Isaya 33:6 - KITABU KITAKATIFU

⁶ Tsinyinga tsitsyo tsi la va nelidinyeridza, ubuhonnyi bumyingi, nobu geeri, nelimanya: litia Yahova li veye butugi bwibwe bwakiba.

Isaya 33:6 ပူးပေါင်းရင်းမြစ်များ

2 Avami 18:7

Yahova ya li halala naye; hosi ha ya tsia ya gasidzwa: na ya kola bwebaali ku mwami wa Asuria, na a vula kumutumekira.

Ayubu 4:6

Ubutii bubwo ku Nyasaye si bu veye buluviriri bubwo, Na lisuuvira lilyo si li veye ubulungi bwenzira yoyo?

Zaburi 140:7

O Yahova, Mwami, tsingulu tsye lihonywa lyange, U nkingiye mutwe gwange ku lidiku lyobulwani.

Zaburi 28:8

Yahova a veye tsingulu tsyavo, Naye a veye ulugaga lwobuhonyi ku aveve ava vakwa na maguta.

Zaburi 45:4

Na mu bunene bubwo u gende nobugasu, Kigira ageligali na ubuhoma na ubulungi: Na mukono mulungi gugwo gu la ku mannya vindu vyokutihidza.

Tsing'ano 14:24

Igudwa yavageeri i veye ubutugi bwavo; Navutswa ubusiru bwavasiru bu veye ubusiru vutswa.

Tsing'ano 14:26

Mu litia Yahova mu veye neliluviridzwa Na avana veve va la va nahokwivisa.

Tsing'ano 14:27

Litia Yahova li veye kisenukiru kyamadzi gelivamwoyo, Mundu a nyale kutwula mu mitego gyelikudza.

Tsing'ano 15:16

Bukekeke halala nelitia Yahova, bu veye bulahi Kuvita butugi bunyingi halala nekivi.

Tsing'ano 19:23

Litia Yahova li henzanga ku livamwoyo; Na uyu u veye nalyo a la va nekilema mwoyo Ubudamano si bu la duka kuye mba.

Tsing'ano 2:5

Hene yaho u la manya litibwa lya Yahova, Na u la nyola limanya lya Nyasaye.

Tsing'ano 28:2

Ku mahyolo gekivala avanene vakyo va veye avanyingi; Navutswa avandu vobugeeri na velimanya va la ki dinyeridza.

Tsing'ano 29:4

Umwami a dinyiridza kivala nelikalaga lilye lilungi; Navutswa uyu wenyanga vikukula a tung'aminya kivala.

Kohelethu 7:12

Kigira ubugeeri bu veye lidigi, kuli ifetha i veye lidigi: navutswa ubulahi bweli manya bu veye ndi, ubugeeri bu veye lugaga lwelivamwoyo lya uyu u veye nabwo.

Kohelethu 7:19

Ubugeeri bu veye tsingulu ku uyu u veye nobugeeri kuvita avamehanga likumi va veye mu lidala.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 26:1

Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 32:17

Na miyinzi gyobulungi Yi la va mirembe; nelikola lyobulungi li la va bwehodzeridzi nelisuuvira mihiga nemihiga.

Isaya 32:18

Navandu vange va la menya mu bumenyo bwemirembe, na homugidzi gwaliga, nomu lyelemeridza ha ta li nekivihiri

Isaya 33:20

Henza Zioni, lidala lyamalia getu: tsimoni tsitsyo tsi la lola Yerusalemi kuva ubu menyo bwobusosi, lihema li la vula kutwulidzwa, lyevivambo vyalyo vi la vula kwifwa, kandi migoye gyalyo si ha veye nomulala ugwa kalika.

Isaya 45:17

Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 51:14

Wadiki dzwa muhambe a la bohololwa bwangu: naye si a la kudza mba nokwika mbogo, na vyokulia vivye si vi la geha mba.

Isaya 51:6

Mu ginge tsimoni tsyenyu mu henze ligulu, kandi mu henze kivala kya hasi; kigira migulu mu la vuya kuli mwoki, na kivala ki la kunguha kuli ingubo, na va menyanga ku va la kudza kuli ndiyo: navutswa ubuhonnyi bwange bu la va bwemihigane mihiga, nobulungi bwange si bu la tsyomwa hasi.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Habakuk 2:14

Kigira lirova li lizula limanya lyobukumi bwa Yahova, kuli madzi ga kunikanga inyanza.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.

1 Timoteo 6:6

Navutswa litibwa lya Nyasaye halala nelibugirira liva lya u veye li veye vyambeti vinyingi.