Isaya 30:16 - KITABU KITAKATIFU

¹⁶ navutswa mwa vola, Auwa, kigira kulirukira ku tsiparasi; kunangwa mu liruka ligali: kandi, Ku la nina ku tsinyama tsyetsimbiru; kunangwa yavo va mu londerera va la va avetsimbiru.

Isaya 30:16 ပူးပေါင်းရင်းမြစ်များ

2 Avami 25:5

Navutswa lihe lya Vakalidei lya londerera mwami, na va mu nyolera mu kivala kye kereremu kya Yeriko; navasikari veve va li ni va mali kusalana noku muleka.

Ayubu 39:11

U la gi suuvira kigira i veye natsingulu tsinyingi? Kinga u la gi lekera linyankana lilyo?

Zaburi 147:10

Si a yanzidzwa netsingulu tsyeparasi: Si a sangala ne virenge vyomundu.

Zaburi 33:17

Iparasi i veye kindu kya vutswa ku bukonyi; Kandi si i honnya mulala netsingulu tsyayo tsinene.

Isaya 2:7

Kivala kyavo kandi kizuye ifetha netha habu, nobutugi bwavo bwakiba si bu veye nekigero; kivala kyavo kizuye tsiparasi, na magari gavo gobulwani si ga veye nekigero mba.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 31:3

Avaegepeti va veye avandu, si va veye Nyasaye; netsiparasi tsyavo tsi veye tsinyama, si tsi veye roho: Yahova lwa a nyira mukono gwigwe, uyu u konyanga a likigitala, na uyu u konyangwa a la gwa, va la heridzwa vombi halala.

Jeremia 39:4

Na ga duka, Zedekia mwami wa Yuda na avelihe vosi lwa va va lola, hene yaho viruka, na va twula mu lidala ubudiku, ku inzira yommulimi gwomwami, mu kiribwa kya hagati kyamadigi gaviri; naye ya tsia kyova ku inzira ye kereremu.

Jeremia 4:13

Henza a lanegira kuli amalesi, namagari gege gobulwani ga la va kuli kihudzudzi: tsiparasi tsitsye tsi veye netsimbiru kuvita tsindidzu. Bayaye ku kwinye kigira ku lanyeywi.

Jeremia 46:6

Avetsimbiru va vule kunya gula, kinga muliviriri a hone; ku luvega lwa kasikasini himbi nomugera gwa Farati vikigitaye nokugwa.

Jeremia 52:7

Hene yaho lidala lya hudulwa mu lidigi, avasatsa vosi avelihe viruka, na va twula mu lidala inyinga yobudiku ku inzira yekiribwa hagati ha madigi gaviri, kya li himbi nomulimi gwomwami (Avakalidei va li ni va mali kwigalira lidala tsimbega tsyosi); na va tsira ku inzira ye Kereremu.

Lisyoma lya Jeremia 4:19

Ava londereranga kwinye va li netsimbiru kuvita tsindidzu tsyomigulu: Va ku kunga ku vigulu, na va ku goneka mwigendanyama.

Amosi 9:1

Nda lola Yahova na a singiye himbi nobwali: na a vola, U kuye mitwe gyevigutu, maliva ga duke kudegera; na u ga vunannye vidonyi ku mitwe gyavo sa mulala; na ndiita muhereridzi nekivavi: kali mulala kuvo si a nyala kwiruka, kandi si ha ve kali malala kuvo u nyala kuhona.

Mika 1:13

Boha ligari ku tsiparasi tsyetsimbiru, O u menyanga ha Lakishi: uyu wa li litanga lyobwoni ku mukana mugima wa Zioni; kigira mahyolo ga Israeli ga loleka mu ive.

Habakuk 1:8

Tsiparasi tsyavo tsi veye netsimbiru kuvita engo, na tsindulu kuvita kisalang'ongo kyamgolova; avasikari vetsiparasi velandidzanga: yee, avasikari vavo vetsiparasi va twula ihale liga'i; va bulukanga kuli indidzu i gendanga tsimbiru kulia.

Kwidzulitsa 28:25

Yahova a la ku kola u duywe imbiri wavasigu vovo; u la va twulira ku inzira indala, u liruka imbiri wavo ku tsinzira tsitano na tsiviri: na u la sikiswa yiyi ne yiyi mu ubwami bwosi bwo mu lirova.

Kwidzulitsa 28:49

Yahova a la leta ku ive ihiri i twula ihale, ku nyasi kwelirova, bwangu kuli libuluka lyendidzu ihiri ya u ta manya lulimi lwayo,