Isaya 31:5 - KITABU KITAKATIFU

⁵ Kuli manyonyi ga bulukanga, ni ndiyo Yahova wa mahe a la linda Yerusalemi; a la li linda nokuliho nnya, a la vita kulyo nokulisola.

Isaya 31:5 ပူးပေါင်းရင်းမြစ်များ

Litanga 1:2

Na lirova lya gwa bugira bulolero na bugira kindu mulyo; na kisundi kya kunika ku lirova na Roho wa Nyasaye ya gonera ku amadzi.

2 Avami 19:34

Kigira inze nda sola lidala yili li duke kubona, kigira inze, kandi kigira mutumekiri wange Daudi.

2 Kyetsinyinga 32:22

Na ndiyo Yahova ya honnya Hezekia navamenyi Yeru salemi mmukono gwa Senakeribu mwami wa Asuria, na mmakono gavandu vosi, na ya vimirira ku tsimbega tsyosi.

Zaburi 37:40

Yahova a va konya, na a va sola: A va sola ku avadamano, na a va honnya, Kigira vivisi muye.

Zaburi 46:5

Nyasaye a veye hagati halyo; si li la dengeya mba: Nyasaye a la li konya, a la li konya ligali mabwebwe.

Zaburi 46:6

Tsihiri tsya vihirirwa, ubwami bwa dengeya: Ya vola nomwoyo gwigwe, lirova lya saluluka.

Zaburi 91:4

A la ku kunike namabaha gege, Kandi u la honera mu tsimbaha tsitsye: Ageligali gege ga veye ingavo na ikuti.

Kutwula 12:27

Hene yaho mu la vola, I veye isadaka yelipasaka lya Yahova, wa vita ku tsinyumba tsya avana va Israeli mu Egepeti, lwa ya kuya Avaegepeti, nokuhonya tsinyumba tsyetu. Na avandu vinaminya mutwe nokusigamira.

Kutwula 19:4

Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene.

Isaya 10:14

mukono gwa nge gu nyoye ubutugi bwetsihiri; kuli mundu a vungidzanga amabuyu ga lekwa, ni ndiyo nda vungidza lirova lyosi: si ha li nomulala wa hungudza tsimbaha, kinga wa kunula munwa, kinga wa lira.

Isaya 26:1

Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 27:3

Inze Yahova mbeye mulindi wagwo; nda gu sama amadzi tsinyinga tsyosi: gase mundu a la gwononnya, nda gu linda budiku nombasu.

Isaya 35:4

Mu volere ava veye nomwoyo gwobutii, Mu ve avagulu, mu ta tia mba: henza, Nyasaye wenyu a ladza nekisalya, halala ne litunga lya Nyasaye; a ladza kumuhonya.

Isaya 37:35

Kigira inze nda sola lidala yili kulihonnya, kigira inze mwene, na kigira Daudi, mutumekiri wange.

Isaya 38:6

Na nda ku honnya nelidala yili ku mukono gwomwami wa Asuria; nda sola lidala yili.

Zekaria 9:14

Na Yahova a la loleka kuva igulu kuvo: na mbano gwigwe gu la tsia kuli luheni; na Mwami Yahova a la kupa kisiliva, na a la tsia halala nekihudzu dzi kya kusini.

Zekaria 9:8

Na nda singeridza mahema gange kukumbiridza inyumba yange, kigira lihe, ha ta va novita kinga wirana kandi mudambidzi ku vosi si a la vita hagati havo mba: kigira inze kalunu ndolanga netsimoni tsyange.

Kwidzulitsa 32:11

Kuli indidzu i sambulanga inyumba yayo, Ne yedungerera igulu ku avanavayo, Ni inyira tsimbaha tsyayo, nokuvavugula, Ya va ginga ku tsimbaha tsyayo.