Isaya 32:18 - KITABU KITAKATIFU

¹⁸ Navandu vange va la menya mu bumenyo bwemirembe, na homugidzi gwaliga, nomu lyelemeridza ha ta li nekivihiri

Isaya 32:18 ပူးပေါင်းရင်းမြစ်များ

Zaburi 107:7

Na a vimirira ku inzira inungi, Va duke kutsia mu lidala lyokumenya.

Kutwula 9:26

Mu kivala kya Goshen kyeng'ine, kya avana va Israeli va li mukyo, si ha li nembula yamagina.

Tsing'ano 24:15

Ive mundu mudamano, u ta setera ubumenyo bwomulungi; U tononya busosero bwibwe:

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 14:3

Na ga la duka mu lidiku yilyo lya Yahova a ku sosidza ku liverera lilyo, noku litihidzwa lilyo, noku butumekiri budinyu bwa wa tumekirwa,

Isaya 2:4

Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

Isaya 26:12

Yahova, ive u la laga mirembe ku kwinye; kigira ni ive wa ku kolera miyinzi gyetu gyosi.

Isaya 26:3

Ive u la mu linda a ve mu mirembe midukiru, wetsiganagani tsitsye tsya dinyeridzwa ku ive; kigira a suuviranga ku ive.

Isaya 28:12

ava ya volera, Yibu nobwelemeridzi, mu he uyu u luhi lisosa; na yili ni lisosa: navutswa si va hulira.

Isaya 30:15

Kigira Yahova Nyasaye, Uyu Mutakatifu wa Israeli a vola ndi, Mu lirana nomu lyelemeridza mu la honywa; tsingulu tsyenyu tsi la va mu lisosa nomu lisuuvira. Na mwinye si mwa bugirira:

Isaya 33:6

Tsinyinga tsitsyo tsi la va nelidinyeridza, ubuhonnyi bumyingi, nobu geeri, nelimanya: litia Yahova li veye butugi bwibwe bwakiba.

Isaya 65:21

Va lombaka tsinyumba, nokumenya mutsyo; va la taga mizabibu na va la lia makuyu gagyo.

Isaya 65:9

Nda leta bugutsa kutwula ku Yakobo, na wemi yandu gyevigulu vyange kutwula ku Yuda; na mutovole wange a la nyola miyandu, na vatumekiri vange va la menya yo.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Ezekieli 34:28

Na si va la va vilanye vyetsihiri kandi, kandi tsinyama tsyekivala si tsi la va lia kandi mba; navutswa va la menya nemirembe, na si ha la va no nyala kuvatihidza.

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Zekaria 2:8

Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye.

Zekaria 3:10

Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.

Vahebraina 4:9

Kunangwa ubwelemeridzi bwelisabato bu tigaye ku vandu va Nyasaye.

1 Yohana 4:16

Kandi kwinye ku manya, kandi ku suuvira ubuyanzi bwa Nyasaye a veye nabwo ku kwinye. Nyasaye a veye ubuyanzi: u menya mu buyanzi a menya mu Nyasaye, kandi Nyasaye a menya muye.