Isaya 30:23 - KITABU KITAKATIFU

²³ Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Isaya 30:23 ပူးပေါင်းရင်းမြစ်များ

Litanga 41:18

na henza, tsing'ombe tsitano na tsiviri tsya senuka kutwula mu mugera, tsikomeru na tsindahi; natsyo tsyaya mu lilago:

Litanga 41:26

Tsing'ombe tsindahi tsitano na tsiviri tsi veye mihiga gyitano na gyiviri; kandi vyangala vilahi vitano na viviri vi veye mihiga gyitano na gyiviri: liloto ni lilala.

Litanga 41:47

Na mu mihiga gyitano na gyiviri gyenziguta lirova lyama vinyingi.

Zaburi 36:8

Va liguta ligali nobunetu bwenyumba yoyo; Na ive u la va nwehidza ku mugera gwobuyanzi bubwo.

Zaburi 67:7

Nyasaye a la ku gasidza; Na aveviheri vyelirova vosi va la mu tia.

Isaya 10:27

Na ga la duka ku lidiku yilyo musigo gwigwe gu la twula ku mavega gogo, nenira yeye i la twula kwigoti lilyo, nenira zana i lononywa nama guta.

Isaya 32:20

Mu veye nobugasu mwinye ava midzanga bugutsa ku luginga lwa madzi gosi, mwinye ava kilanga virenge vyetsing'ombe netsisukiri ha zana.

Isaya 4:2

Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 5:6

nda ki kola hatswa; ki la vula kusemberwa, kinga kulimwa; navutswa ki la mera amafwa nolutavati: kandi nda laga malesi ga vuli kukupidza imbula kukyo.

Isaya 58:11

na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.

Isaya 65:21

Va lombaka tsinyumba, nokumenya mutsyo; va la taga mizabibu na va la lia makuyu gagyo.

Jeremia 14:22

Mu vindu vya vutswa vyosi vya yavo avetsihiri ki veye ho ki nyala kuleta imbula? Naho ligulu li nyala kuleta lunyirira? Si a veye ive, O Yahova Nyasaye wetu? Kigira yaga kwinye ku la linda ive; kigira ive u lombi vindu ylvi vyosi.

Hosea 4:16

Kigira Israeli u koli bwibaali, kuli iroli yobwibaali: kalunu Yahova a la va lihidza kuli mwana weligondi mu ubwiyangu bunene.

Kyavalevi 25:19

Na kivala ki lama makuyu gakyo, na mu la lia nokwiguta, nokumenya mukyo nemirembe.

Kyavalevi 26:3

Ni mu genda mu miima gyange, nokugumira malago gange, nokugakola;

Kyavalevi 26:5

Kandi lihuula lyobuswage lyenyu li la hongerwa kuduka ku tsinyinga tsyokugesa mazabibu, na ligesa lya mazabibu li la hongerwa kuduka ku tsinyinga tsyelitaga; na mu la lia vyokulia vyenyu nokwiguuta, nokumenya mu kivala kyenyu nemirembe.

Zekaria 10:1

Mu saale imbula ku Yahova ku inyinga yembula yekyubwi, uyu Yahova u lombanga uluheni; naye a la va ha lunyirira lwembula, mundu sa mulala a la hebwa bunyasi mmulimi.

Malaki 3:10

Mu lete izaka yosi mu gi vike mu kidera, kyokulia ki ve mu inyumba yange, mu ngeridze mu inkuva yiyi, Yahova wa mahe a vola, inze ni mbula kumwigulira madirisha gomigulu, nokutsuka ku mwinye ubugasu, ha la vula kuva nobwiyangu kubunyola.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Kwidzulitsa 11:14

hene yaho nda ku ha imbula yekivala kyenyu ku inyinga yakyo, imbula yokutanga nembula yenyima, u duke kuvungidza ubuswage bubwo, newaini yoyo, namaguta gogo.

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.