Isaya 30:9 - KITABU KITAKATIFU

⁹ Kigira va veye avandu avobutingu, va veye avana va vehanga, va veye avana ava ta hulira amalago ga Yahova;

Isaya 30:9 ပူးပေါင်းရင်းမြစ်များ

2 Kyetsinyinga 33:10

Na Yahova ya volera Manase navandu veve; navutswa si va hulira.

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Zaburi 81:12

Kunangwa nda va leka kulonda mwoyo gwavo mudinyu, Va duke kugenda mu makuva gavo avene.

Tsing'ano 28:9

Uyu u girunkannya ugutu gwigwe a vula kuhulira lilaga, Kali lisala lilye li veye livihiriridza.

Isaya 1:10

Mu hulire likuva lya Yahova, mwinye avamehanga Sodoma; mu tegidze amatu, mu hulire malago ga Nyasaye wetu, mwinye avandu va Gomora.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 10:5

O ive Muasuria, u veye impimbo yobutima bwange, mundu wekivihiri kyange ki veye mukono gugwo

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Isaya 28:15

Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

Isaya 30:1

Ubudamano bu ve ku avana vobutingu, Yahova a vola, yavo avenyanga makuva, navutswa si venyanga agange; avekunika kikuniko, navutswa si ki veye kya Roho wange, va duke kumeda ubwoni ku bwoni;

Isaya 48:4

Kigira nda manya u veye mutingu, ne ligoti li veye lyekivya, nobweni bubwo bu veye mugasa;

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 63:8

Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

Isaya 65:2

Nda nyira mukono gwange mbasu bei ku ve baali, ava gendanga ku inzira i ta li indahi, kulonda tsiganagani tsyavo avene;

Jeremia 35:14

Makuva ga Jonadabu mwana wa Rekabu, aga ya laga avans veve, va vule kunwa iwaini, ga dukidzeywi; nokuduka lero si va nwedzanga mba, kigira va hulira lilaga lya guga wavo. Navutswa mboleye mwinye, ni mbuka mabwebwe nokuvola; na si mu mbuliye mba.

Jeremia 7:13

Kalunu, kigira mu koli miyinzi yigyi gyosi, Yahova a vola, na nda mu volera, ni mbuka mabwebwe nokuvola, navutswa si mwa hulira; na nda mu langa, navutswa si mwa bugirira mba:

Jeremia 7:28

Na u la va volera, Yiyi ni ihiri i vuli kuhulira mwoyo gwa Yahova Nyasaye wavo kandi si va bugirira kuhebwa megidzo: ageligali ga goti, na ga kalageywi kutwulidzwa ku munwa gwavo.

Jeremia 9:3

Va hingiranga tsinimi tsyavo, kuli ubuta, va duke kuvola bubehi; va gwiye avetsingulu mu kivala, navutswa si ga li ku geligali mba: kigira va tsitsagil'langa kutwula ku budamano kuduka ku budamano, si va manya inze, Yahova a vola.

Ezekieli 24:3

Na u kupe lugano ku inyumba yobwebaali, u va volera, Mwami Nya saye a vola ndi, Tengeka inyingu tengeka, tsuka amadzi muyo:

Hosea 4:2

Si ha veye nekindu ni li ta li lyesuha, nobubehi nokwiita, nokwiba, nobuheyi; va twulira namasahi ga dira masahi.

Zefania 3:2

Si ya hulira mwoyo yigu; si ya bugirira kwegidzwa; si ya suuvira ku Yahova; si yisunda himbi ku Nyasaye wewe.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Kwidzulitsa 32:20

Na a vola, Nda visa mumoni mwange kuvo Nda lola kiheri kyavo ki la va ndi: Kigira va veve likula lidamano Avana ava ta li nobusuuvirifu.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.