gomora, namadala yago ga li ahimbi nago, lwa va mali kwivika mu litsia mbakana, nokulonda mibiri gyindi, kufwana yago, aga vikeywi habulavu ga ve kyokuhenzera ku mu busaliri bwomuliru bwemihiga nemihiga.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.