Isaya 29:6 - KITABU KITAKATIFU

⁶ Yahova wa mahe a ladza kuye netsinkupa, noku degeridza kivala, neliyoga linyingi, nekihudzudzi, nekihi, nolumemo lwomuliru gu sambanga.

Isaya 29:6 ပူးပေါင်းရင်းမြစ်များ

2 Samweli 22:14

Yahova ya syagukidza inkupa migulu, U veye Igulu Ligali ya twulidza mwoyo.

Zaburi 55:8

Nda kola bwangu kuhona Ku kihudzudzi noku kihi.

Isaya 10:3

Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

Isaya 26:14

Yavo va kudzi, si va la va mwoyo; va kudzi, si va la vuka kandi: kigira yaga ive wa duka kuvo nokuvononnya nelidzulitswa lyavo lyosi u mali kulidividza.

Isaya 26:21

Kigira, henza, Yahova a twulanga hango hehe a kalagire avamenyanga ku lirova kigira ubudamano bwavo: na lirova li la lang'aminya amasahi galyo, si li la kunika avandu valyo aviitwa mba.

Isaya 28:2

Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Isaya 31:9

Na lwanda lwilwe lu la twula kigira litihidzwa, navanene veve va la tihidzwa kigira ibendera, Yahova a vola, womuliru gwigwe gu veye mu Zioni, namahiga gege mu Yerusalemi.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Ezekieli 38:22

Nda kola likalaga kuye nobulwaye namasahi; nda kupidza imbula kuye, noku viduma vivye, noku avandu vanvingi ava veye halala naye, nda kupidza imbula yo kwizula, nembula yamagina amanene nomuliru, nekibiridi.

Amosi 1:14

Navutswa nda fwana muliru mu lidigi lya Raba, na gu la samba tsinyumba tsyalyo tsyobwami, halala nokukupa uluku mu lidiku lyobulwani, halala nekihi mu lidiku lyekihudzudzi;

Nahum 1:3

Yahova a veye wagalaha ku butima, na a veye munene mu bunyali, si a la kola uyu u veye nekindu kuye kuva ougira mahyolo mba: Yahova a veye nenzira yeye mu kihudzudzi nomu kihi, amalesi ga veye lugukyi lwevirenge vivye.

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Matayo 24:7

Kigira ihiri i la vukira ihiri, nobwami bu la vukira ubwami; kandi ha la va netsinzala nokudegera kwelirova hale ne hale.

Marko 13:8

Ihiri nehiri va la vukerana, nobwami nobwami bu la vukerana, kandi mu vivala vinyingi lirova li la degera; tsitodzo tsi la va mu lirova: vindu yivi vi veye litanga lyokukupa kivi.

Luka 21:11

kandi li la va lidegera linene lyelirova, kandi tsitodzo netsinkudzo ihale ne hale; kandi ubutihidzi nevilolekidzu vi la twula migulu.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 16:18

vya li ho tsimbeni, nemyoyo, netsinkupa; kandi lya li ho lidegera linene lye lirova, lya li kuli lya vula kuva ho kutwula inyinga avandu va duka mu lirova, kuli wa lya li linene.

1 Samweli 2:10

Yavo ava hing'ana na Yahova va la donyanywa vidonye; A la twulidza inkupa migulu kuduka kuvo: Yahova a la kalagira viheri vyelirova; Na a la ha umwami wewe ubunyali, Na a la ginga lwiga lwombake wewe.