Isaya 30:19 - KITABU KITAKATIFU

¹⁹ Kigira avandu va la menya mu Zioni ha Yerusalemi; si u la lira kandi mba; ligali a la ku vererera ku mwoyo gwelilira lilyo; lwa a li hulira, a la ku tivulira.

Isaya 30:19 ပူးပေါင်းရင်းမြစ်များ

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Isaya 10:24

Kunangwa kigira yaga Mwami Yahova wa mahe, a vola ndi, O avandu vange ava menyanga mu Zioni, mu ta tia Muasuria kali na a ku kuya nempimbo, na a ginga lusala wilwe ku ive, kuli miima gya Egepeti.

Isaya 25:8

Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.

Isaya 33:2

O Ya hova, u ku vera tsimbabasi; ku ku lindiriye: u ve mukono gwetu migamba gyosi, nobuhonnyi bwetu inyinga yekivi.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 41:17

Avadaka navadambi venyanga madzi, na fii ga veye ho, na tsinimi tsyavo tsyumanga kigira buluhu; Inze, Yahova, nda va tivulira, inze Nyasaye wa Israeli, si nda va leka mba.

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 58:9

Kunangwa u lanira, na Yahova a la bugirira; u la kupa lwanga, naye a la vola, Mbeye hano. Nu u va nu u twulidza hagati hoho inira, neligeragera kidete, nelivola lyobudamano;

Isaya 60:20

Liuva lilyo si li la yera kandi mba, kinga mweli gugwo si gu livisa kandi; kigira Yahova a la va bulavu bubwo ubu hongeranga mihiga nemihiga, na madiku gelisyoma lilyo ga la vita.

Isaya 65:18

Navutswa mu ve nobuyanzi mu sangale madiku gosi mu vya nombanga; kigira, henza, nombanga Yerusalemi li ve lisangala, navandu veve kuva ubuyanzi.

Isaya 65:19

Nda sangalira Yerusalemi, nda yanza mu avandu vange; mwoyo gwelisyoma si gu la hulirwa kandi mulyo mba, kinga mwoyo gwelilira.

Isaya 65:24

Na ga la duka kuva, ni va kikiri kunanga, nda bugirirana lwa va veye mu livola, nda hulira.

Isaya 65:9

Nda leta bugutsa kutwula ku Yakobo, na wemi yandu gyevigulu vyange kutwula ku Yuda; na mutovole wange a la nyola miyandu, na vatumekiri vange va la menya yo.

Jeremia 30:12

Kigira Yahova a vola, Lisalira lilyo si li nyala kuhonywa, ulugoma lulwo lu medi ligali.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Jeremia 31:16

Yahova a vola ndi: U gaye mwoyo gugwo gu vule kulira, netsimoni tsitsyo tsi vule kwidoola maliga; kigira miyinzi gyigyo gyi la tungwa amadanyi gagyo, Yahova a vola; va ladza kandi kutwula mu kivala kyavasigu.

Jeremia 31:6

Kigira li la va ho lidiku lilala, mu lidiku yilyo mulindi u veye mu tugulu twa Efiraim a la kupa lwanga, a la Dola, Mu vuke, ku tsie kwanegire Zioni ku Yahova Nyasaye wetu.

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Jeremia 33:3

Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

Jeremia 50:28

Mwoyo gwa yavo avirukanga nokuhona kutwula mu kivala kya Babuloni, kulandidza mu Zioni kisa lya kya Yahova Nyasaye wetu, kisalya kyelitempeli lilye.

Jeremia 51:10

Yahova a leti kyova ubulungi bwetu: hamba, ku landidze mu Zioni miyinzi gya Yahova Nyasaye wetu.

Ezekieli 20:40

Kigira mu kigulu kyange kitakatifu, mu kigulu kitambi kya Israeli Mwami Nyasaye a vola, avenyumba ya Israeli vosi, vosi va la tumekira inze ha zana mu kivala yikyo: na nda va bugirira ha zana, na ndenyera yo vindu vyenyu vya mu haananga nobuhya bwobwali bwenyu, halala nevindu vyenyu vitakatifu vyosi.

Ezekieli 36:37

Mwami Nyasaye a vola ndi: Kandi kigira inkuva yiyi inyumba ya Israeli i la teva inze, mba kolere: nda va meda navandu kuli kyayo kyamagondi.

Mika 4:9

Kalunu kigira ki u kupanga tsikwili? Si ha veye nomwami mu ive, muvoli wowo wa diva, u luhe u gimiywi nelilumwa kuli mukali wivulanga?

Luka 6:21

Mu veye nobugasu mwinye ava veye nenzala kalunu: kigira mu liguta. Mu veye nobugasu ava liranga kalunu; kigira mu la seka.

Varumi 11:26

ndiyo Israeli yosi i la honnywa: kuli wa ga ng'odwa, Muhonnyi a la twula Zioni A la twulidza ku Yakobo livula kutia Nyasaye:

Vafeso 3:20

Kalunu ku uyu u nyalanga kukukolera ligali kuvita ga ku nyala kusaava naga kuganagana, kuli tsingulu tsi yinziranga mu kwinye,

Likunula 5:4

Na inze nda lira ligali kigira mundu si ya loleka u duka kukunula kitabu yikyo kinga kukihenza.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.