Isaya 32:14 - KITABU KITAKATIFU

¹⁴ Na inyumba yobwami i la lekwa; lidala li veye navandu vanyingi ligali, li la va bugira mundu; kigulu nekitaradzi vi la va ubumenyo bwetsinyama madiku gosi, ubusangali bwetsisukiri tsyommulitu, ubwayiru bwamagondi;

Isaya 32:14 ပူးပေါင်းရင်းမြစ်များ

2 Avami 25:9

Na ya samba inyumba ya Yahova, nenyumba yomwami, netsinyumba tsyosi tsye Yerusalemi, sa indala ya li inene, ya gi samba nomuliru.

2 Kyetsinyinga 33:14

Inyima wa yaga yombakira lidala lya Daudi lidigi lyolugaga lwe kyova, ku luvega lwemadioli lwa Gihon, mwivona, kuduka ha bwingi riru bwekiribwa kyetsisudzi; na ya kumbiridza Ofeli nolugaga tsimbega tsyosi, na ya lu tambehidza kutsia igulu ligali: na ya vika avanyampara avaluviriri mu madala gosi ga Yuda, getsingaga.

Nehemia 3:26

(Na Vanethini va menya mu Of eli, kuduka ku luvega lu henza ha kiribwa kyamadzi ku luvega lwevugwe neki taradzi kya yeka kyova.)

Zaburi 104:11

Vi nwehidzanga tsinyama tsyosi tsyombulimu; Tsisukiri tsyombulimu tsi mala nga ubuluhu.

Isaya 22:2

O ive wizuye liha nzuka, lidala lyeliyoga, lidala lyelisangala: lyavandu vovo viitwa si viitwa nekivavi, kandi si va kudzira mu bulwani.

Isaya 24:10

Lidala yilyo li veye kyanyi li tegulwa; tsinyumba tsyosi tsi haneywi miliango, a ta duka kwingira mundu kali mulala.

Isaya 24:12

Mu lidala mu tigaye vutswa, na kiribwa kyalyo ki duyeywi nobwoneku.

Isaya 25:2

Kigira wa kola lidala kuva kitumi nelidala lyetsingulu kuva kyanyi, inyumba yobwami yavageni i vuli kuva lidala; li la vula kwombakwa kandi mihiga nemihiga.

Isaya 27:10

Kigira lidala lyetsingulu li tigaye lyere, bumenyo bu lekwa hang'anye, kuli mwigendanyama: ha zana kimoli ki laya, ki la gona ha zana, nokulia tsisya tsyalyo.

Isaya 3:26

Na viribwa vivye vi la lira nokusyoma; naye a la va mukali wa lekwa, naye a likala hasi.

Isaya 5:9

Mu amatu gange, Yahova wa mahe a vola, Ligali tsinyumba tsinyingi tsi la lekwa tsing'anye, kali tsi veye tsinene na tsindahi, tsi la va bugira avandu.

Isaya 6:11

Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere,

Isaya 7:23

Na ga la duka mu lidiku yilyo hosi ha li va nemizabibu elfu gyobuguli bwagyo bu veye tsifetha elfu, ga la va ho lutavati namafwa.

Jeremia 14:6

Tsisukiri tsyombulimu tsi singiye ku vigulu, tsi herananga kuli vibwe kunyola myika, tsimoni tsyatsyo si tsi lolanga bulungi, kigira si ha veye na hokwaya.

Jeremia 33:4

Kigira Yahova, Nyasaye wa Israeli, a vola, ku makuva getsinyumba tsyelidala yili, noku makuva getsinyumba tsyavami va Yuda, itsya sambulwa kuduka kulolomba lugaga lwevitumi nekivavi;

Jeremia 52:27

Na mwami wa Babuloni ya va kuya, nokuviitira ha Ribila mu kivala kya Hamathu. Ni ndiyo Yuda ya hilwa mbuhambe nokutwulidzwa mu kivala kikye.

Jeremia 6:5

Vuka, kwanegire inyi nga yobudiku, ku dividze tsinyumba tsitsyetsyobwami.

Hosea 2:3

gase nda mu navula a ve kyahonyo, na nda mu vika kuli mmadiku ga yivulwa, na nda mu kola kuli kyangalangwi, nokumuvika kuli kivala kyumu, nokumwiita nobuluhu.

Mika 3:12

Kunangwa Zioni li la limwa kigira mwinye, na Yerusalemi li la gwa vitumi, na kigulu kyenyumb ki la va kuli hadiguluku homulitu.

Zefania 2:15

Yili ni lidala lyobusangala li menyanga bugira kuganagana, lya vola mu mwoyo gwalyo, Inze mbeye ho, si ha veye nowundi navutswa inze: ga veye ndi gwiye hatswa, kandi hetsinyama tsyombulimu tsi menya sa mulala u vita ahimbi kulyo a la kunuka nokusung'usa mukono gwigwe.

Zefania 2:7

Na luginga lu la va lwavatigala venyumba ya Yuda; va laya magondi gavo ha zana; inyinga ya mgolova va la gona mu tsinyumba tsya Ashikelon; kigira Yahova Nyasaye wavo a ladza kuvo, nokugalukidza lyadikidza lyavo.

Luka 21:20

Navutswa lwa mu li lola Yerusalemi ni li kumbiridzwa namahe, mu manye lyoneka lyalyo li veye himbi.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.