Isaya 30:12 - KITABU KITAKATIFU

¹² Kunangwa kigira yaga Uyu Mutakatifu wa Israeli a vola, Kigira mu lega likuva yili, nokusuuvira lidambidza nobukyamu, nokwidira ku yivi;

Isaya 30:12 ပူးပေါင်းရင်းမြစ်များ

Zaburi 52:7

Henza, uyu a veye mundu wa vula kukola Nyasaye lugaga lwilwe, Navutswa ya suuvira ubunyingi bwobutugi bwibwe, Na yesingeridza mwene mu ubudamano bwibwe.

Zaburi 62:10

Mu ta suuvira lidambidza, Mu tegingira ku lilanya lyenyu: Ubutugi ni bu medeka, u ta bu vika mu mwoyo gugwo.

Tsing'ano 24:2

Kigira mwoyo gwavo gu ganagana lidambidza Na minwa gyavo gyi volanga mahyolo.

Isaya 26:21

Kigira, henza, Yahova a twulanga hango hehe a kalagire avamenyanga ku lirova kigira ubudamano bwavo: na lirova li la lang'aminya amasahi galyo, si li la kunika avandu valyo aviitwa mba.

Isaya 28:15

Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

Isaya 3:14

Yahova a lingira mu likalaga navakulundu vavandu veve navanene vavo: Ni mwinye ava mali kulia mulimi gwamazabibu; vyalanywa ku vadaka vi veye mu tsinyu mba tsyenyu:

Isaya 3:15

kigira ki mu dambidza avandu vange, nokusia mmoni mwa vadaka? Mwami Yahova wa mahe, a vola.

Isaya 30:1

Ubudamano bu ve ku avana vobutingu, Yahova a vola, yavo avenyanga makuva, navutswa si venyanga agange; avekunika kikuniko, navutswa si ki veye kya Roho wange, va duke kumeda ubwoni ku bwoni;

Isaya 30:7

Kigira ubukonyi bwa Egepeti bu veye vutswa, si bu konya kindu: kigira yaga nda mu gulika Rahabu wikalanga vutswa.

Isaya 47:10

Kigira ive wa suuvira budamano bubwo; na u voye, Si ha veye nowandolanga; ubu geeri bubwo nelimanya lilyo, vya ku kyaminya; na wa vola mu mwoyo gugwo, Mbeye ho, na si ha veye nowundi kuli inze.

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 5:7

Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Isaya 59:13

mu lihyola nokwambakana Yahova, nokugirunkana kuvula kulonda Nyasaye wetu, nokuvola lidambidza nekirage, lisaavira nokutwulidza mu myoyo makuva gobubehi.

Isaya 59:4

Si ha veve nomulala wenyanga mu ubulungi, kinga mulala waniranga mu ageligali: va suuvira vya vutswa, ni va vola bubehi; va vereka inda yekivi, nokwivula ubudamano.

Isaya 7:9

na mutwe gwa Efiraim ni Samaria, na mutwe gwa Samaria, ni uyu mwana wa Remalia. Ni mu va ni mu sula kusuuvira, ligali si mu la dinyeridzwa.

Isaya 8:6

Kigira avandu yava va suye amadzi ga Shiloa aga genda galaha, na va sangalira Rezin nomwana wa Remalia;

Jeremia 13:25

Ikura yoyo ni yiyi, kidieli kya wa gererwa ki twulanga ku inze, Yahova a vola; kigira mwa nzivirira, na u suuviranga makuva gobubehi.

Amosi 2:4

Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

Luka 10:16

U hulira mwinye, a hulira inze; kandi u sula mwinye, a sula inze; kandi u sula inze, a sula wa ntuma.

1 Vatesalonike 4:8

Kunangwa uyu u sulanga, si a sulanga mundu navutswa a sulanga Nyasaye u hedzanga mwinye Roho Mutakatifu wewe.