Isaya 30:8 - KITABU KITAKATIFU

⁸ Kalunu u tsie, u ng'ode likuva yili ku kihao imbiri wavo, u li ng'ode mu kitabu, li duke kuva lye tsinyinga tsidzanga kuduka mihiga nemihiga.

Isaya 30:8 ပူးပေါင်းရင်းမြစ်များ

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Isaya 34:16

Mwenye mu kitabu kya Yahova, mu some: si ha veye mu yivi vyosi kilala kuvula kuva ho si ha veye nekikali kali kilala ki ii daka kisatsa; kigira munwa gwange gu mali kulaga, na Roho wewe a vi vungidzi halala.

Isaya 8:1

Na Yahova ya mbolera, Vugula kibao kinene, na u ng'ode ku nekalamu yomundu, Kigira Maherisha lali hashi-bazu;

Jeremia 23:20

Ubutima bwa Yahova si bu lirana mba, a luhe a male likola, a luhe a twekidze lisaavira lyomwoyo gwigwe: mu madiku gekiheri mu la manya likuva yili bulahi.

Jeremia 30:2

Yahova, Nyasaye wa Israeli, a vola ndi, U ng'ode mu kitabu makuva gosi aga nku voleye.

Jeremia 36:2

Vugula lilinga lyekitabu, na u ng'ode mukyo makuva yaga gosi aga nda ku volera ku Israeli, noku Yuda, noku tsihiri tsyosi, kutwula ku lidiku lya nda ku volera, kutwula ku madiku ga Josia, kali kuduka lero.

Jeremia 36:4

Hene yaho Jeremia ya langa Baruku mwana wa Neria, na Baruku ya ng'oda makuva gosi ga Yahova, aga twula mmunwa gwa Jeremia, ga veye amakuva ga Yahova ya mu volera, va ga ng'odn mu lilinga lyekitabu.

Jeremia 48:47

Kandi ndirannya lyadikidzwa lya Moabu mu madiku gekiheri, Yahova a vola. Likalagirwa lya Moabu li duki hano.

Jeremia 51:60

Na Jeremia ya ng'oda mu kitabu ubudamano bwosi bu li duka ku Babuloni, makuva yaga gosi aga ng'odwa ku Babuloni.

Ezekieli 38:16

u lanegira uudze ku ava ndu vange Israeli kulwana navo, kuli lilesi kukunika kivala; ga la va mu madiku gekiheri nda leta ive uudze kulwana nekivala kyange, tsihiri tsi duke kumanya inze, lwa ntakaswa mu ive, O Goga, imbiri wetsimoni tsyavo.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Habakuk 2:2

Yahova ya ntivulira, na a vola, Ng'oda malola yaga, u ga kole ga ve habulavu ku vibao, a nyale kunyagula uyu u ga soma.

Livalidza 24:14

Na kalunu, henza, ntsitsa ku avandu vange: hamba, nku mannye aga avandu yava va la kolera avandu vovo ku madiku gekiheri.

Kwidzulitsa 31:19

Kunangwa kalunu mweng'odere ulwimbu yilu ive wegidze avana va Israeli: u va vikire mminwa gyavo, lwimbu yilu lu duke kuva umulolekidzi wange ku avana va Israeli.

Kwidzulitsa 31:22

Kunangwa Musa ya ng'oda ulwimbu yilu lidiku yilyo, ni yegidza avana va Israeli.

Kwidzulitsa 31:29

Kigira mmanya inyima welikudza lyange mu leyononya ligali, nokugirunkana ku inzira ya nda mu laga; mmadiku gekiheri ubudamano bu la mu nyola, kigira mu la kola budamano mumoni mwa Yahova, kumuvukidza ubutima kigira miyinzi gyamakono genyu.

Kwidzulitsa 4:30

Inyinga u veye mu kivi, nevindu yivi vyosi vi duka ku ive, mmadiku gekiheri u lirana ku Yahova Nyasaye wowo, nokuhulira mwoyo gwigwe:

1 Timoteo 4:1

Navutswa Roho a vola habulavu, mu tsinyinga tsyekiheri avalala va la girunkana nokuleka lisuuvira, nokuhuliridza roho gyi gadanga nemegidzo gamademone,

2 Petro 3:3

mu litanga kumanya likuva yili, mu madiku gekiheri avekihenyahenye va ladza nekihenyahenye ava gendanga kuli likayirwa lyavo avene,

Yudasi 1:18

va volera mwinye amakuva yaga, mu tsinyinga tsyekiheri va la va ho avekihenyahenye ava gendanga kuli likayirwa lyobwebaali bwavo avene.