Isaya 30:6 - KITABU KITAKATIFU

⁶ Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Isaya 30:6 ပူးပေါင်းရင်းမြစ်များ

Litanga 12:9

Kandi Abram ya samula, na a tsia luvega lwa Kusini.

1 Avami 10:2

Ya duka Yerusalemi noluvaso lunene, tsing'amia tsya ginga viseve vyevifunyanga mwayu, nethahabu inyingi ligali, na magina gobugali budinyu; na lwa ya duka ku Solomoni, ya volerana naye gosi ku aga ya li nago mu mwoyo gwigwe.

2 Kyetsinyinga 16:2

Na Asa ya twulidza ifetha nethahabu mu akiba yenyumba ya Yahova, nenyumba yomwami, na a hilira Benhadadi mwami wa Siria, wa li na a menyi Damasko, na a mu volera,

2 Kyetsinyinga 9:1

Kandi mwami wekivala kya Sheba lwa ya hulira luyaali lwa Solo moni, yadza ha Yerusalemi kugeridza Solomoni na mateva madinyu, ya li nekiduma kinene ligali, netsing'amia tsya ginga viseve vi funya mwayu nobunyingi bwethahabu, na magina gobuguli budinyu: lwa ya duka ku Solomoni, ya volerana naye gosi aga li mu mwoyo gwigwe.

Ayubu 39:11

U la gi suuvira kigira i veye natsingulu tsinyingi? Kinga u la gi lekera linyankana lilyo?

Kutwula 1:14

na va kola liva lyavo bululu ku butugwa butinyu, ku miyinzi gyobudohi na gyamatafali, na gyemilimi ku tsing'ano tsyosi, ubutugwa bwavo bwosi, yibwo bwa va va tugwa mu nobutugwa budinyu ligali.

Isaya 14:29

U ta sangala, ive Filisitia, ive wosi, kigira impimbo ya ku kuya i vuniki; kigira mu kitinya kyenzoka, kihirigoma ki la twula mu, nolwivulo lwakyo lu la va inzoka yokubuluka yomuliru.

Isaya 15:7

Kigira yaga ubunyingi bwa venyolera, na vyosi vya va vika, va la ginga va tsia navyo kuduka ku mugera gwemisala gyi hunamirira.

Isaya 19:4

Na nda vika Avaegepeti mmukono gwomwami mululu; nomwami welitihidza a lameha kuvo, Yahova ya vola, Yahova wa mahe.

Isaya 35:9

King'ang'a ki la vula kuva ho, na tsinyama tsindulu tsi la vula kwanegira kuyo, tsi la vula kuloleka yo; navutswa avahonnywa va la genda yo:

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Isaya 57:9

Na wa tsia ku mwami na maguta, nokumeda vyomwayu vivyo, wa tuma avatumwa vovo va tsia ihale, na welegannya ive mwene kuduka mu Kihadisi.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Ezekieli 20:46

Ive mwana wo mundu, henzidza mmoni mumwo ku luvega lwa kusini, na likuva lilyo u li tsome ku luvega lwa kusini, na u profete ku mulitu gwomulimi gwa Kusini;

Hosea 12:1

Efiraim yelihidzanga imbuudza, nokulonda imbuudza yevugwe: naye kazozo a medanga makuva gobubehi na gobudivi; na a lombanga lilagana na Asuria, na maguta ga hilwa kuduka Egepeti.

Hosea 12:2

Yahova a veye nelihing'ana na Yuda, naye a la ha Yakobo amageli kuli tsinzira tsitsye; a la mu tunga kuli likola lilye.

Mika 6:14

U la lia, navutswa u la vula kwiguta, noluhongo lu la va muunda mumwo: na u la vikwa haluvega na si u la hona; na kya u ginga nda ki haana ki ve ku kivavi.

Zekaria 6:6

Na ligari li veye netsiparasi tsimwamu li tsia ku luvega lwekivala kya kasikasini; na lya li netsiparasi tsindavu li londerera inyima watsyo; na lyetsisembe lya tsia ku luvega lwekivala kya kusini.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Livalidza 21:8

Na Yahova ya volera Musa, Welombere inzoka yomuliru, u gi vike ku musala: na ga la va, sa mulala wa lumwa, lwa a gi lola, a la va mwoyo.

Matayo 12:42

Mwami weki kali wekusini a la singira mkyina halala nelikula yili, naye a la li kalagira: kigira ya twula kunyasi kwelirova kuhulira ubugeeri bwa Solomoni; navutswa henza, munene kuvita Solomoni a veye hano.

Kwidzulitsa 17:16

Navutswa a ta kola tsiparasi tsitsye kuva tsinyingi, kinga a tirannya avandu Egepeti mba, a duke kukola tsiparasi tsitsye kuva tsinyingi; kigira Yahova ya mu volera, Kutwula kalunu mu tirana kandi ku inzira yiyi.

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Kwidzulitsa 8:15

wa kwimiririra mu kyangalangwi kinene kyelitihidza, kya li netsinzoka tsyo muliru netsing'ee, kivala kyobuluhu ki ta li namadzi; wa ku twulidzira madzi mu lwanda ludinyu;