Isaya 30:18 - KITABU KITAKATIFU

¹⁸ Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 30:18 ပူးပေါင်းရင်းမြစ်များ

Ayubu 35:14

Nasindi lwa ive u volanga, Si u mu henza, Likuva yilyo li veye imbiri wewe, na u lindiriranga uyu

Zaburi 2:12

Mu buse mwana, gase a la va nobutima, na mwinye mu divira ku inzira, Kigira ubutima bwibwe bu laaka bwangu. Va veye nobugasu vosi ava suuvira kuye.

Zaburi 27:14

U lindirire Yahova: U ve mugulu, na u leme mwoyo; Yee, u lindirire Yahova.

Zaburi 34:8

Mu tsatsame, mu lole Yahova a veye mulahi: A veye nobugasu wevisanga muye.

Zaburi 84:12

O Yahova wa mahe Mundu u suuviranga ive a veye nobugasu.

Zaburi 99:4

Ubunyali bwomwami bu yanza likalaga lilahi; Ive u singeridzanga ubulungi; U kolanga likalaga lilahi kandi ubulungi mu Yakobo.

Kutwula 34:6

Na Yahova ya vita imbiri wewe, ni yilwadza, Yahova, Yahova, Nyasaye wetsimbabasi nowobugasu, umuhoma, wa galaha ku butima, nomuhinda wobuyanzi na ageligali;

Tsing'ano 16:20

Uyu u huliranga likuva a la nyola ubulahi Na ku vosi u suuvira Yahova, a veye nobusangali.

Isaya 18:4

Kigira Yahova ya mbolera likuva yili, Nda kiring'ana, na nda lola mu hokumenya hange, kuli masalira mu mbasu, kuli lilesi lyelime inyinga yeligesa.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:17

Noluyai lwomundu lu linaminywa, nekirage kyavandu ki likidzwa hasi; na Yahova yeng'ine mu lidiku yilyo a la kumi nywa.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 28:17

Nda singeridza likalaga kuva ligera, nobulungi bu la singelidzua kuva iplum; na imbula vamagina i la hila kyokwivisa mu kyobubehi, namadzi ga lizulitsa kuvita hokwivisa.

Isaya 33:2

O Ya hova, u ku vera tsimbabasi; ku ku lindiriye: u ve mukono gwetu migamba gyosi, nobuhonnyi bwetu inyinga yekivi.

Isaya 33:5

Yahova a kuminywa; kigira a menyanga igulu: wizulitsa Zioni nelikalaga nobulungi.

Isaya 40:31

Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Isaya 42:14

Inyinga intambi nkiring'ani; nzehodzeridzi, nokwegaya: kalutlu nda hanzuka kuli mukali u lumangwa nda nagira myika nokuherana halala.

Isaya 42:16

Nda leta avaboku ku inzira ya va ta manya; nda va hila ku tsinzira tsya va ta manya; nda kola kisundi kuva ubulavu imbiri wavo, na ha kyama nda lungekidza ho. Makuva yaga nda kola, si nda va leka mba.

Isaya 48:9

Nda lindageridza ubutima bwange kigira inze mwene, kandi ndegalira ku ive kigira lidzominywa lyange, mbule kukudividza.

Isaya 5:16

navutswa Yahova wa mahe u nenehidzeywi mu likalaga, na Nyasaye Uyu Mutakatifu u takaseywi mu bulungi.

Isaya 55:8

Kigira tsiganagani tsyange si tsi veye tsiganagani tsyenyu, na tsinzira tsyenyu si tsi veye tsinzira tsyange mba, Yahova a vola.

Isaya 57:16

Kigira si nda hangala madiku gosi, kinga kuva nobutima madiku gosi; kigira nkano roho gwa ka kudza imbiri wange, na myoyo gya nombi.

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Isaya 64:4

Kigira kutwula kale ava ndu va vula kuhulira, kandi si va manya na amatu, kandi imoni si ya lola Nyasaye wundi, lugano ku ive, u kolera uyu u mu lindiranga miyinzi.

Isaya 8:17

Na nda lindirira Yahova, uyu u visanga mmoni mwi mwe ku inyumba ya Yakobo, na nda mhenzererera.

Jeremia 17:7

A veye nobugasu mundu uyu u suuviranga ku Yahova, wa Yahova a veye kisuuviri kikye.

Jeremia 42:7

Na ga duka inyima wa madiku likumi, likuva lya Yahova lya duka ku Jeremia.

Danyeli 12:12

A veye nobugasu uyu u lindanga, nokuduka ku lidiku lya elfu na tsimia tsivaka namakumi gavaka, netsisuvi tsitano.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Hosea 2:14

Kunangwa, henza, nda mu kwe sa neligoonya, nokumuhila mwigenda nyama, na nda mu volera makuva gokumuleminya mwoyo.

Hosea 5:15

Nda tsia kwirana hango hange, kuduka lwa veyama mahyolo gavo, nokwenya mmoni mwange: mu kivi kyavo va la nyenya ligali.

Malaki 2:17

Mu mali kuluhidza Yahova na makuva genyu. Navutswa mu volanga, Ku mu luhidza ku makuva ki? Ga veye ku livola lya mu volanga, Sa mulala u kolanga ubudamano a veye mulahi mu tsimoni tsya Yahova, naye a sangaliranga avandu yava; kinga Nyasaye welikalaga a veye haliha?

Luka 15:20

Ya twula na a tsia ku ise. Navutswa lwa ya li na a kikiri hale, ise ya mu lola na a mu vererera, na a nyagula na a mu kumberera mu ligoti, na a mu busabusa.

Luka 2:25

Henza, ya li ho mu Yerusalemi mundu, wa langwa lieta lilye Simeoni; mundu uyu ya li mulungi wa tia Nyasaye, wa linda lihodzeridzwa lya Israeli: kandi Roho Mutakatifu ya li kuye.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Varumi 5:20

Kandi lilaga lya duka, lihyola li duke kukira; navutswa hobwoni bwa kira, tsimbabasi tsya kira ligali;

Varumi 9:22

Ki la va ki, ni i va Nyasaye yikudzira nobwikudziri bunyingi ku viju vyobutima vya tegekirwa ubwoneku, kigira yenya kulang'aminya ubutima bwibwe, nokumannya tsingulu tsitsye:

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

Vafeso 1:8

tsya ya kola tsinyingi kukira ku kwinye mu bugeeri bwosi nelimanya.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Yakobo 5:11

Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.

2 Petro 3:15

Kandi mu vole lyekudzira lyo Mwami wetu li veye ubuhonnyi, kuli amitu wetu Paulo muyanze ya mu ng'odera kandi, kuli ubugeeri bwa ya hebwa;

2 Petro 3:9

Mwami si ya lindagira mu lisuuviridza lilye, kuli avandi va vola lilindagira; navutswa yikudzira ku mwinye, kigira si yenya mundu mulala a dive, navutswa yenya vosi va duke ku lyeganira.

1 Samweli 2:3

Mu ta vola kandi noluyai kuli ndiyo; Mu ta leka lyegingira kutwula mu minwa gyenyu; Kigira Yahova a veye Nyasaye welimanya, Kandi uyu a geranga makola.