Isaya 31:1 - KITABU KITAKATIFU

¹ Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 31:1 ပူးပေါင်းရင်းမြစ်များ

Litanga 47:17

Navo va leta mitugu gyavo ku Yosefa; na Yosefa ya va ha vyokilia ku tsiparasi tsyavo, noku magondi, noku tsing'ombe, noku tsisukiri: naye ya va ha vyokulia ku mitugu gyavo gyosi mu muhiga yigwo.

2 Kyetsinyinga 16:7

Na inyinga yeyo, muloli Hanani ya tsia ku Asa mwami wa Yuda, na ya mu volera, Kuli wesedama ku mwami wa Siria, na wa vula kwe sedama ku Yahova Nyasaye wo wo, kigira yaga lihe lyomwami wa Siria lya hona ku mukono gugwo.

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

Ayubu 39:11

U la gi suuvira kigira i veye natsingulu tsinyingi? Kinga u la gi lekera linyankana lilyo?

Zaburi 20:7

Avalala va suuvira magari, navalala va suuvira tsiparasi; Navutswa kwinye ku la tala lieta lya Yahova Nyasaye wetu.

Isaya 10:17

Na ubulavu bwa Israeli bu la va muliru na Mutakatifu a la va lumemo lwomuiiru; nalwo lu laaka nokusamba amafwa gege nolutavati lwilwe mu lidiku lilala.

Isaya 2:7

Kivala kyavo kandi kizuye ifetha netha habu, nobutugi bwavo bwakiba si bu veye nekigero; kivala kyavo kizuye tsiparasi, na magari gavo gobulwani si ga veye nekigero mba.

Isaya 20:5

Na va la va nobutii netsisoni, kigira Ethiopia kya li kisuuviri kyavo, na Egepeti kya li ubukumi bwavo.

Isaya 22:11

kandi mwa lombera amadzi gelidavalia lya kale, lidavalia hagati hetsingaga. Navutswa si mwa henza uyu wa kola yaga, kandi si mwa ganagana uyu wa vi lalira kale.

Isaya 30:16

navutswa mwa vola, Auwa, kigira kulirukira ku tsiparasi; kunangwa mu liruka ligali: kandi, Ku la nina ku tsinyama tsyetsimbiru; kunangwa yavo va mu londerera va la va avetsimbiru.

Isaya 36:6

Henza, wediranga ku kidundu ki kyaminwa, kigira wediranga ku Egepeti; ni kidundu kya mundu ni yedira kukyo, ki lingira mmukono gwigwe, nokumutumita: Farao, mwami wa Egepeti a veye ndiyo ku vosi ava suuviranga kuye.

Isaya 36:9

U nyala ndi kugirunkannya mmoni mwomunya mpara mulala mu yavo avakekeke mu vatugwa vomunene wange, nokusuuvira ku Egepeti kukuha magari gobulwani, navokunina ku tsiparasi?

Isaya 43:15

Inze mheye Yahova, Mutakatifu wenyu, Mu lombi wa Israeli, Mwami wenyu.

Isaya 5:12

Nobukana, nolu kugi, nekindu ku lugano lwesuguti, nelilere, newaini, vi veye mu lilia lyavo; navutswa si va ganagana likola lya Yahova, kandi si va ganagananga miyinzi gyamakono gege.

Isaya 57:9

Na wa tsia ku mwami na maguta, nokumeda vyomwayu vivyo, wa tuma avatumwa vovo va tsia ihale, na welegannya ive mwene kuduka mu Kihadisi.

Isaya 64:7

Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Isaya 9:13

Navutswa avandu va vula kugi runkana ku uyu wa va kuya, kandi va vula kwenya Yahova wa mahe.

Jeremia 17:5

Yahova a vola ndi: U laameywi uyu u suuviranga ku mundu, u kolanga mubiri kuva mukono gwigwe, nomwoyo gwigwe kuleka Yahova.

Jeremia 2:13

Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 37:7

Yahova, Nyasaye wa Israeli a vola: Mwinye mu la volera mwami wa Yuda, wa mu tuma kuduka ku inze kuteva makuva yaga: Henza, lihe lya Farao, li twulanga li duka ku konya mwinye li lirana Egepeti mu kivala kyavo avene.

Jeremia 42:14

ni mu vola, Auwa; navutswa ku la tsia mu kivala kya Egepeti, kivala kya ku la vula kulola yo ubulwani, kinga kuhulira mwoyo gwekisiliva, kinga kuva nenzala ku lidaka vyokulia mba; ku la menya yo:

Ezekieli 17:15

Navutswa yebaala kuye kigira ya hila avatumwa veve kutsia Egepeti, va duke kumuha tsiparasi, navandu vanyingi. A la gasidzwa? U yu u kolanga vindu kuli yivi a la hona? A lononnya lilagana, nokuhona?

Ezekieli 29:16

Na si bu la va kisuuviri kyenyumba ya Israeli kandi, kwidzulitss vyobudamano, lwa va henzera kuvo: va la manya inze mbeye Mwami Nyasaye.

Danyeli 9:13

Kuli ga ng'owa mu malago ga Musa, kivi yiki kyosi ki duki ku kwinye: navutswa si ku saala liverererwa lya Yahova Nyasaye wetu, kweganire kuleka ubudamano bwetu, nokuva nelimanya mu ageligali gogo.

Hosea 11:5

Si va lirana kandi mu kivala kya Egepeti, navutswa Muasuria a la va mwami wavo, kigira va sula kwirana ku inze.

Hosea 11:9

Si nda tumekira ubululu bwobutima bwange, si ndirana kudividza Efiraim: kigira mbeye Nyasaye, si mbeye mundu mba; Mutakatifu hagati hoho; na si ndingira mu butima.

Hosea 14:3

Asuria si ki la ku honnya mba; si ku la nina ku tsiparasi; kandi si ku la volera miyinzi gyamakono getu, Mwinye mu ueye vanyasaye vetu; kigira avabisandu va nyolanga tsimbabasi ku ive.

Hosea 7:7

Yavo vosi va nyoye muliru kuli mahiga, na va miri avakalagi vavo; avami vavo vosi va gwiye: si ha veye nomulala hagati havo waniranga inze.

Habakuk 1:12

Ive si u veye wemihiga nemihiga, O Yahova Nyasaye wange, Mutakatifu wange? Kwinye si ku la kudza mba. O Yahova, wa vika uyu kuva welikalagwa; na ive, O Lwanda, wa mu singeridza a duke kulungekidza.

Habakuk 3:3

Nyasaye yadza kutwula Teman, Mutakatifu yadza kutwula mu kigulu kya Parani. (Selaha Ubukumi bwibwe bwa kunika ligulu, Na lirova lizula lidzominywa lilye.

Zekaria 10:5

Na va la va kuli avobunyali, va duvaga vasigu vavo mbudohi bwoku mahasi mbulwani; va la lwana kigira Yahova a veye halala navo; navo ava nina ku tsiparasi va la genya.

Kwidzulitsa 17:16

Navutswa a ta kola tsiparasi tsitsye kuva tsinyingi, kinga a tirannya avandu Egepeti mba, a duke kukola tsiparasi tsitsye kuva tsinyingi; kigira Yahova ya mu volera, Kutwula kalunu mu tirana kandi ku inzira yiyi.

Kwidzulitsa 20:1

Lwa u twula kutsia mbulwani navasigu vovo, nokulola tsiparasi, namagari, navandu vanyingi kuvita ive, u ta va tia mba; kigira Yahova Nyasaye wowo a veye halala nive, wa kwanegeridza kutwula mkivala kya Egepeti.