Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.
Avalindi veve va veye avoboku, vosi va gehi ubugeeri; vosi va veye tsimbwa tsidimbidi, si va nyala kuloka; va lola maloto, va gona hasi, vayanza tsindolo.
Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.
Hene Yaho u la va volera, Yahova a vola ndi, Henza, avandu vosi ava menyanga mu kivala yiki, kali avami vikala nga ku intebe yobwami ya Daudi, navasalisi, navaprofeti, na vosi ava menya Yerusalemi, nda vizulitsa lihambika.
Ku makuva gavaprofeti. Mwoyo gwange gwoneki mu inze, vigumba vyange vyosi vi degeranga; mbeye kuli umuhambiki, kuli mundu wa guutwa newaini, ga veye kigira Yahova, kandi kigira makuva gege matakatifu.
Na u la va volera, Yahova wa mahe, Nyasaye wa Israeli, a vola: Mu nwe, mu hambike, nokuluka, nokugwa, mu vule kuvuka kandi, kigira kivavi kya nda leta hagati henyu.