Isaya 30:21 - KITABU KITAKATIFU

²¹ amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 30:21 ပူးပေါင်းရင်းမြစ်များ

2 Avami 22:2

Naye ya kola bulahi imbiri wa Yahova, ya genda mu inzira yosi ya Daudi guga wewe, si ya girunkana ku luvega lwomukono mulungi kinga mukono mmosi.

Zaburi 32:8

Nda ku ha ubugeeri nokukwegidza inzira ya u li vitira ku: Nda kwimirira nemoni yange.

Tsing'ano 4:27

U ta girunkana kutsia haluvega ku mukono mulungi kinga ku mukono mmosi: U twulidze kirenge kikyo ha budamano.

Isaya 29:24

Na yavo ava hyolanga mu myoyo gyavo va la nyola li manya, na yavo va monyanga va legidzwa megidzo.

Isaya 42:16

Nda leta avaboku ku inzira ya va ta manya; nda va hila ku tsinzira tsya va ta manya; nda kola kisundi kuva ubulavu imbiri wavo, na ha kyama nda lungekidza ho. Makuva yaga nda kola, si nda va leka mba.

Isaya 48:17

Yahova, Mutungiri wowo, Mutakatifu wa Israeli, a vola ndi: Inze mbeye Yahova Nyasaye wowo, u kwegidzanga kunyola vyambeti, ukwimiriranga mu inzira i ku dukiranga kugenda kuyo.

Isaya 58:11

na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.

Jeremia 6:16

Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

Kwidzulitsa 5:32

Kunangwa mu linde mu kole kuli wa Yahova Nyasaye wenyu ya mu laga: mu ta girunkana ku mukono mulungi kinga mmosi.

Joshua 1:7

U ve mugulu nomuluviriri ligali, u duke kulinda kukola kuli lilsga yili lyosi, lya Musa mutumekiri wange ya ku laga: u ta girunkana kulileka, u tsie ku luvega lwomukono mulungi kinga lwomukono mmosi mba, u duke kugasidzwa ha u tsitsanga hosi.

Joshua 23:6

Kunangwa mu ve avaluviriri kulinda nakukola gosi ga ng odwa mu kitabu kyelilaga lya Musa, mu vule kugirunkana ku li leka kutsia haluvega lwomukono mulungi kinga lwomukono mmosi;

1 Yohana 2:20

Navutswa mwinye mu veye nelivakwa li twula ku Mutakatifu, kandi mu manya gosi.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.

1 Samweli 12:23

Halala na yaga, ga ta va ku inze kukolera Yahova ubwoni ku lileka kusaalira mwinye: navutswa nda mwegidza mu inzira indahi nenungi.