Isaya 31:4 - KITABU KITAKATIFU

⁴ Kigira Yahova a mbolera likuva yili, Kuli king'ang'a neking'ang'a kisoleli vi fwumanga ku lihima lyavyo, ni va langwa avayi vanyingi kutsia kukikuya, si ki la tia myoyo gyavo, kandi si ki legehidza ku luku lwavo: ga la va ndiyo Yahova wa mahe a la sulunguta ku kigulu kya Zioni kulwana, nomu kagulu kakyo.

Isaya 31:4 ပူးပေါင်းရင်းမြစ်များ

2 Kyetsinyinga 20:15

na a va volera, Mu hulire, mwinye Vayuda vosi, na ava menya Yerusalemi, na ive mwami Jehoshafatu: Yahova a mu volera yaga, Mu ta tia mba, kandi mu ta kudza mwoyo kigira kiduma kinene yiki; kigira ubulwani si bu veye bwenyu, navutswa bu veye bwa Nyasaye.

Kutwula 14:14

Yahova a la mu lwanira, na mwinye mu la kiring'ana.

Kutwula 14:25

Na ya twulidza tsingida tsyamagari gavo, ni ga gendidzwa nobudinyu; kuduka Avaegepeti va vola, Kwiruke kutwula imbiri wa Israeli; kigira Yanova a va lwanira ku Avaegepeti.

Isaya 10:16

Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Isaya 30:32

Na liduya lyosi lyempimbo ya lagwa, lya Yahova a la vika kuye, li la va halala nomwoyo gwobukana na gwelidienyi; na a la lwana navo nobulwani bwokusung'usa mukono gwigwe.

Isaya 42:13

Yahova a la twula kuli mundu wanyala: a la vukidza ubugulu kuli mundu wobulwani: a la hanzuka, yee, a la kupa lwanga; a la kola vindu vyetsingulu ku vasigu veve.

Jeremia 50:44

Henza, a lanegira kuli king'ang'a kutwula ku luya lwa. Yordani ku bumenyo bwetsingulu: navutswa nda va kola viruke nonoho; na uyu u tovolwa nda mu vika kulyo: kigira ni bwaha u fwanana ninze? Kandi ni bwaha u ntovolera inyinga? Ni mwayi ki u nyala kusingira imbiri wange?

Hosea 11:10

Va la londa Yahova, a la fwuma kuli king'ang'a, kigira a la fwuma, navana va ladza kutwula imadioli ni va degera.

Amosi 3:8

King'ang'a ki mali kufwuma; ni bwaha u ta tia? Mwami Nyasaye a voye, ni bwaha u nyala kuvula ku profeta?

Zekaria 12:8

Mu lidiku yilyo Yahova a la sola ava menyi Yerusalemi; na ku lidiku yilyo u veye mudedekere hagati havo a la va kuli Daudi; na inyumba ya Daudi i la va kuli Nyasaye, kull ingelosi wa Yahova imbiri wavo.

Zekaria 14:3

Hene yaho Yahova a la twula, nokulwana netsihiri zana kuli lwa ya lwana mu lidiku lyobulwani.

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Zekaria 9:15

Yahova wa mahe a la va sola; na va la lia nokuduvaga magina ga laswa nolu kova; na va la nwa, nokukupa liyoga kuli lyewaini; na va lizula kuli tsi ndavo, kali mu tsikona tsyobwali.

Zekaria 9:8

Na nda singeridza mahema gange kukumbiridza inyumba yange, kigira lihe, ha ta va novita kinga wirana kandi mudambidzi ku vosi si a la vita hagati havo mba: kigira inze kalunu ndolanga netsimoni tsyange.

Likunula 10:3

kandi ya hanzuka nomwoyo munene, kuli king'ang'a ki fwumanga: lwa ya hanzuka tsinkupa tsitano na tsiviri tsya vola myoyo gyatsyo.

Likunula 5:5

Nomundu mulala ku vakulundu yavo ya mbolera, U ta lira mba; henza uyu King'ang'a u veye wehiri ya Yuda, Kitinya kya Daudi, u guuti a duke kukunula kitabu nokuboholola mihuri gyakyo gyitano na gyiviri.