Isaya 30:15 - KITABU KITAKATIFU

¹⁵ Kigira Yahova Nyasaye, Uyu Mutakatifu wa Israeli a vola ndi, Mu lirana nomu lyelemeridza mu la honywa; tsingulu tsyenyu tsi la va mu lisosa nomu lisuuvira. Na mwinye si mwa bugirira:

Isaya 30:15 ပူးပေါင်းရင်းမြစ်များ

1 Kyetsinyinga 5:20

Na va konnywa kulwana navo, na Vahagari va vikwa mmakono gavo, halala navosi ava li halala navo; kigira vanira Nyasaye ni va veye mbulwani, naye ya bugirira lisaala lyavo; kigira va vika lisuuvira lyavo muye.

2 Kyetsinyinga 16:8

Vaethiopia na Valubi, si va li lihe linene, halala namagari, navokunina ku tsiparasi vanyingi ligali? Navutswa kigira lisedema lilyo ku Yahova, ya va vika mmukono gugwo.

2 Kyetsinyinga 32:8

kuye ha veye nomukono gwekinyama; na vutswa ku kwinye ha veye na Yahova Nyasaye wetu, wokukonya kwinye, nokukulwanira ubulwani bwetu. Na vandu vesedema ku makuva ga Hezekia mwami wa Yuda.

Zaburi 116:7

Mwoyo gwange, wirane mu bwelemeridzi bubwo; Kigira Yahova a ku koleye vyobuhaani.

Kutwula 14:14

Yahova a la mu lwanira, na mwinye mu la kiring'ana.

Isaya 28:12

ava ya volera, Yibu nobwelemeridzi, mu he uyu u luhi lisosa; na yili ni lisosa: navutswa si va hulira.

Isaya 30:11

mu twule ku inzira, mu girunkane mu twule ku katsira, mu heridze Uyu Mutakatifu wa Israeli, a vule kuva imbiri wetu.

Isaya 30:7

Kigira ubukonyi bwa Egepeti bu veye vutswa, si bu konya kindu: kigira yaga nda mu gulika Rahabu wikalanga vutswa.

Isaya 32:17

Na miyinzi gyobulungi Yi la va mirembe; nelikola lyobulungi li la va bwehodzeridzi nelisuuvira mihiga nemihiga.

Isaya 32:18

Navandu vange va la menya mu bumenyo bwemirembe, na homugidzi gwaliga, nomu lyelemeridza ha ta li nekivihiri

Isaya 40:31

Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Isaya 42:24

Ni bwaha wa haana Yakobo a ve kilanye, ni bwaha wa vika Israeli ku vanuuli? Si a li Yahova u a kola? Wa kwinye ku mu koleye ubwoni, na va vula kubugirira ku genda mu tsinzira tsitsye, kandi si va hulira amalago gege.

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Isaya 7:4

u mu volere, Welinde, wehodzeridze; u ta tia mba, kandi u ta kudza mwoyo, kigira mikira gyiviri yigyi gyetsisese tsi vuyanga mwoki, na kigira ubutima ubululu bwa Rezin na Siria, nomwana wa Remalia.

Jeremia 23:36

Na musigo gwa Yahova si mu la gu volera kandi: kigira sa mulala likuva lilye mwene li la va musigo gwigwe; kigira mu mali kukyaminya amakuva ga Nyasaye u veye mwoyo, amakuva ga Yahova wa mahe, Nyasaye wetu.

Matayo 22:3

Ya tuma avatu gwa veve va va lange ava li va lagwa kuudza mu kiserero: si venya kuudza.

Matayo 23:37

O Yerusalemi, Yerusalemi, lidala liita avaprofeti, nokulasa magina avatumwa kulyo Kuduka tsinyinga hali kanga ni nyenya kuvungidza avana vovo kuli inyavuli i vungidza viminyo vyayo mu mwetsimbaha tsyayo, navutswa mwambakana

Luka 13:34

O Yerusalemi, Yerusalemi, ive wiitanga avaprofeti nokulasa magina ava tumwa ku ive tsinyinga tsyanga ndenya kuvungidza avana venyu kuli inyavuli i vungidza viminyo vyayo mu tsimbaha tsya yo, navutswa mwinye si mwenya

Yohana 5:40

kandi mwinye si mu yanza kuudza ku inze mu nyole livamwoyo.

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu: