Isaya 3:1 - KITABU KITAKATIFU

¹ Kigira, henza, Yahova, Yahova wamahe, a twulidzanga mudigiru nempimbo mu Yerusalemi nomu Buyuda, mudigiru gwosi gwobukima, nempimbo yosi yamadzi;

Isaya 3:1 ပူးပေါင်းရင်းမြစ်များ

2 Avami 25:3

Noku lidiku lya kola gatano na gane lyomweli gwa kane, inzala ya li inene ligali mu lidala zana, kuduka vyokulia vya vula ku vandu vekivala.

Zaburi 105:16

Naye ya langa inzala i gumire kivala; Yononnya vyokulia vyosi.

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Isaya 2:22

Mu leke umundu, wemiyika gyigye gyi veye mu amolo gege; kigira uyu a ganaganangwa a veye kindu ku inzira ki?

Isaya 3:16

Kuvita yaga, Yahova a vola, Kigira avakana va Zioni vegingira, na va gendanga namagoti manyiriku, netsimoni tsinyumu, ni va genda ku litematema inzira, nokutuula muliviti gwetsinyambula tsyomu virenge vyavo;

Isaya 36:12

Navutswa Rabishake ya tivula, Munene wange ya ntuma ku munene wowo, noku ive, nduke kuvola makuva yaga? Si va nturna nduki kandi ku avandu va veye ku lugaga, va duke kulia amabi gavo avene, nokunwa amadzi gavo avene, halala nemwinye?

Isaya 5:13

Kigira yaga avandu vange va lanywa kigira va daka limanya; navandu vavo avelimanyikana va kudza nenzala, navanyingi kuvo va kudzanga nobuluhu.

Isaya 51:22

Mwami wowo Yahova, Nyasaye wowo u verera avandu veve makuva gavo, a vola, Henza, inze ntwulidzi ku mukono gugwo kikombe kyokudegeridza, na maseke gekikombe kyobutima bwange; ive si u la nwa ku yiki kandi mba:

Isaya 9:20

Na mulala a la nuula ku luvega lwomukono mulungi, na a la va nenzala; a la lia ku luvega lwomukono mmosi, na a la vula kwiguta: mundu sa mulala a la lia inyama yomukono gwigwe mwene:

Jeremia 37:21

Hene yaho mwami Zedekia ya laga, navo va vika Jeremia mmugidzi gwavalindi: na va mu ha lidiku sa lilala ubukima imango indala ya twula ku valugi, kuduka ubukima bwosi bwa fwa mu lidala. Ni ndiyo Jeremia ya menya mmugidzi gwavalindi.

Jeremia 38:9

O munene wange mwami, avandu yava va koli budamano ku vindu yivi vyosi vya va kolera muprofeti Jeremia, wa va teye mbogo; naye namusia a la kudzira ha a veye zana, kigira inzala: kigira si ha veye nobukima mu lidala mba.

Jeremia 52:3

Kigira ku ubutima bwa Yahova vindu yivi vya duka ku Yerusalemi noku Yuda kuduka va va ta va vule kuva imbiri wommoni mwimwe. Na Zedekia yebaala ku mwami wa Babuloni.

Jeremia 52:6

Mu mweli gwa gyine, ku lidiku lya gatano na gane gyomweli, inzala ya kira ligali mu lidala, kuduka ubukima ni bu vula kuva ho ku avandu vekivala.

Lisyoma lya Jeremia 5:4

Ku nwedzanga amadzi getu ga ku gulanga na ifetha Tsinku tsyetu ku gulidzangwa.

Ezekieli 14:13

Ive mwana womundu kivala ki kolera inze ubwoni ku likoia mahyolo, na nda nyira mukono gwange kukyo, nokuvunannya mudigiru gwevyokulia vyakyo, na nda leta inzala kukyo, nokutwulidza avandu nemitugu:

Kyavalevi 26:26

Lwa ndi yononya vyokulia vyenyu, avakali likumi va la lugira ubukima bwenyu mu mahiga malala, na va la mu ha ubukima bwenyu ne ligera ku tsiratili: na mu la lagira, navutswa si mu liguta mba.

Amosi 4:6

Inze mmu heye ubusiye bwa amino mu madala genyu gosi, na ligeha lyobukima mu tsingo tsyenyu tsyosi; navutswa si mwirani ku inze, Yahova a vola.

Mika 4:9

Kalunu kigira ki u kupanga tsikwili? Si ha veye nomwami mu ive, muvoli wowo wa diva, u luhe u gimiywi nelilumwa kuli mukali wivulanga?