Isaya 32:19 - KITABU KITAKATIFU

¹⁹ Navu tswa imbula yamagina i la kupa mu ligwa lyomulitu; na lidala li lalirwa hasi ligali.

Isaya 32:19 ပူးပေါင်းရင်းမြစ်များ

Isaya 10:18

Naye a la samba ubukumi bwomulitu bwibwe, nobwo mulimi gwigwe gwamanga ligali, mwoyo nomubiri gyombi: gu la va kuli uyu u ginga ibendera akudzanga mwoyo.

Isaya 10:19

Nemisala gyomulitu gwigwe gyi la tigala gyi la va mikekeke, kali mwana a nyala kugyivalidza.

Isaya 10:33

Henza, Mwami, Yahova wa mahe, a la kalaga tsisya nelitihidza; navatambi va la temwa ligali, na veginga va likidzwa hasi.

Isaya 24:10

Lidala yilyo li veye kyanyi li tegulwa; tsinyumba tsyosi tsi haneywi miliango, a ta duka kwingira mundu kali mulala.

Isaya 24:12

Mu lidala mu tigaye vutswa, na kiribwa kyalyo ki duyeywi nobwoneku.

Isaya 25:2

Kigira wa kola lidala kuva kitumi nelidala lyetsingulu kuva kyanyi, inyumba yobwami yavageni i vuli kuva lidala; li la vula kwombakwa kandi mihiga nemihiga.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Isaya 26:5

Kigira wikidzi hasi yavo ava menyanga igulu, lidala lyadiguluka: u likidzi hasi, u likidzi kuduka ku lirova; u li leti kuduka mu lugukyi.

Isaya 27:10

Kigira lidala lyetsingulu li tigaye lyere, bumenyo bu lekwa hang'anye, kuli mwigendanyama: ha zana kimoli ki laya, ki la gona ha zana, nokulia tsisya tsyalyo.

Isaya 28:17

Nda singeridza likalaga kuva ligera, nobulungi bu la singelidzua kuva iplum; na imbula vamagina i la hila kyokwivisa mu kyobubehi, namadzi ga lizulitsa kuvita hokwivisa.

Isaya 28:2

Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono.

Isaya 29:4

Na u likidzwa hasi, na u la vola kutwula mu marova, nelivola lilyo li la va isi mu lugukyi; nomwoyo gugwo gu la va kuli uyu a veye nomwoyo gwobusegetiri, kutwula mu marova, nelivola lilyo li la monyamonya kutwula mu lugukyi.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Isaya 37:24

Ive u legi Yahova ku vatumwa vovo, nokuvola, Inze nzanegiye igulu kuduka ku isongo yevigulu, nobunyingi bwamagari gange gobulwani, nduki mugati mwa Lebanon; nda tema mitaragwa gyagwo mitambi nemisala gyagwo mitovole; ndingira mugati mugwo hadiguluku ha veye ihale ligali, mulitu gwomulimi gwi gwe gwamanga;

Nahum 1:1

Yili ni likuva liliduhu lya Nineve. Kitabu kyamalola ga Nahum Muelikoshi.

Nahum 1:8

Navutswa a la heridza hango hehe ligali nolugaga lwa madzi, na a la londerera avasigu veve kuduka mkisundi.

Zekaria 11:2

Kupa tsikwili O cyprus, kigira mutaragwa gu gwiye, kigira misala milahi gyonomlyeywi: mu kupe tsikwili mwinye misala gya Bashan, kigira mulitu gwetsingulu gwiki hasi.

Matayo 7:25

imbula ya kupa, na madzi gizulira, nembuudza ya huudza, vya kupa ku inyumba yeyo; navutswa si ya gwa mba: kigira ya handa ku lwanda.

Likunula 18:21

Kandi ingelosi wetsingulu ya ginga ligina kuli lugina lunene, na a li ta mu inyanza, na a vola, Ndi neligwa linene Babuloni lidala linene li la tebwa hasi, kandi li la vula kuloleka ligali kandi.

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.