Isaya 31:2 - KITABU KITAKATIFU

² Navutswa uyu kandi a veye nobugeeri, na a la leta ubudamano, na a la vula kwirannya makuva gege, navutswa a la singira kuhing'ana nenyumba ya yavo ava kolanga buda mano, nokuhing'ana nelikonywa lyayavo ava kolanga budamano.

Isaya 31:2 ပူးပေါင်းရင်းမြစ်များ

Ayubu 12:13

Ubugeeri nobunyali vi veye halala na Nyasaye; A veye namakuva nelimanya.

Ayubu 12:16

Tsingulu nobugeeri vi veye halala naye; Uyu u gadangwa na mugadi vombi na veve.

Ayubu 5:13

Uyu a gumiranga avageeri mu bugeeri bwavo; Na livola lyavakyamu li divanga bwangu.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 14:20

Ive si u la hambana navo mu litebwa mba, kigira wononnya kivala kikyo, wiiti avandu vovo; kisukululwi kya yavo ava kolanga ubudamano ki la vula kutalwa mihiga nemihiga.

Isaya 21:17

na va li tigala mu livalidzwa lya yavo ava tumekira ubuta, avaluviriri vavana va Kedari, va la va vakekeke; kigira Yahova, Nyasaye wa Israeli, ya vola likuva yili.

Isaya 22:14

Yahova wa mahe yelolekidza mu amatu gange, Ligali ubudamano yibu si bu la samefwa kutwula ku mwinye mu luhe mu kudze, Yahova a vola, Yahova wa mahe.

Isaya 28:21

Kizira Yahova a la singira kuli mu kigulu kya Pera zim, a la va nobutima kuli mu livona lya Gibeon, a kole muyinzi gwigwe; muyinzi gwigwe mugeni; nokukola likola lilye, likola lilye ligeni.

Isaya 28:29

Yaga kandi ga twula ku Yahova wa mahe, a veye wa makuva wobugenyi, nowobulahi mu ubugeeri.

Isaya 30:3

Kigira yaga tsingulu tsya Farao tsi la va tsisoni tsyenyu, na lyevisa lyenyu mu kiriri kya Egepeti li la va kivihiri kyenyu.

Isaya 30:7

Kigira ubukonyi bwa Egepeti bu veye vutswa, si bu konya kindu: kigira yaga nda mu gulika Rahabu wikalanga vutswa.

Isaya 31:3

Avaegepeti va veye avandu, si va veye Nyasaye; netsiparasi tsyavo tsi veye tsinyama, si tsi veye roho: Yahova lwa a nyira mukono gwigwe, uyu u konyanga a likigitala, na uyu u konyangwa a la gwa, va la heridzwa vombi halala.

Isaya 32:6

Kigira musiru a la vola agobusiru, nomwoyo gwigwe gu la kola vidamano, nokutumekira kirage, nokuvola bukyamu ku Yahova, kukola mwoyo gwa uyu u veye nenzala kuva vutswa, nokukola kyokunwa kya uyu u veye nobuluhu kukama.

Isaya 45:7

Inze nomba ubulavu, nokukola kisundi; nda leta mirembe, na nda lomba bubi inze mbeye Yahova, wa kola vindu yivi vyosi.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 10:12

Uyu ya lomba kivala nobunyali bwibwe, ya dinyeridza lirova nobugeeri bwibwe, na ya vambula ligulu nelimanya lilye.

Jeremia 10:7

Ni bwaha u vula kutia ive, O Mwami wavetsihiri? Kigira ga ku dukira yaga: kigira mu vageeri vosi avetsihiri, nomu vindu vyavo vyosi vyobwami, si ha veye mulala u veye kuli ive.

Jeremia 36:32

Hene yaho Jeremia ya vugula lilinga lyekitabu kindi, na a ha mung'odi Baruku, mwana wa Neria, naye ya ga ng'oda mukyo, makuva gosi ga twula mmunwa gwa Jeremia, ga Jehoiakim mwami wa Yuda ya samba ku muliru; kandi ya meda makuva gandi manyingi ku lugano lwa yago.

Ezekieli 29:6

Na ava menyanga Egepeti vosi va la manya inze mbeye Yahova, kigira va li mudigiru gwekidundu ku inyumba ya Israeli.

Amosi 3:6

Kisiliva ki nyala kukupwa mu lidala, navandu va vula kutia? Ubudamano bu la duka ku lidala na Yahova na a ta bu leta?

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Zekaria 1:6

Navutswa makuva gange na malago gange, ga nda laga avaprofeti avatumekiri vange, si ga nyola avadada venyu yavo? Navo va girunkannya nokuvola, Kuli Yahova wa rnahe ya saavira kukukolera, kuli tsinzira tsyetu, kuli vikolwa vyetu, ni ndiyo ya ku kolera.

Livalidza 10:35

Na ga duka, lwa lisanduku lya samula, Musa ya vola, U vuke, O Yahova, avasigu vovo va salane; na viruke imbiri wowo ava ku dunyiranga.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Matayo 24:35

Ligulu nelirova li la vita, navutswa amakuva gange si ga li vita mba.

Varumi 16:27

Nyasaye u veye nobugeeri ye ng'ine, lidzominywa li ve kuye mihiga nemihiga kigira Yesu Kristo. Amini.

Joshua 23:15

Kandi ga la va, kuli vindu vilahi vyosi vya duka ku mwinye vya Yahova Nyasaye ya mu volera makuva gavyo, ni ndiyo kandi Yahova a la leta ku mwinye vindu vyosi vidamano, kuduka kumudividza mu twule mu kivala yiki kilahi kya Yahova Nyasaye ya mu ha.

Yudasi 1:25

ku uyu a veye Nyasaye yeng'ine Muhonnyi wetu, kigira Yesu Kristo Mwami wetu, vi ve kuye ubukumi nobunyali netsingulu nelinyala imbiri wetsinyinga tsyosi, kandi kalunu, kandi kuduka imihiga nemihiga. Amini.

1 Samweli 2:3

Mu ta vola kandi noluyai kuli ndiyo; Mu ta leka lyegingira kutwula mu minwa gyenyu; Kigira Yahova a veye Nyasaye welimanya, Kandi uyu a geranga makola.