Isaya 3:11 - KITABU KITAKATIFU

¹¹ Bu damano bu ve ku mudamano ki la va kivi kuye; kigira a la hebwa likola lyamakono gege.

Isaya 3:11 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

2 Samweli 3:39

Na inze lero mbeye mudedekere, kali ni mbeye mwami wa vakwa maguta; navandu yava kandi avana va Zeruia, va veye avandu avadinyu kuvita ku inze: Yahova a tunge u kolanga budamano kuli ubudamano bwibwe.

1 Avami 21:21

Henza, nda leta ubudamano ku ive na nda ku dividza ligali, na nda twulidza ku Ahabu avana vayai vosi, uyu wa bofwa na u veye nobwiyangu mu Israeli:

2 Kyetsinyinga 6:23

u hulire yaho mwigulu, u kole, u kalage hagati ha vatumekiri vovo, u tunge mudamano, kuleta inzira yeye ku mutwe gwigwe; nokuhaana bulungi ku mulungi, ku muha kuli ubulungi bwibwe.

Ayubu 10:15

Inze ni mba mudamano, budamano bu ve ku inze; Na ni mba mulungi, ku yaga kandi si nda ginga mutwe gwange; Mbeye mu lizula tsisoni Nokuhenza kivi kyange.

Zaburi 28:4

U va he kuli likola lyavo, na kuli ubudamano bwelikola lyavo: U va he kuli miyinzi gyamakono gavo; U va tunge madanyi gavo.

Zaburi 62:12

Kandi tsimbabasi tsyobuyanzi tsi veye tsitsyo, O Mwami; Kigira u tunganga ku avandu sa mulala kuli miyinzi gyigye.

Tsing'ano 1:31

Kunangwa va la lia makuyu genzira yavo avene, Na va lizula makuva gavo avene.

Tsing'ano 11:31

Henza, avalungi va la tungwa mu lirova: Nasindi avadamano na avoni.

Tsing'ano 12:14

Ubulahi bu la duka ku mundu ku makuyu gomunwa gwigwe Na mundu a la hebwa likola lyamakono gege.

Tsing'ano 26:27

Ku vosi u yavanga bogo, mwene a la gwa mu; Na uyu u gomagominyanga ligina, li lirana kuye.

Kohelethu 8:13

navutswa si bu la va bulahi ku mudamano mba, na si a la meda madiku gege manyingi mba, aga veye kuli kiriri; kigira si a tidzanga imbiri wa Nyasaye.

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 48:22

Yahova a vola, Si ha veye nemirembe ku vadamano.

Isaya 65:20

Si a la va ho kandi mwana mudoto wa madiku makekeke, kinga musakulu u kikiri kudukidza madiku gege: kigira mwana a la kudza na a veye mihiga mia, nowo bwoni wemihiga mia a la laamwa.

Isaya 65:6

Henza, likuva yili li ng'odeywi imbiri wange: si nda kiring'ana, navutswa nda tunga amaanyi, yee, nda tunga amadanyi gavo mu viritu vyavo,

Isaya 65:7

ubudamano bwenyu avene, nobudamano bwa va dada venyu halala, Yahova a vola, mwinye ava vuyidzi kimuli ku vigulu, nokunyegera mu tugulu: kunangwa kigira yaga nda tanga kuvagerera miyinzi gyavo mu viritu vyavo.

Jeremia 21:14

Nda mu ha mageli kuli amakuyu gevikolwa vyenyu, Yahova a vola; nda fwana muliru mu mulitu gwigwe, na gu la samba vindu vyosi vya mu kumbiridza ku tsimbega tsitsye.

Jeremia 31:30

Navutswa sa mulala a la kudza kigira budamano bwibwe mwene: sa mulala u litsa mazabibu malulu, amino gege ga la kudza.

Ezekieli 16:59

Kigira Mwami Nyasaye a vola ndi: Nda ku kolera kuli wa kola, wa lega lyesuha ku lyononnya lilagana.

Ezekieli 18:20

Mwoyo gwomundu gu kolanga ubwoni gu la kudza: umwana a la vula kuginga ubudamano bwa dada wewe, kandi dada a la vula kuginga ubudamano bwomwana wewe; ubulungi bwibwe bu la va ku uyu wobulungi, nobudamano bwibwe bu la va ku uyu wobudamano.

Ezekieli 2:10

naye ya ki kunula imbiri wange; nakyo kya ng'odwa musi negulu; na ga ng'odwa mukyo lisyoma nobuverereri neli.

Ezekieli 24:14

Inze, Yahova, mmali kuvola: ga la va na inze nda ga kola; si ndirana inyima, kandi si nda vererera, kandi si ndeganira; kuli tsinzira tsitsyo, kuli vikolwa vivyo, ni ndiyo va la ku kalagira, Mwami Nyasaye a vola.

Ezekieli 33:8

Lwa mbolera mu damano, O mundu mudamano, ligali u la kudza, na ive nu u va nu u ta vola kugerehidza mudamano zana kutwula ku inzira yeye; mundu mudamano uyu a la kudzira mbudamano bwibwe, navutswa masahi gege nda ga vanza ku mukono gugwo.

Mika 3:4

Inyinga yeyo va lanira Yahova, navutswa a la vula kuvativulira; yee, a la visa mmoni mwimwe va vule kumulola inyinga yeyo, kuli va koli budamano mu likola lyavo.

Mika 7:13

Halala na yaga kivala ki la va vutswa kigira yava ava menyanga mu kyo na kigira makuyu gelikola lyavo.

Livalidza 32:23

Navutswa ni mu ta kola ndiyo, henza, mwinye mu koli ubwoni imbiri wa Yahova; na mwinye mu manye ligali, ubwoni bwenyu bu la mu nvola.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Yakobo 2:13

Kigira likalaga si li veye netsimbabasi ku uyu u ta li netsimbabasi: tsimbabasi tsiidzominyanga ku likalaga.

Vakalagi 9:57

na ubudamano bwosi bwa avasatsa va Shekem, Nyasaye ya vanza ku mitwe gyavo: nelilaama lya Jotham mwana wa Jerubaal lya duka kuvo.