Isaya 30:26 - KITABU KITAKATIFU

²⁶ Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 30:26 ပူးပေါင်းရင်းမြစ်များ

Ayubu 5:18

Kigira uyu a saliridzanga, kandi a bohereranga; Yatanga ulugoma nomukono gwi gwe gu honnyanga.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 19:22

Na Yahova a la kuya Egepeti, kukuya nokuhonnya; navo va lirana ku Yahova, naye a la bugirira lisaala lyavo, nokuvahonnya.

Isaya 24:23

Ma mweli gu li va netsisoni, neliuva li la va netsisoni; kigira Yahova wa mahe a lameha mu kigulu kya Zioni, nomu Yerusalemi; kandi imbiri wa avakulundu veve ha la va nobukumi.

Isaya 30:13

kunangwa ubudamano yibu bu la va ku mwinye kuli ha huduki himbi kugwa, ha vimbi mu lidigi litambi, ahe lyadika lyaho li dukanga nonoho.

Isaya 30:14

Na a latanya ha zana kuli kiju kyomulongi kwatanyangwa, kwatannywa vijonjo bugira livererera; kuduka si ki la loleka mu vijonjo vyakvo uluju lulala lu duka kwanzala muliru, kinga kudaha madzi mu kidaho.

Isaya 33:24

Na uyu u menyanga yo si a la vola, mbeye mulwaye avandu va menyanga mu va la sarne fwa ubwoni bwavo.

Isaya 57:18

Ndoli tsinzira tsitsve, nda mu honnya: nda mwimirira kandi, nokumwirannyira vyokumuleminya noku yavo ava syomanga.

Isaya 58:8

Hene yaho ubulavu bubwo bu la kya kuli mugamba, na lihonywa lilyo li la sebuka bwangu: nobulungi bubwo bu limirira imbiri wowo; nobukumi bwa Yahova bu la ku londa.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Jeremia 30:17

Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Lisyoma lya Jeremia 2:13

Nku lolekidzira kindu ki, nda fwanannya na kindu ki ive, O mukana wa Yerusalemi? Nda leng'annya na kindu ki ive nduke kukuleminya mwoyo O mukana mugima wa Zioni? Kigira ubusasuguku bubwo bu veye bunene kuli inyanza; ni bwaha u nyala kukuhonnya?

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Hosea 6:2

Inyima welidiku lyakaviri a la ku simugukidza: ku lidiku lya kavaka a la ku vukidza ku singire, ku la va mwoyo imbiri wewe.

Amosi 9:11

Ku lidiku yilyo nda singeridza lihema lya Daudi lya gwa, nokuhana hasasuguka halyo; na nda lohidza lisalana lyalyo, na nda lyombaka kuli mmadiku gamatsyambiri;

Zekaria 12:8

Mu lidiku yilyo Yahova a la sola ava menyi Yerusalemi; na ku lidiku yilyo u veye mudedekere hagati havo a la va kuli Daudi; na inyumba ya Daudi i la va kuli Nyasaye, kull ingelosi wa Yahova imbiri wavo.

Zekaria 14:7

navutswa li ia va lidiku lilala lya manye kana ku Yahova; si gu veye mbasu kinga ubudiku: navutswa ga la va, inyinga yomgolova ubulavu bu la va ho.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.