Isaya 30:32 - KITABU KITAKATIFU

³² Na liduya lyosi lyempimbo ya lagwa, lya Yahova a la vika kuye, li la va halala nomwoyo gwobukana na gwelidienyi; na a la lwana navo nobulwani bwokusung'usa mukono gwigwe.

Isaya 30:32 ပူးပေါင်းရင်းမြစ်များ

Litanga 31:27

Kigira ki wiruka makiriri nokungada; na wa vula kumbolera, nduke kusiivulana nive nobuyanzi netsinyimbu, nesigudi nobukana;

2 Kyetsinyinga 32:8

kuye ha veye nomukono gwekinyama; na vutswa ku kwinye ha veye na Yahova Nyasaye wetu, wokukonya kwinye, nokukulwanira ubulwani bwetu. Na vandu vesedema ku makuva ga Hezekia mwami wa Yuda.

Ayubu 16:12

Inze nda li mu bwelemeridzi, naye ya ndonyannya; Yee, ya ngumira ligoti, nokumbunanya: Kandi ya nsingeridza mbe kyokugera ku.

Isaya 10:24

Kunangwa kigira yaga Mwami Yahova wa mahe, a vola ndi, O avandu vange ava menyanga mu Zioni, mu ta tia Muasuria kali na a ku kuya nempimbo, na a ginga lusala wilwe ku ive, kuli miima gya Egepeti.

Isaya 10:26

Kandi Yahova wa mahe a la vukidza liduywa kuye, kuli ya kola mu liitwa lya Mi diani ha lwanda lwa Orebu: nempi mbo yeye i la va igulu ku inyanza, na a la gi gingira kuli miima gya Egepeti.

Isaya 11:15

Yahova a la dividza mukono gwe nyanza ya Egepeti; noku imbuudza yeye i sambanga a la sung'usira mu kono gwigwe ku Mugera, na a la gu kuya nokugwavukannya gu ve migera gyitano ne gyiviri, nokuvaha lya mbuka nevirenge vi ta nyola amadzi.

Isaya 19:16

Mu lidiku yilyo Avaegepeti va la fwanana navakali; na va la degera nokutia kigira lisung'usa lyomukono gwa Yahova wa mahe, gwa a sung'usanga kuvo.

Isaya 2:19

Navandu va lingira mu tsimbangaywa tsyetsinyanda, nomu malina gelirova, ku litihidza lya Yahova, noku bukumi bwobwami bwibwe, lwa a singira kudegeridza ligali lirova.

Isaya 24:1

Henza, Yahova a kola lirova kuva lyere, na a li kola kuva vutswa, nokulitung'aminya, na ya salannya avamenyi mulyo.

Isaya 24:8

Ubusangali bwevindu ku lugano lwesugudi bu heri, isango ya yavo ava sangalanga i heri, ubusangali bwobukana bu heri.

Isaya 30:29

Mu la va nolwimbu kuli inyinga yobudiku bwelilia litakatifu li va ho; nobusangali bwemyoyo kuli mundu mulala a gendanga nelilere kuduka ku kigulu kya Yahova, ku Lwanda lwa Israeli.

Isaya 31:4

Kigira Yahova a mbolera likuva yili, Kuli king'ang'a neking'ang'a kisoleli vi fwumanga ku lihima lyavyo, ni va langwa avayi vanyingi kutsia kukikuya, si ki la tia myoyo gyavo, kandi si ki legehidza ku luku lwavo: ga la va ndiyo Yahova wa mahe a la sulunguta ku kigulu kya Zioni kulwana, nomu kagulu kakyo.

Jeremia 31:4

Hali kaviri nda kwombaka, na ive u lombakwa ive mukana mugima wa Israeli kandi u la syafwa netsisugudi tsitsyo, na u la twulira mbukino bwa yavo ava kinanga.

Ezekieli 28:13

Ive wa li mu Edeni, mulimi gwa Nyasaye; ligina sa lilala lyobuguli budinyu lya li kyokwefuma kikyo, lyakanyu, nelyetopazi, nalimasi, neberulo, nasokamu, nejasipi, nesafiro, nezumuradi, nesaridoniki, nethahabu: miyinzi gyevikupangwa vivyo ku lugano lwesuguti, namalere gogo aga li mu ive; vya lombwa kwetegeka ku lidiku lyelilombwa lilyo.

Ezekieli 32:10

Yee, nda kola avandu va genyere ive, navami vavo va la tia ligali kigira ive, lwa nsung'usa kivavi kyange imbiri wavo; na va la degera tsinyinga tsyosi, mundu sa mulala kigira livamwoyo lilye, mu lidiku lyeligwa lilyo.

Vahebraina 12:26

womwoyo gwigwe gwa degeridza lirova inyinga yeyo: navutswa kalunu u suuviridzi, na a vola, Inyinga yindi kandi nda degeridza, si li li lirova lyeng'ine, navutswa ligulu kandi.

1 Samweli 10:5

Inyima wa yaga u la duka ku kigulu kya Nyasaye, ha lugaga lwa Vafilisiti lu veye: na ga la va, lwa u duka ku lidala, avaprofeti valala va la vugana nive va sulungutanga kutwula hadiguluku ava veye nelidienyi, nekindu kyolugano lwesuguti, nelilele, nobukana, imbiri wavo; navo va la profeta:

1 Samweli 18:6

Kandi lwa va gendanga, inyinga Daudi yirana kutwula kwiita Mufilisiti, avakali va twula mu madala gosi ga Israeli, na vimba nokukina, va duke kwaganira mwami Saulo, navo va li nevindu ku lugano lwa isuguti, ni va sangala, na va li nevindu vindi vyokwimba.