Isaya 3:9 - KITABU KITAKATIFU

⁹ Liloleka lyommoni mwavo li lolekidza lihing'ana kuvo: na va lang'aminya ubwoni bwavo kuli Sodoma, si va visanga mba. Budamano bu ve ku mwoyo gwavo kigira vekoli avene ubuda mano.

Isaya 3:9 ပူးပေါင်းရင်းမြစ်များ

Litanga 13:13

Na avandu va Sodoma va li avadamano ligali, na va kola, ubwoni munonono imbiri wa Yahova.

Litanga 19:34

Kunangwa mugamba uyu wa tanga kwivulwa ya volera muke Henza, nda li halala na dada wange mgolova: ku mu nwehidze iwaini kandi ubudiku buno; na ive wingire kuva halala naye, ku singeridze visukululwi ku dada wetu.

Litanga 4:5

navutswa si ya bugirira Kaini na isadaka yeye. Na Kaini ya vihirirwa ligali, na a kunnya mu tsimoni tsitsye.

2 Avami 9:30

Na lwa Jehu yadza Jezireeli, Jezebeli ya hulira; yebula kibala mmoni, nokuboha mutwe, nokuhenzera mu lidirisha.

Zaburi 10:4

Mudamano mu luyai lwommoni mwimwe a wla, si a la vanza mba. Tsiganagani tsitsye tsyosi tsi veye kuvola, Si ha li na Nyasaye.

Tsing'ano 15:32

Uyu u sula lyegidzwa a leganga mwoyo gwigwe mwene; Navutswa uyu u hulira lihebwa amageli yenyolira limanya.

Tsing'ano 30:13

Ha veye nelikula, lyeginga lyetsimoni tsyavo li duka ndi Na vigohe vyavo vya gingwa.

Tsing'ano 8:36

Navutswa uyu u nkolera ubwoni, yononnya mwoyo gwigwe mwene: Vosi ava ndunyiranga, yava va yanzanga likudza.

Isaya 1:10

Mu hulire likuva lya Yahova, mwinye avamehanga Sodoma; mu tegidze amatu, mu hulire malago ga Nyasaye wetu, mwinye avandu va Gomora.

Isaya 3:16

Kuvita yaga, Yahova a vola, Kigira avakana va Zioni vegingira, na va gendanga namagoti manyiriku, netsimoni tsinyumu, ni va genda ku litematema inzira, nokutuula muliviti gwetsinyambula tsyomu virenge vyavo;

Isaya 57:20

Navutswa avadamano va leng'ana nenyanza i hinu lannyangwa; kigira si i nyala kusosa, namadzi gayo gu hulanga ubudohi na amandu.

Isaya 59:12

Kigira mahyolo getu ga medeka livalidzwa lyago imbiri wowo, na bwoni bwetu bu letanga lilolekidza ku kwinye; kigira mahyolo getu ku veye nago halala, noku budamano bwetu, ku bu manya:

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 3:3

Kigira yaga ulunyirira lwembula lu gaywi, nembula yitodzo i vule kukupa; navutswa wa li nobweni bwowamalaya, wa sula kuva netsisoni.

Jeremia 6:15

Va lola tsisoni lwa va kola kivihiri? Auwa, si va lola tsisoni kali hakuzu, kandi si va nyala kuva isoni; kunangwa kigira yaga va la gwa mu yavo ava gwidzanga; lwa ndi duka kuvo va la tuulwa hasi, Yahova a vola.

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Lisyoma lya Jeremia 5:16

Itaji yaguluki kutwula ku mitwe gyetu: O bayaye ku kwinye kigira ku koli ubwoni.

Ezekieli 16:30

Mwoyo gugwo gu veye mudedekere ndi, Mwami Nyasaye a vola, na u kolanga vindu yivi vyosi, navyo vi veye miyinzi gyomukali wamalaya wamahangali;

Ezekieli 16:49

Henza, budamano bwamwavo wowo Sodoma ni yibu: luyai, nokwiguta vyokulia, neligasidzwa lya li muye, uyu nomu vakana veve; kandi si ya dinyeridza amakono gavadaka nava dambi.

Ezekieli 23:16

Nonoho lwa ya va lola ya va yanza, ya hila kuvo ava tumwa kuduka Kalidei.

Danyeli 7:20

na ku tsinziga likumi tsya li ku mutwe gwayo, na ulwiga lundi lwa mera, lwetsindi tsivaka tsya guulwa imbiri walwo, ulwiga zana yilwo lwa li netsimoni, nomunwa gwa vola vindu vinene, lweliloleka lyalwo lya li linene kuvita tsindi.

Hosea 13:9

O Israeli, weyononnyi mwene, navutswa ubukonyi bubwo bu veye mu inze.

Hosea 5:5

Na uluyai lwa Israeli lu lolekidzanga imbiri wetsimoni tsitsye: kigira yaga Israeli na Efiraim va likigitala mu budamano bwavo, na Yuda a likigitala halala navo.

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

Likunula 11:8

Imibiri gyi kudzi gyavo gyi gona ku inzira yelidala linene, ku lugano lwa roho li langwa Sodoma ne Egepeti, kandi ho Mwami wavo ya bambwa.

1 Samweli 15:32

Hene yaho Samweli ya vola, Mu ndetere Agagi mwami wa Vaamaleki. Na Agagi ya duka imbiri wewe nobuluviriri. Na Agagi ya vola, Ligali ubululu bwelikudza bu viti.