Isaya 32:6 - KITABU KITAKATIFU

⁶ Kigira musiru a la vola agobusiru, nomwoyo gwigwe gu la kola vidamano, nokutumekira kirage, nokuvola bukyamu ku Yahova, kukola mwoyo gwa uyu u veye nenzala kuva vutswa, nokukola kyokunwa kya uyu u veye nobuluhu kukama.

Isaya 32:6 ပူးပေါင်းရင်းမြစ်များ

Zaburi 141:4

U ta leka mwoyo gwange kuyeka ku kindu kidamano, Kukola likola lyobwoni Halala na avandu ava kolanga ubukyamu: Kandi mbule kulia ku vinolu vyavo.

Tsing'ano 19:3

Ubusiru bwomundu bu kyaminyanga inzira yeye; Na umwoyo gwigwe gu vihirirangwa Yahova.

Tsing'ano 24:7

Ubugeeri bu veye igulu ligali ku musiru: Si a kunula munwa gwigwe mu kiribwa.

Isaya 10:2

kuduka kugiru nkanya mudaka a vule kunyola ubulungi bwibwe, nokutwulidza ubulungi bwavadaka va veye mu vandu vange, avakunzakali va duke kuva avaha mbe na va duke kukolaa vabisandu va ve vilanye

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 26:10

Mudamano kali na a kolerwa tsimbabasi si a lyega ubulungi mba; mu kivaia kyobulungi uyu u la kola ubukyamu, na si a la lola ubukumi bwa Yahova.

Isaya 3:15

kigira ki mu dambidza avandu vange, nokusia mmoni mwa vadaka? Mwami Yahova wa mahe, a vola.

Isaya 31:2

Navutswa uyu kandi a veye nobugeeri, na a la leta ubudamano, na a la vula kwirannya makuva gege, navutswa a la singira kuhing'ana nenyumba ya yavo ava kolanga buda mano, nokuhing'ana nelikonywa lyayavo ava kolanga budamano.

Isaya 59:13

mu lihyola nokwambakana Yahova, nokugirunkana kuvula kulonda Nyasaye wetu, nokuvola lidambidza nekirage, lisaavira nokutwulidza mu myoyo makuva gobubehi.

Isaya 59:7

Virenge vyavo vi nyagula tsimbiru kukola budamano, navo va kola bwangu kut ahidzo masahi ga ta li nekindu: tsiganagani tsyavo tsi veye tsyobudamano; mu mahasi gavo ha veye vutswa nobwoneku.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 13:23

Muethiopia a nyala kugirunkannya ligodo lilye, naho ingo i nyala kugirunkannya ubusalago bwayo? Nu u va nu u nyala yaga hene yaho na mwinye mu la nyala kukola bulahi, ava mwa nala kukola budamano.

Ezekieli 34:18

Mu lolanga ki veye kindu kikekeke ku mwinye kwayirwa lyaywa lilahi, navutswa ga mu dukira ku duvaga kandi nevirenge vyenyu kyayiru kye nyu kya tigala? Nokunwa madzi malahi, na ga mu dukira mwinye kwononnya aga tigala nevirenge vyenyu?

Danyeli 12:10

Avanyingi va letakasa avene, nokwenihidza, nokuseredzwa; navutswa avadamano va la kola ubudamano: noku avadamano si ha la va na u manya; navutswa avageeri va ia manya.

Amosi 8:6

ku duke kugula avadaka nefetha, navadambi ku va gule vilatu viviri, nokugulidza amadzengere gengano?

Matayo 15:19

Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi:

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.

1 Samweli 24:13

Kuli lugano lwa makuva gavandu va kale lu volanga, Mu yavo avadamano ubudamano bu twulanga; navutswa mukono gwange gu la vula kuva ku ive.