Isaya 29:5 - KITABU KITAKATIFU

⁵ Navutswa kiduma kyavasigu vovo ki la va kuli lugukyi, na kiduma kya yava avokutihidza ki la va kuli mukudzi gu bulukanga: yee, ga la va nonoho, bwangu.

Isaya 29:5 ပူးပေါင်းရင်းမြစ်များ

Ayubu 21:18

Na va veye kuli amavululi imbiri wembuudza Na kuli mukudzi gu hilangwa nekihudzudzi?

Zaburi 1:4

Avoni si va li ndiyo mba Navutswa va fwanana nomukuudzi gwembuudzi i hila.

Zaburi 35:5

Va ve kuli mukuudzi imbiri wembuudza, Ingelosi wa Yahova a Da kunganga.

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 25:3

Kigira yaga avandu vetsingulu va la kuminya ive; Iidala lyetsihiri tsyelitihidza li la tia ive.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Isaya 25:5

Kuli uluya mu ahumu u la gehidza ndiyo liyoga lyavageni; kuli uluya nekiriri kyelilesi, lwimbu lwavatihidzi lu likidzwa hasi.

Isaya 29:20

Kigira mutihidzi u heridzeywi, nomulegi u heri, na vosi ava lindiriranga ubu damano va twulidzeywi;

Isaya 30:13

kunangwa ubudamano yibu bu la va ku mwinye kuli ha huduki himbi kugwa, ha vimbi mu lidigi litambi, ahe lyadika lyaho li dukanga nonoho.

Isaya 31:3

Avaegepeti va veye avandu, si va veye Nyasaye; netsiparasi tsyavo tsi veye tsinyama, si tsi veye roho: Yahova lwa a nyira mukono gwigwe, uyu u konyanga a likigitala, na uyu u konyangwa a la gwa, va la heridzwa vombi halala.

Isaya 31:8

Na Muasuria a la gwa ku kivavi, ki ta li kyomundu; nekivavi zana, ki ta li kyavandu, ki la mu mira; na a liruka kivavi yikyo, navasoleli veve va la nigwa ku ubusutu.

Isaya 37:36

Ma ingelosi wa Yahova ya twula, ni yiita avandu tsielfu mia na makumi gatano na gavaka na tsielfu tsitano mu hokusosa ha Asuria; navandu lwa va vuka mugamba, henza, vosi va li avakudzu avere.

Isaya 40:15

Henza, tsihiri tsi veye kuli ingerageridza yamadzi mu isiongo, na tsi validzangwa kuva kuli akagukyi ka huudzangwa ku tsiratili: henza, a ginganga visulu kuli akandu vutswa.

Isaya 41:11

Henza, yavo vosi va dunyira ive va la va isoni nokugenya: yavo va hing'ananga nive va la va avavutswa, nokudiva.

Isaya 41:15

Henza nku koli u ve kiju kihya kyokuhuuiira ubuswage, ki veye na amino; na u la huula vigulu, nokuvisasaga kuva vikekeke, nokukola tu gulu kugwa mukuudzi.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 47:11

Kigira yaga ubudamano bu ladza ku ive; na ive si u la manya livuka lyabwo: na likuva lyekivi li la ku gwira; si u la nyala kwehonnya kulyo: nobudivi bu la ku nyola nonoho, bwa u ta manya.

Isaya 48:3

Inze nzilwadzi vindu vyoku matsyambiri kutwula kale; yee, ga twula mmunwa gwange, na nda ga lang'aminya: nda ga kola nonoho, na ga lombeka.

Amosi 5:9

u letanga ubudivi bwa nonoho kuvo avetsingulu, kuduka budivi bu duka ku impinga.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.