Isaya 3:14 - KITABU KITAKATIFU

¹⁴ Yahova a lingira mu likalaga navakulundu vavandu veve navanene vavo: Ni mwinye ava mali kulia mulimi gwamazabibu; vyalanywa ku vadaka vi veye mu tsinyu mba tsyenyu:

Isaya 3:14 ပူးပေါင်းရင်းမြစ်များ

Ayubu 22:4

Ga veye kigira ive wa mu tia, uyu a ku gondokera, Nokwingira mu likalaga halala nive?

Ayubu 24:14

Mulumindi a vukanga mabwebwe; Yiitanga avadaka navadambi; Mbudiku a veye kuli mwivi.

Ayubu 24:9

Va veye ho yavo ava twulidzanga avabisandu ku tsimbeere netsingulu, Nokuvugula kihambavayi kyavadaka;

Ayubu 34:23

Kigira si a veye nelyenya lyokuganagana mundu kuvita A duke kutsia imbiri wa Nyasaye mu likalagwa.

Zaburi 10:9

A setanga makiriri kuli king'ang'a mu lyevisa lyakyo; A seteranga avadedekere, a duke kuva hamba; A hambanga avadedekere, lwa a va kwesanga mu mutego gwi gwe.

Zaburi 14:4

Vosi ava kola ubudamano, si va veye nelimanya, Avalitsanga avandu vange kuli va lagira ubukima, Na si vanira Yahova?

Zaburi 143:2

U tingira mu lilkalagira mutumekiri wowo Kigira imbiri wowo si ha veye nomundu ku vosi va veye mwoyo, u va mulungi mwene mmoni mumwo.

Tsing'ano 30:14

Ha veye nelikula lyamino gavo ga veye kuli vivavi, na magego kuli mibano Kulia avadaka va twule mu lirova, na avadambi va twule hagati ha avandu.

Isaya 10:1

Ubudamano bu ve ku yavo ava laganga amalago makyamu, na kuvo avang'odi ava ng'odanga makuva makyamu;

Isaya 10:2

kuduka kugiru nkanya mudaka a vule kunyola ubulungi bwibwe, nokutwulidza ubulungi bwavadaka va veye mu vandu vange, avakunzakali va duke kuva avaha mbe na va duke kukolaa vabisandu va ve vilanye

Isaya 11:4

navutswa a la kalagira avadaka nageligali, navegehidzi velirova a la va kalagira nobulungi; na a la kuya lirova nempi mbo yomunwa gwigwe; nokwiita avadamano nomwika gwomu minwa gyigye.

Isaya 14:30

Na wokutanga kwivulwa womudaka a la lia vyokulia, nomudambi a la gona hasi nemirembe; na ndiita kitinya kikyo nenzala, nelitigala lilyo li liitwa.

Isaya 26:6

Kirenge ki la li duvagira hasi; kali virenge vyavadaka, netsinduvatiru tsyavadambi.

Isaya 29:19

Avahokya va la meda ubusangali bwavo mu Yahova, navadaka mu avandu va la sangala mu Uyu Mutakatifu wa Israeli.

Isaya 30:12

Kunangwa kigira yaga Uyu Mutakatifu wa Israeli a vola, Kigira mu lega likuva yili, nokusuuvira lidambidza nobukyamu, nokwidira ku yivi;

Isaya 5:7

Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Isaya 58:4

Henza, mu honga lilia kigira lihangala nelihing'ana, nokuduya na inkusi yobudamano: si mu honganga lilia lero kuduka myoyo gyenyu gyi hulirwa migulu.

Jeremia 12:10

Avayi vanyingi vononnyi milimi gwange gwemizabibu, va duvagi kidieli kyange isi wevirenge vyavo, va koli kidieli kyange kilahi kuva kyangalangwi ki ta li navandu.

Jeremia 5:27

Kuli lisera lizuye manyonyi, ni ndiyo tsinyumba tsyavo tsizuye ubugadi: na va gwiye avanene ku tsinzira yitsi, va nyoye ubutugi.

Ezekieli 18:12

noku dambidza avadaka navadambi, nokunuula avandu nekirage, wa vula kwirannya kihambiriru, wa ginga tsimoni tsitsye kuhenza vifwananyi, wa tumekira kivihiri,

Ezekieli 20:35

na nda mu leta nokumuvika mu kyangalangwi kyavandu, na nda mu kalagira ha zana munwa nomunwa.

Ezekieli 20:36

Kuli nda kalagira avadada venyu mu kyangalangwi kyekivala kya Egepeti, ni ndiyo ndi kalaga mwinye, Mwami Nyasaye a vola.

Kyavalevi 25:14

Kandi nu u va nu u gulidza umutende wowo, kinga nu u gula kindu ku mukono gwomutende wowo mu ta dambidzana.

Kyavalevi 25:17

Na mu ta dambidzana avene na avene mba; navutswa u la tia Nyasaye wowo: kigira inze mbeye Yahova Nyasaye wenyu.

Amosi 2:7

yavo ava heraniranga ulugukyi lwelirova lu veye ku mitwe gyavadaka, nokukyaminya inzira yomuhooma: na muyai na dada wewe vingira kuva nomkana mulala, kuvika budamano ku lieta lyange litakatifu:

Amosi 4:1

Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

Mika 2:1

O bayaye ku yavo ava saaviranga vidamano nokukola budamano ku vitali vyavo lwa bu kyedzanga, va bu tumekiranga, kigira bu veye mu bunyali bwa makono gavo.

Mika 2:2

Na va kayirangwa milimi, nokugyigumira; netsinyumba kandi, nokutsihila: na va dambidzanga mundu nenyumba yeye, yee, va dami)idzanga mundu nemiyandu gyigye.

Mika 3:3

kandi ava litsanga inyama yemibiri gya avandu vange, na ava nyenya magodo gavo, nokuvunannya vigumba vyavo, nokuvitemaga vidonye, kuli kuvivika mu inyingu, kuli inyama i veye mu sufuria.

Mika 6:10

Kuduka kalunu akiba yobudamano i kikiri mu inyumba ya vadamano, nekigero kva geha kyokuvihiriridza?

Matayo 21:33

Mu hulire lugano lundi: Ha li nomundu mwene inyumba wa simika kizabibu, na a lomba lugaga, na a yava mu lina lyokukamira mu mazabibu, ni yombaka kitaradzi, na a ha avalimi, na a tsia mu kivala kindi.

Yakobo 2:6

Navutswa mwinye mwononnyi lidzominywa lyomundu mudaka. Avatugi si va mu minanga, nokumung'usa kuduka imbiri wentebe yelikalaga?