Isaya 3:5 - KITABU KITAKATIFU

⁵ Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

Isaya 3:5 ပူးပေါင်းရင်းမြစ်များ

2 Avami 2:23

Na yanegira kutwula ho kutsia Betheli; na lwa ya li na a vitanga ku inzira, vayai va twula mu lidala yilyo, ni va mu kolera kihenyehenye, ni va mu volera, Nina igulu, ive wogwavusu; nina igulu, ive wogwavusu.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 11:13

Imbodoka ya Efiraim i la twula, na yavo ava tindira Yuda va la twulidzwa: Efiraim si va la kendekera Yuda, na Yuda si va la tindira Efiraim.

Isaya 19:2

Na nda vukidza Avaegepeti kuhing'ana na Avaegepeti: na va la lwana sa mulala namwavo wewe, sa mulala na wakye; lidala nelidala, ubwami nobwami.

Isaya 9:18

Kigira ubudamano bu sambanga kuli muliru; bu sambanga luta vati namafwa; yee, bu sambanga maginga gommulitu, nabwo bu dumanga igulu mu malesi maliduhu go mwoki.

Jeremia 22:17

Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Kyavalevi 19:32

U la singirira wetsimbudzi, nokwidzominya musakulu, na u la tia Nyasaye wowo: inze mbeye Yahova.

Amosi 4:1

Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Mika 7:2

U veye mulungi u divi kutwula ku lirova, si ha veye nomulala u veye mulungi mu avandu: vosi va gonekanga ku tahidza masahi; sa mulala a himanga amwavo wewe nomuluvo.

Zekaria 11:6

Kigira inze si nda vererera ava menyanga mu kivala yiki kandi mba, Yahova a vola: navutswa henza, nda va vika sa mulala mmukono gwomutende wewe, nommukono gwomwami wewe: na va la kuya kivala, na si nda va honnya kutwula mmakono gavo.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Matayo 26:67

Hene yaho va mu tudzira amate mmoni mwimwe, ni va mu duya netsinkundi; avandi va mwala tsinzasaya tsitsye,

Marko 14:65

Valala va tanga kumutudzira amate, nokumukunika tsimoni, nokumuduya, nokumuvolera, Profeta: kandi avasikari va mu vugula ni va mwala ne tsimpya tsyavo.

Luka 22:64

Kandi va mu fuma tsimoni tsitsye ni va mu teva, ni va vola, Profeta: ibwaha u ku duya?

Yakobo 2:6

Navutswa mwinye mwononnyi lidzominywa lyomundu mudaka. Avatugi si va mu minanga, nokumung'usa kuduka imbiri wentebe yelikalaga?

Yakobo 5:4

Henzi, amadanyi gavayinziri avagesa milimi gyenyu, aga mwinye mwigalira ku linuula, ga kupa tsikwili: nelilira lya yavo avagesa lingiye mu matu go Mwami Wamahe.