Isaya 30:20 - KITABU KITAKATIFU

²⁰ Hene yaho Yahova a la ku ha ubukima bwekivi, na madzi gobusaliri, ku yaga gosi avegidzi vovo si va la viswa kandi ligali, navutswa tsimoni tsitsyo tsi la lola avegidzi vovo;

Isaya 30:20 ပူးပေါင်းရင်းမြစ်များ

1 Avami 22:27

mu vole, Mwami y a vola yaga, Mu vike ugundu yigu mu libofwa, mu mu lageridze ubukima bwobudinyu namadzi gobudinyu, kuduka lwa nzirana nemirembe.

2 Kyetsinyinga 18:26

mu vole, Mwami a vola, Mu vike mundu uyu mu libofwa, mu mu lageridze ubukima bwobudinyu, na madzi gobudinw, kuduka nzirane nemirembe.

Zaburi 102:9

Kigira ndagiye ligoke kuli ubukima, Nokutsukannya kyokunwa kyange nelilira

Zaburi 127:2

Livuka lyenyu lya mabwebwe ni lya vutswa, Na lilindagira lyokutsia kugona Na lilagira ubukima bwelididi kana; Kigira ni ndiyo a haananga avayanze veve mu tsindolo.

Zaburi 30:5

Kigira ubutima bwibwe bu veye bwedagika indala vutswa Tsimbabasi tsitsye tsi veye tsyamadiku gosi gelivamwoyo; Namusia lilira li la va ho ubudiku Navutswa mugamba ubusangali bulavaho.

Zaburi 74:9

Si ku lola lilolekidza lyetu: Kandi muprofeti si a tigala; Kandi si ha veye ku kwinye umanyi tsinyinga tsyanga.

Zaburi 80:5

U va lageridzi nobukima bwamaliga U va nwehidzi amaliga gekigero kinene.

Isaya 28:9

A legidza bwaha limanya? A la mannya bwaha megidzo? Ni yavo ava luguhira, nokutwulidzwa ku tsimbeere?

Isaya 33:16

uyu a la menya igulu; hokuhonera hehe ha la va tsimpinga tsyomulwanda; a la hebwa vyokulia vivye; amadzi gege si ga la vula kuva ho.

Isaya 51:14

Wadiki dzwa muhambe a la bohololwa bwangu: naye si a la kudza mba nokwika mbogo, na vyokulia vivye si vi la geha mba.

Matayo 9:38

Mu saale Mwami mwene ligesa, a hile avagesi mu ligesa lilye.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Vafeso 4:11

Naye ya ha avalala va ve avatumwa; navandi, avaprofeti; navandi, avilwadzi vevangeli; navandi, avayi navegidzi;

Kwidzulitsa 16:3

U ta lia mamera halala na lipasaka; madiku gatano na gaviri u lagire ubukima bu ta li na mamera; nabwo bu veye ubukima bwobusaliri; kigira wa twula Egepeti nelididikana, u duke kwidzulilsa lidiku yili lya wa twula Egepeti, madiku gosi ga u veye mwoyo.