Isaya 33:2 - KITABU KITAKATIFU

² O Ya hova, u ku vera tsimbabasi; ku ku lindiriye: u ve mukono gwetu migamba gyosi, nobuhonnyi bwetu inyinga yekivi.

Isaya 33:2 ပူးပေါင်းရင်းမြစ်များ

Zaburi 123:2

Henza, kuli tsimoni tsyavatugwa tsi yekanya ku mukono gwava nene wavo Na kuli tsimoni tsyomukana mutugwa tsi yekanga ku mukono gwa munene wewe wekikali; Ni ndiyo tsimoni tsyetu tsi yekanga ku Yahova Nyasaye wetu, A luhe a ku vere tsimbabasi

Zaburi 143:8

U nkole kuhulira tsimbabasi tsitsyo mugamba tsuri; Kigira nsuuviranga ive: U mmannye inzira indukira kulonda kuyo; Kigira ngingira mwoyo gwange ku ive.

Zaburi 25:3

Yee, ava lindiriranga ive si va la va netsisoni, kali mulala: Yavo ava kolanga ubugadi bugira kivune va la va netsisoni.

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 33:22

Tsimbabasi tsyobuyanzi tsitsyo tsi ve ku kwinye, O Yahova, Kuli ku suuviye ive.

Zaburi 37:39

Navutswa ubuhonnyi bwavalungi bu veye ku Yahova: A veye lugaga lwavo mmadiku gekivi.

Zaburi 46:1

Nyasaye a veye kyo kwivisa mu kyetu, na tsingulu tsyetu, Mukonyi wa himbi ligali inyinga yekivi.

Zaburi 46:5

Nyasaye a veye hagati halyo; si li la dengeya mba: Nyasaye a la li konya, a la li konya ligali mabwebwe.

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Zaburi 60:11

U ku konye ku musigu wetu; Kigira likonya lyomundu li veyelya vutswa.

Zaburi 62:1

Mwoyo gwange gu lindirira Nyasaye nelikiring'ana: Lihonywa lyange li twulanga kuye.

Zaburi 62:5

Mwoyo gwange, u lindire Nyasaye yeng'ine nelikiring'ana; Kigira lisuuvira lyange li veye ku uyu.

Zaburi 62:8

Mwinye avandu mu mu suuvire tsinyinga tsyosi; Mu tsuke mwoyo gwenyu imbiri wewe: Nyasaye a veye hokwivisa mu hetu. [Selaha

Zaburi 90:15

U ku yanzidze kuli livalidza lya madiku ga wa ku kupidza kivi Na kuli mihiga gya kwa lola ubudamano.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Kutwula 14:27

Na Musa ya nyira nukono gwigwe ku inyanza, na lwa bwa kya inyanza yirana ku tsingulu tsyayo tsya kazozo; na Avaegepeti va giruka; na Yahova ya vungulula Avaegepeti mu inyanza.

Isaya 17:10

Kigira wivireye Nyasaye wobuhonyi bubwo, na si widzulitsa lwanda lwetsingulu tsitsyo; kigira yaga wa simiki misala gyo kuyanzidza, nokusimika visebu vi geni.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 26:16

Yahova, mu kivi kyavo vadza ku ive; va saala lisaala lwa wa va ha mageli.

Isaya 26:8

Yee, ku lindiriye ive, O Yahova mu inzira yelikalaga lilyo; likayirwa lyemyoyo gyetu li yeki ku lieta lilyo, nokulidzulitsa lilyo.

Isaya 37:3

Va mu volera, Hezekia a vola, Lidiku lya lero yili li veye lidiku lyekivi, nelyokuhebwa mageli, nelya manyego; kigira avana va duki kwivulwa, netsingulu tsyokwivula si tsi ve ho mba.

Isaya 40:10

Henza, Mwami Nyasaye a ladza kuli Wanyala, na mukono gwigwe gu leyamehira mwene: Henza, madanyi gege a veye nago halala, na litunga lilye li veye imbiri wewe.

Isaya 51:5

Ubuhonnyi bwange bu veye ahimbi, ubuhonnyi bwange bu twuli, na makono gange ga la kalagira avandu; na visulu vi la lindi rira inze, vi lidira ku mukono gwange.

Isaya 59:16

Na ya lola si ha veye nomundu, na ya genya kuvasi ha veye nomundu u saala: kigira yaga mukono gwigwe mwene gwa mu letera ubuhonnyi, nobulungi bwibwe bwamudinyeridza.

Isaya 8:17

Na nda lindirira Yahova, uyu u visanga mmoni mwi mwe ku inyumba ya Yakobo, na nda mhenzererera.

Jeremia 14:8

O ive u veye kisuuviri kya Israeli Muhonnyi wewe inyinga yekivi, kigira ki ive u veye kuli mugeni mu kivala, kuli mundu u samulanga, yeveta a nyole hokugona ubudiku?

Lisyoma lya Jeremia 3:23

Tsi veye tsimpya mugamba nomugamba; busuuvirifu bubwo bu veye bunene.

Hosea 14:2

Vugula ma kuva, u tsie nago, wirane ku Yahova: u mu volere, Twulidza budamano bwosi, u bugirire amalahi: ku la haana ndiyo vihaanwa vyeminwa gyetu kuli kuhaana tsigiriki.