Isaya 30:22 - KITABU KITAKATIFU

²² Na mu lononnya kyakunika ku vifwananyi vivyo vya vadzwa vyefetha, na kyafuma ku vifwananyi vivvo vya longwa vyethahabu: u la vi syuva kuli kindu kidamano; na u la vola, Twula hano.

Isaya 30:22 ပူးပေါင်းရင်းမြစ်များ

2 Kyetsinyinga 31:1

Na yaga gosi lwa ga mala kukolwa, Israeli vosi ava li ho va twula kutsia mu madala ga Yuda, ni vononnya minara, ni va tema misala gyimisambwa, ni va sambula hadigu luku nobwali mu Yuda hosi na Benja mini, na Efiraim kandi na Manase kuduka ni va vi dividza vyosi. Hene yaho avana va Israeli virana, vosi sa mulala va tsia ku miyandu gyigye, mu madala gavo.

Isaya 27:9

Kigira yagaubudamano bwa Yakobo bu logidzwa, yaga na makuyu gokutwulidza ubwoni bwibwe: lwa a kola magina gosi gobwali kuva kuli magina gechoka ga vunanywa, kuduka Misala gyemiluka nevifwananyi vyeliuva vyavo vi la vula kusingira kandi.

Isaya 31:7

Kigira mu lidiku yilyo mundu sa mulala a la ta vifwananyi vivye vyefetha, nevifwananyi vivye vyetha habu, vya makono genyu ga lomba vi duke kuva ubwoni ku mwinye.

Isaya 40:19

Ki fwananyi kya vadzwa, umusidza a ki salulanga, nomutuuli wethahabu ya ki kunika ithahabu, na a ki tuulira minyoro gyefetha.

Isaya 46:6

Ava twulidzanga ithahabu mmuya bugira kugera, nokugera ifetha ku tsiratili, va langanga mutuuli wethahabu, naye a tuula vindu zana nokuvikola munyasaye; va gwa hasi, yee va mu sigamira.

Lisyoma lya Jeremia 1:17

Zioni a nyiranga makono gege; si ha veye kali mulala u mu leminya mwoyo; Yahova u haane lilaga ku makuva ga Yakobo, ava mu kumbiridzanga va veye avadambidzi veve: Yerusalemi hagati havo u gwiye kuli kindu ki veye nobudamano.

Ezekieli 14:6

Kunangwa u volere inyumba ya Israeli, Mwami Nyasaye a vola ndi: Mwirane, mweganire nokuleka vifwananyi vyenyu; mu girunkannye mmoni mwenyu mu vule kuhenza ku kivihiri kyenyu.

Ezekieli 18:6

na ya vula kulia vyokulia ku vigulu, kinga kuginga tsimoni tsitsye kuhenza vifwananyi vyenyumba ya Israeli, kandi ya vula kwononnya mukali womutende, kandi ya vula kwesunda ku mukali ku inyinga yeye yokutsia mmweli,

Ezekieli 36:31

Hene yaho mu lidzulitsa tsinzira tsyenyu tsindamano, nevikolwa vyenyu vi ta li vilahi; na mu ledunyira avene mu tsimoni tsyenyu kigira budamano bwenyu kandi kigira kivihiri kyenyu.

Ezekieli 7:19

Va la ta ifetha yavo mu mahasi, na ithahabu yavo i la va kuli kindu kidamano; ifetha yavo nethahabu yavo si vi la nyala kuvahonnya mu lidiku lyobutima bwa Yahova: si va ligutidza myoyo gyavo, kandi si va ligutidza amala gavo; kigira ga veye lyekigitala lyobudamano bwavo.

Ezekieli 7:20

Ku makuva gobulahi bwelyesyaha lilye, ya li vika mu bukumi: navutswa yava va kola kubwo vifwananyi velivihiriridza lyavo nevindu vyavo vyokuvihiriridza: kigira yaga nda bu kola kuva kuli kindu kidamano kuvo.

Hosea 14:8

Efiraim a la vola, Inze mbeye naki kandi ku vifwananyi? Mmali kutivula, na nda mu henza: inze mbeye kuli mutaragwa muvisi; makuyu gogo ga nyolekanga ku inze.

Kyavalevi 13:52

Na a la samba ingubo zana ni tsi veye tsimbusi tsyobulungi kinga tsyobugika, mu ingubo yobwoya bwamagondi kinga yekatani, kinga ku kyosi kyelisero, yelilwala li veye mu: kigira bu veye ubugere bululu; ingubo yiyi i la sambwa nomuliru.

Zekaria 13:2

Na ga la duka mu lidiku yilyo, Yahova wa mahe a vola, nda twulidza ameta gevifwananyi mu kivala, nago ga la vula kwidzulitswa kandi; na nda twulidza avaprofeti na mwoyo mudamano vi twule mu kivala.

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Kwidzulitsa 7:25

Vifwananyi vya vadzwa vya vanyasaye vavo u la samba nomuliru: u ta kayirwa ifetha kinga ithahabu i veye kuvyo, kinga u ta vi vugula vi ve vivyo, gase vi la ku hamba; kigira vi veye livihiriridza ku Yahova Nyasaye wowo.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi: