Isaya 34:3 - KITABU KITAKATIFU

³ Yavo aviitwa mu yavo va la tebwa kyova, nelifunya lyemibiri mikudzu gyavo li lanegira igulu vigulu vi la yenguka kigira masahi gavo.

Isaya 34:3 ပူးပေါင်းရင်းမြစ်များ

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 34:7

Na tsing'ombe tsyombulimu tsi la sulunguta halala navo, netsirahu, netsigiriki: nekivala kyavo ki la hambika masahi, na lugukyi lwavo lu la nulidzwa nevinolu.

Isaya 66:24

Na va la twula, va la henza mibiri mikudzu gyavandu ava hyola ku inze: kigira ing'ende yavo i la vula kukudza, kandi muliru gwavo gu la vula kusiminywa; na va la va livihiriridza ku vemibiri vosi.

Jeremia 22:19

A la tebwa kuli litebwa lya isukiri, kukweswa nokusigiswa kyova ihale neviribwa vya Yerusalemi.

Jeremia 25:33

Na aviitwa va Yahova lidiku yilyo, va la va ho kutwula ku luvega yilu lwelirova kuduka ku luvega lundi lwelirova: si va la syomirwa, kinga kuvungidzwa, kinga kutebwa; va la va kuli isina ku mmoni mwelirova.

Ezekieli 14:19

Kinga ni ndeta ubulwaye mu kivala yikyo, nokutsuka ubutima bwange kukyo mu masahi, kutwulidza kukyo avandu nemitugu:

Ezekieli 32:4

Na nda ku leka ku lirova, nda ku ta kyova mu mulimi ku bulavu, nda leta manyonyi gosi gombwerefu gadze kugwa ku ive, ndigutidza tsinyama tsyelirova lyosi ku ive.

Ezekieli 35:6

kigira yaga, kuli inze mbeye mwoyo, Mwami Nyasaye a vola, nda ku lombera masahi, na masahi ga la ku londerera: kigira ive u vuli ku dunyira masahi, masahi ga la ku londerera.

Ezekieli 38:22

Nda kola likalaga kuye nobulwaye namasahi; nda kupidza imbula kuye, noku viduma vivye, noku avandu vanvingi ava veye halala naye, nda kupidza imbula yo kwizula, nembula yamagina amanene nomuliru, nekibiridi.

Ezekieli 39:11

Na ga la va ku lidiku yilyo, nda ha Goga bugono bwevilindwa mu Israeli, livona lya yavo ava vitanga ku luvega lwevugwe lwenyanza: nevilindwa vi ligalira yavo ava vitanga, va vule kuvita: na va la ta Goga ha zana nobunyingi bwavandu veve; navo va la li gulika Livona lya Hamon Goga.

Ezekieli 39:4

Ive u la gwa ku vigulu vya Israeli, ive, neviduma vivye vyosi, navandu va veye halala nive: nda ku haana ku manyonyi getsing'ano tsyosi aga litsanga inyama, noku tsinyama tsyomwigendanyama u duke kulibwa.

Joeli 2:20

navutswa lihe yili lyoluvega lwa kasikasini, nda li kunga ihale ku mwinye, li la duke mu kivala kyumu ki veye kyere, kidieli kye imbiri kyalyo ki lingira mu inyanza yevugwe, na kidieli kye inyima ki lingira mu inyanza yemadioli; na ubugundu bwalyo bu la senuka, na lifunya lidamano lilyo li la senuka, kigira li koli miyinzi minene.

Amosi 4:10

Nda leta hagati henyu iplegi ku lugano lwa Egepeti: ndiita avasoleli venyu nekivavi, netsiparasi tsyenyu ntsi twulidzeywi ku mwinye; na nda kola lifunya lya hokusosa henyu kwa negira igulu nokwingira mu amolo ge nyu: navutswa si mu galuki ku inze, Yahova a vola.

Nahum 3:3

na avasikari vetsiparasi va nina ku tsiparasi tsyavo na kivavi ki ng'ering'anga, na litimu li kupanga tsimpeni; na bunyingi bwa yavo aviitwa, na kitumi kinene ligali kyemibiri mikudzu, si ki veye nekiheri kyemibiri; vekigitalanga ku mibiri mikudzu gyavo;

Likunula 14:20

Kandi kinu kya duvulirwa ikyova welidala, kandi amasahi ga twula mu kinu kuduka ku majamu getsiparasi, kuduka tsimaili tsimia tsiviri.